DEUTERONOMIO 16:4 - Biblia Guarani Tumpa Iñee

⁴ Chiu ara agüɨye toyekuaa mbɨyape imbovúa opaete peɨvɨ rupi, jare tenondegua ara kaaru yave peyuka vae isoogüe agüɨye topɨta pɨareve peguarä.

DEUTERONOMIO 16:4 ပူးပေါင်းရင်းမြစ်များ

ÉXODO 12:10

Agüɨye etei mbae tomoembɨre reta pɨareve peguarä, jembɨregüe pɨareve pe topa toapɨ reta.

ÉXODO 12:15

Chiu ara peuta mbɨyape oyembovumbae; jare tenondegua ara güive mbaetɨta peiporu mbɨyape imbovúa pero rupi; echa kuae Israel iñemuña reta ipɨte pe kia nunga vae jou yave mbɨyape oyembovugüe tenondegua ara güive chiúa ara rupi vae toyemombo ete kavi Israel iñemuña reta ipɨte güi.

ÉXODO 12:6

Jare toñapɨti reta ara catorce oväe regua kuae yasɨ re, jare jókuae kaaru opaete vae Israel iñemuña reta toyuka.

ÉXODO 12:8

Jare jókuae pɨ̈tu tou reta soo oyeapegüe jare mbɨyape oyembovumbae; ñana iro vae ndive tou reta.

ÉXODO 13:7

Chiu ara toyeu mbɨyape oyembovumbae, agüɨye etei toime mbɨyape oyembovugüe, mbɨyape imbovúa ave agüɨye peiporu opaete peɨvɨ rupi.

ÉXODO 23:18

Agüɨye pemee cheve mbɨyape oyembovugüe ndive mɨmba oyeyuka vae jugüɨgüe, mɨmba oyeyuka vae ikɨragüe ave agüɨye peñovatu pɨareve peguarä.

ÉXODO 34:25

Agüɨye pemee mbɨyape oyembovugüe mɨmba oyeyukagüe jugüɨ ndive, agüɨye jembɨregüe peñovatu pɨareve peguarä mɨmba oyeyuka arete Pascua pe vae.

San Mateo 13:33

Jesús jekuae imiari ye ombojaanga reve. Jei: “Araɨgua mborookuaía, mbɨyape imbovúa rami ko. Kuña omboyea jókuae mbɨyape imbovúa veinte kilo trigokúi ndive yave, opaetei ombovu vae rami ko.”

DEUTERONOMIO 16:5

Agüɨye pemee mɨmba oyeyuka Pascua pe vae oipotagüe tëta yandeYa Tumpa omee pevea pe.