DEUTERONOMIO 16:2 - Biblia Guarani Tumpa Iñee

² Pascua iara pe pemee guaka jare vecha yandeYa Tumpa pe, jókuae jae oiparavo jee oïta pɨpea pe.

DEUTERONOMIO 16:2 ပူးပေါင်းရင်းမြစ်များ

2 REYES 23:21

Jayave mburuvicha guasu oyókuai opaete vae, jei körai: —Peyapo Pascua yandeYa Tumpa pe kuae tembikuatía morogüɨrökuavee päve pegua pe oyekuatía oï vae jei rami.

2 CRÓNICAS 35:7

Jare mburuvicha guasu Josías omee opaete joko pe ñogüɨnoi vae reta pe jɨmba reta güi Pascua pe oyeyuka vaerä: Vecha jare vecha kuimbae taɨrusu vae, kavara kuimbae taɨrusu vae, opaete reve jae ko treinta mil, jare tres mil toro taɨrusu vae.

NÚMEROS 9:2

“Israel iñemuña reta toyapo Pascua, iara pe kavi,

San Mateo 26:17

Jare jókuae tenondegua ara judío reta omboɨpɨ jou mbɨyape oyembovumbae vae yave, Jesús jemimboe reta yogüeru oparandu chupe: —¿Kia pe pa reipota roñono kavi vecha kuimbae taɨrusu vae isoo Pascua pegua reu vaerä?

San Mateo 26:2

—Pemaendúa mókoi araño ma ko oata Pascua iara oväe vaerä, che Kuimbaerä ayeapo vae chemee retata amano vaerä kurusu re.

San Marcos 14:12

Jare jókuae tenondegua ara arete pe, judío reta omboɨpɨ jou mbɨyape oyembovumbae vae yave, oyuka reta vecha kuimbae taɨrusu vae Pascua peguarä yave, jemimboe reta jei chupe: —¿Kia pe pa reipota roñono kavi vecha kuimbae taɨrusu vae isoo Pascua pegua reu vaerä?

San Lucas 22:15

Jayave jei chupe reta: —Chekɨ̈reɨ yae ko jau vecha kuimbae taɨrusu vae isoo Pascua pegua pe reta ndive, ndei amano mbove.

San Lucas 22:8

Jayave Jesús jei Pedro jare Juan pe: —Pekua peyapo kavi yau vaerä vecha kuimbae taɨrusu vae isoo Pascua pegua.

1 Corintios 5:7

Peyetɨo mbɨyape imbovúa indechigüe güi, peï vaerä mbɨyaperä ipɨau vae oyembovumbae rami. Echa Cristo ko vecha kuimbae taɨrusu vae yandePascua pegua, omano ma yanderé.

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:14

jaeño yandeYa oiparavo ɨvɨ metei ñemuña iɨvɨ pe vae pe. Joko pe pemee mɨmba oyeyuka opaetei oyeapɨ vae jare joko pe peyapota opaete che poyókuai vae.

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

DEUTERONOMIO 12:26

Ërei mbae peñono tee, jare peñererökuavee pemee vaerä Tumpa pe vae, peru jókuae yandeYa oiparavoa pe,

DEUTERONOMIO 12:5

Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.

DEUTERONOMIO 15:20

Año ñavo yandeYa Tumpa jóvai peuta opaete pero pegua reta ndive, jókuae jae oiparavo jee oïta pɨpea pe.

DEUTERONOMIO 16:1

Yasɨ Abib pe, peyapo arete Pascua yandeYa Tumpa pe, echa yasɨ Abib pe jókuae pɨ̈tu yandeYa Tumpa perenoe ɨvɨ Egipto güi.

DEUTERONOMIO 16:3

Agüɨye peu mɨmba oyeyukagüe ndive mbɨyape oyembovugüe, chiu ara peu mbɨyape oyembovumbae, mbɨyape mbɨatɨtɨ pegua, echa mbaetɨ peë pɨagüive ɨvɨ Egipto güi, kuae ko pemaendúa vaerä opaete ara rupi kërai peë ɨvɨ Egipto güi vae re.