DEUTERONOMIO 17:12 - Biblia Guarani Tumpa Iñee

¹² Ërei kuimbae oyembotuicha reve mbaetɨ oyapo sacerdote oyeokuai yandeYa pe vae ani oporojäa vae jei chupe vae yave, tomano. Jökorai peekɨ ikavimbae pepɨte güi.

DEUTERONOMIO 17:12 ပူးပေါင်းရင်းမြစ်များ

ESDRAS 10:8

Jare mboapɨ araa rupi kia nunga mbaetɨ ou yave, toñepɨ̈ro opaete imbaembae chugüi, mburuvicha reta jare tenondegua reta jei rami, jare toyemombo tembipɨɨ güi oyerova ye vae reta ipɨte güi.

SALMOS 19:13

Che nderembiokuai, cheövatu vi pɨapochɨ güi, agüɨye togüɨnoi mbaepuere cheré; jayave opaeteita chekɨambae reve aiko, jare aiko teeta chekɨambae pɨapochɨ güi.

PROVERBIOS 21:11

Oporoyóyai yóyai vae iñenupa rupi, yarakuaambae iyarakuaa; ërei yarakuaa katu vae pe oyemboeta yave, yarakuaa katu voi.

OSEAS 4:4

YandeYa jei: “¡Agüɨye kia tomboeko ani tomboeta ïru vae pe!, echa sacerdote reta kotɨño ayovaicho.

ZACARÍAS 3:7

“YandeYa Imbaepuere yae ete vae jei körai: ‘Reguata jare reiko yave cheremimbota rupi, reporookuaita chero pe, reyangarekota vi cheroka re, jare ameeta ndeve reï vaerä kuae oyeokuai cheve vae reta ndive.

NÚMEROS 15:30

Ërei kia nunga vae oyapo mbae ipɨapochɨ rupi yave, kuae pegua ani ketɨgua, yandeYa kotɨ ko oyavɨ; jókuae nunga toyemombo ete kavi jëtara reta ipɨte güi.

NÚMEROS 15:31

Echa omboeteä yandeYa iñee jare güɨröɨro iporookuai, jókuae nunga toyemombo ete kavi jëtara reta ipɨte güi, toiporara iyoa re.”

San Mateo 10:14

Jare oime metei o pe ani tëta guasu pegua reta mbaetɨ oipota pepɨta vaerä joko pe, jare mbaetɨ oipota oyeapɨsaka peré yave, pekuaño joko güi, jare pemotumo pepɨ ɨvɨkúi güi.

San Lucas 10:16

Oyeapɨsaka peré vae oyeapɨsaka ko cheré. Ërei pereröɨro vae che ko chereröɨro. Jare chereröɨro vae chembou vae ko güɨröɨro.”

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

San Juan 20:23

Peɨ̈ro yave oipotagüe vae pe iyoa re, Tumpa omboaita ko iyoa. Jare peɨ̈roä yave oipotagüe vae pe iyoa re, iyoa ngaraa oyemboai.

1 Corintios 5:13

Tumpa ko ojäata jókuae oporogüɨroviambae vae reta. Jáeramo peekɨ pepɨte güi jókuae ikavimbae iyapoa.

DEUTERONOMIO 1:43

Amombeu tëi peve, ërei ngatu pe reta mbaetɨ chererovia, yandeYa iporookuai peendumbaeño opa peyeupi ɨvɨtɨ re peyomborɨ katu yae reve.

DEUTERONOMIO 10:8

Jókuae ara rupi yandeYa oiparavo Leví iñemuña reta, güɨraja vaerä käjou morogüɨrökuavee päve pegua, jare ñogüɨnoi vaerä yandeYa jóvai oyeokuai reta vaerä chupe, jare jei vaerä ñee kavi yandeYa jee re, añave rupi oyapo rami.

DEUTERONOMIO 13:11

Jökorai opaete Israel iñemuña reta toikuaa jare toipoɨu, jökorai ngaraa ma oime ikavimbae oyapo vae.

DEUTERONOMIO 13:5

Jare jókuae ñeemombeúa ani ipaɨu katu vae tomano, echa pemboarakuaa peyemboyovaicho vaerä yandeYa Tumpa kotɨ, perenoe ɨvɨ Egipto güi jare pereepɨ yeokuaiasɨ katu güi vae, jare pemoñera pepia vaerä yandeYa Tumpa peokuai peyapo vaerä vae güi. Jökorai peekɨ ikavimbae pepɨte güi.

DEUTERONOMIO 13:6

Ërei nemoñera yave, nderɨkeɨ ani nderɨvɨ, ndesɨ imembɨraɨe, ani nderaɨ, nderayɨ ani nderembireko, ani ndevɨa-ïru, jei vɨari reve ndeve, reo vaerä remboete tumpa ambuae reta, nde reikuaambae jare neñemuñagüe reta oikuaambae vae,

DEUTERONOMIO 17:13

Opaete vae oendu kuae yave, oipoɨuta jare ngaraa ma oyapo oyembotuicha reve.

DEUTERONOMIO 17:7

Imiari vae reta räri toporoapi ita pe oporoyuka vaerä, jaɨkue rupi opaete vae. Jökorai peekɨ ikavimbae pepɨte güi.

DEUTERONOMIO 18:20

Ërei metei ñeemombeúa oyembotuicha reve imiari yave cheree re, che mbaetɨ ayókuai reve imiari yave, ani imiari yave tumpa ambuae vae reta jee re, jókuae nunga ñeemombeúa tomano.’

DEUTERONOMIO 18:5

Echa yandeYa Tumpa ko oiparavo reta opaete ñemuña ipɨte güi, oyapo reta vaerä mbaravɨkɨ yandeYa jee re jae jare taɨ reta jekuae avei pegua.

DEUTERONOMIO 18:7

toporomborɨ yandeYa Tumpa jee re, opaete ïru jëtara levita reta oporomborɨ rami,

1 Tesalonicenses 4:2

Echa pe reta peikuaa mborookuai reta romombeu peve yandeYa Jesús oreokuai vae.

1 Tesalonicenses 4:8

Jáeramo, kia güɨröɨro yave oreporomboe, güɨröɨro ko Tumpa, jókuae omee yandeve Espíritu Santo vae.

1 Timoteo 5:20

Mbaetɨ oipota oeya iyoa vae reta pe emboeta opaete vae jóvai, ïru vae reta okɨɨye vaerä vi.

JOSUÉ 1:18

Kia nunga vae ndeporookuai oyapombae jare mbaetɨ neñee güɨrovia opaete mbaembae rupi reporookuai yave vae, tomano. Jaeño eñemomɨ̈rata jare eñemoäta ngatu.

JUECES 20:13

Pemee orepo pe jókuae jeko kavimbae reta, kuae Gabaa pe ñogüɨnoi vae royuka vaerä, jare toyetɨo ɨvɨ Israel kuae ikavimbae güi.” Ërei Benjamín iñemuña pegua reta mbaetɨ oyapo jëtara Israel iñemuña reta jeigüe.

1 SAMUEL 3:13

Che amombeu chupe aiporarauka vaerä iñemuña reta pe jekuae avei pegua, mbaeyoa jae oikuaa oï vae re; echa taɨ reta cheangao, jare jae mbaetɨ oyopia taɨ reta.