DEUTERONOMIO 16:16 - Biblia Guarani Tumpa Iñee

¹⁶ Opaete kuimbae reta toyogüeru mboapɨ vese año pe yandeYa Tumpa jóvai, jókuae jae oiparavo jee oï pɨpea pe: Arete mbɨyape oyembovumbae pegua pe, arete semana vae pe, jare o ñairaka pegua iyarete pe. Agüɨye etei kia tou ipogüɨrai yandeYa jóvai,

DEUTERONOMIO 16:16 ပူးပေါင်းရင်းမြစ်များ

1 REYES 9:25

Mboapɨ vese año pe, Salomón omee mɨmba oyeyukagüe opaetei oyeapɨ vae, jare yembopɨakatu pegua, mɨmba oyeyuka oyeapɨ jese vae jae oyapo yandeYa pe vae re, jare oapɨ ikäti kavi vae incienso yandeYa jóvai. Jökorai oyapo reta opa tupao oyapo güire.

2 CRÓNICAS 8:13

oñemee vaerä jese mbota reta iara pe, Moisés mborookuai omee rami, jae ko: Ara mbutuu reta ñavo pe, yasɨ pɨau ñavo pe, jare arete reta mbaemboete pegua año pe mboapɨ oyeapo vae, jae ko: Arete mbɨyape oyembovumbae pegua, arete chiu ara oyeapo vae pegua jare arete küaraɨa ñairaka pegua.

ESDRAS 3:1

Jare chiúa yasɨ pe, Israel iñemuña reta ñogüɨnoi kavi ma jëta guasu reta rupi yave, oyomboatɨ reta metei ramiño Jerusalén pe.

NEHEMÍAS 8:15

jare oikuaauka reta vaerä omoërakuauka reta opaete tëta ñavo rupi, jare Jerusalén pe, jei reve: “Peë kaa kotɨ, jare peru ɨvɨra olivo jäkagüe, ɨvɨra Arrayán jee vae jäkagüe, karandaɨ jare oipotagüe ɨvɨra iküaraɨa kavi vae jäkagüe, peyapo vaerä o ñairaka pegua; mborookuai pe oyekuatía oï rami.”

SALMOS 122:4

Jokotɨ yogüɨraja ñemuña yandeYa imbae vae reta, mborookuai oñemee Israel pe rami, omboete vaerä yandeYa jee.

SALMOS 84:7

okuakuaa retata imbaepuere jare oecha retata Tumpa, Sión pe.

SALMOS 84:8

CheYa Tumpa Imbaepuere yae ete vae, ¡eendu cheyerure! ¡Jacob iTumpa, eyeapɨsaka!

SALMOS 96:8

Pemee mbaemboete yandeYa pe, echa jupi ko oñemee vaerä chupe; peru mbota reta, peike joka pe.

ÉXODO 34:20

Ërei pemboepɨ metei vecha kuimbae taɨrusu vae pe mburika imembɨrɨpɨ kuimbae, mbaetɨ ko yave peiyayu rakɨo. Pemboepɨ vi opaete peraɨrɨpɨ ñavo. Agüɨye metei ave tipogüɨrai tou cheróvai.

ÉXODO 34:24

Echa che amoëta amombo tëtaguasu reta pepɨte güi, jare ambotuichata peɨvɨ; jare ngaraa metei ave opɨ̈ro peɨvɨ, peo yave peñeñono peYa Tumpa jóvai mboapɨ ye año pe.

ISAÍAS 23:18

Ërei opaete omonganagüe oñeñono teeta yandeYa peguarä, mbaetɨta omboɨru ani oñovatu reta iyeupe, omee retata yandeYa jembiokuai reta pe, jae reta ogua vaerä jeta tembíu jare temimonde ikavigüe.

ISAÍAS 33:20

Pemae Sión re, tëta guasu yandearete mbaemboete pegua jenda re; pemae Jerusalén re, tëta guasu oiko pɨagüive vae re, tëta guasu ngaraai oyererosɨrɨ o guakapi pegua rami vae, ietaka ave ngaraa oyeekɨ ani iïcha ave ngaraa oso.

EZEQUIEL 36:38

Tëta guasu reta ipombae vae tɨnɨe yeta jeta vae reta pe, jeta vecha reta oyereraja Jerusalén pe arete mbaemboetea pegua pe yave vae rami, jókuae mɨmba oyeyukata oyeapɨ vae reta rami.’ ”

LEVÍTICO 23:34

“Ere Israel iñemuña reta pe: Kuae chiúa yasɨ, quince ara pe, toiko o ñairaka pegua arete ikavi yae vae, cheveguarä chiu ara rupi.

HAGEO 1:9

Peeka tëi jeta, ërei mbovɨ yae peväe; pemboɨru pero pe vae, che opata amboai pegüi cheɨvɨtu pe. ¿Peikuaa pa maera? Jei yandeYa Imbaepuere yae ete vae. Chero oyemboai oï jeko pegua; echa metei ñavo peyemoambeko pero ae re.

San Mateo 2:11

Oike reta o pe yave, oecha reta michia ichɨ María ndive. Jayave jae reta oyetavatɨka omboete reta michia. Jayave oipea reta imbaerɨru jare omee reta michia pe oro, mbae ikäti kavi vae incienso jare mirra.

San Marcos 12:3

Ërei jae reta oipɨɨ oinupa uvarupa iya jembiokuai, jare omondo ye ipogüɨraiño.

San Juan 7:2

Jare oyearo ma judío reta iarete, o ñairaka pegua arete.

DEUTERONOMIO 16:15

Chiu ara peyapo arete yandeYa Tumpa peguarä, jókuae jae oiparavo jee oï pɨpea pe, echa jae iporerekuata peré, opaete pembaagüɨye rupi jare opaete mbae peyapo vae rupi, jare peyerovia yaeta.

DEUTERONOMIO 16:17

metei ñavo togüeru mbota, yandeYa iporerekua rupi güɨnoigüe.

DEUTERONOMIO 31:11

opaete Israel iñemuña reta yogüeru yandeYa Tumpa jóvai, jae oiparavoa pe yave, toyemongeta chupe reta kuae mborookuai.

1 SAMUEL 1:3

Año ñavo jókuae kuimbae ojo jëta güi tëta Silo jee vae pe ombaemboete vaerä jare omee vaerä mɨmba oyeyukagüe yandeYa imbaepuere yae ete vae pe. Jókuae mókoi Elí taɨ yogüɨrekoa pe, Ofni jare Finees, yandeYa isacerdote.

1 SAMUEL 6:3

Jae reta jei: —Pemondo ye Tumpa ikäjou yave, agüɨye pemondo jökoraiño, pemondo vi mbota peyemboepɨ vaerä, jayave pekuerata jare peikuaata maera Tumpa oiporarauka peve.