DEUTERONOMIO 17:16 - Biblia Guarani Tumpa Iñee

¹⁶ Ërei jókuae mburuvicha guasu agüɨye tomoñemuña iyeupe jeta kavayu, agüɨye vi tomondo togüeruruka iyeupe Egipto kotɨ güi omoïru vaerä ikavayu, echa yandeYa jei peve: ‘Agüɨye ye peyu kuae tape rupi.’

DEUTERONOMIO 17:16 ပူးပေါင်းရင်းမြစ်များ

2 SAMUEL 8:4

Chugüi reta David oipɨɨ mil seteciento kuimbae kavayu regua, jare veinte mil kuimbae ɨvɨ rupigua; jare opaete kavayu reta käretou ñeraro pegua regua opa oitɨmaka rakɨo, jaeño omoembɨre cien käretou peguarä.

1 REYES 1:5

Adonías David taɨ, Haguit imembɨraɨe oñemopüa oñemoërakua reve jae oiko vaerä mburuvicha guasurä. Ogua iyeupe käretou reta ñeraro pegua, jare omboatɨ kavayu regua reta jare cincuenta kuimbae jenonde yogüɨreko vaerä.

1 REYES 4:26

Salomón güɨnoi cuatro mil kavayu reta jókai reta rupi ikäretou peguarä, jare doce mil sundaro kavayu regua reta.

1 REYES 5:6

Añave, emondo toyasɨa reta cheve ɨ̈vɨrare ɨvɨ Líbano pegua; jare cherembiokuai reta ñogüɨnoita ndembae reta ndive, jare che amboepɨta ndeve nderembiokuai reta iparavɨkɨ nde reiporu rupi; echa nde reikuaa katu mbaetɨ ko orepɨte pe metei ave oikatu oñopa ɨvɨra, Sidón pegua reta rami vae.”

2 CRÓNICAS 1:16

Jare mburuvicha guasu pe omaemee vae reta ogua kavayu jare nieso ikavi vae Egipto pe Salomón peguarä.

2 CRÓNICAS 9:25

Salomón güɨnoi vi cuatro mil kavayu jókai ikavayu reta peguarä jare käretou reta jenda, jare doce mil kavayu regua, kuae reta omondo tëta guasu reta käretou ñeraro pegua ñogüɨnoia rupi jare mburuvicha guasu ndive Jerusalén pe.

SALMOS 20:7

Amogüe reta oyerovia ikäretou reta ñeraro pegua re, ïru reta oyerovia ikavayu reta ñeraro pegua re; ërei ore mbaetɨ oreakañɨ oreYa Tumpa güi.

ÉXODO 13:17

Faraón omaeño yogüɨraja Israel iñemuña reta güire, Tumpa mbaetɨ güɨraja tape köi vae rupi, filisteo reta iɨvɨ rupi oasa vae rupi; echa Tumpa oyemongeta agüɨye vaerä ipɨtu kuae tëta oecha yave ñeraro, jare oyerova reta ye Egipto kotɨ.

ÉXODO 13:18

Jáeramo Tumpa güɨraja ñuu rupi tape ojo Ɨguasu Pɨ̈ta vae kotɨ vae rupi, jokoropi oyere reta vaerä yogüɨraja. Jare ñogüɨnoe Israel iñemuña reta Egipto güi jembiporu ñeraro pegua reve reve.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ISAÍAS 2:7

Kuae ɨvɨ tɨnɨe oï korepoti jare oro pe, jeta mbaembae ikavigüe pe; kuae ɨvɨ tɨnɨe oï kavayu pe, jare jeta yeyé käretou ñeraro pegua.

JEREMÍAS 42:19

YandeYa jei pe Judá pe perembɨregüe reta pe, agüɨye vaerä peo Egipto kotɨ. Peikuaa kavi añave amombeu kavi voi peve vae.

EZEQUIEL 17:15

Ërei kuae mburuvicha oñemopüa mburuvicha guasu Babilonia pegua re, omondo jekovia pe kuimbae reta imiari vaerä Egipto pe, omee vaerä chupe kavayu reta jare jeta kuimbae. ¿Perovia pa kuae oyapo yave oasayepeta? ¿Ipuereta ra morogüɨrökuavee päve mbaetɨ ombopo vae oasayepe?

OSEAS 11:5

Ngaraa ma yogüɨraja ye ɨvɨ Egipto kotɨ. Asiria pegua etei ko oikota juvicha guasurä, echa mbaetɨ oyerova ye chekotɨ.

OSEAS 14:3

Asiria pegua reta ngaraa ipuere orereroasayepe, ngaraa vi orepuere rotekuarai kavayu re. Ngaraa ye ma roe ‘oretumpa’, mbae iä royapo orepo pe vae pe, oreYa, ndeño reiparareko tɨ̈reɨ.”

MIQUEAS 5:10

YandeYa jei: “Jókuae rupi ayukata pegüi pekavayu reta, jare arokomeguata pekäretou reta;

DEUTERONOMIO 28:68

Yepe tëi yandeYa jei peve mbaetɨta ma peo ye jókuae tape rupi, ërei pereraja yeta Egipto kotɨ barco pe; jare joko pe peñemeeta tembiokuairä, ërei mbaetɨta kia ave pegua vae.”

1 SAMUEL 8:11

Jei chupe reta: —Kuae ko oyapota jókuae peruvicha guasurä oïta vae: Güɨrajata peraɨ reta, jare oñonota käretou pe ñeraro regua retarä, jare kavayu regua retarä, jare jae järoarä.