DEUTERONOMIO 16:14 - Biblia Guarani Tumpa Iñee

¹⁴ Peyerovia kuae arete pe, peraɨ reta jare perayɨ reta, perembiokuai kuimbae jare perembiokuai kuña, Leví iñemuña reta, ketɨgua, tɨ̈reɨ, jare imemano vae yogüɨreko pepɨte pe vae ndive.

DEUTERONOMIO 16:14 ပူးပေါင်းရင်းမြစ်များ

ESTER 9:22

Echa jókuae ara Judáɨgua reta oyepɨ jovaicho reta re, ara jare yasɨ mbɨatɨtɨ pegua oyepoepɨ yerovia katu pe, ara kavi pe; kuae ara oyapo reta okaru vaerä yerovia ndive, oyombopota reve jare omee reve mbae paravete vae reta pe.

ECLESIASTÉS 9:7

Jayave, ekaru kavi ndepɨayerovia reve; echa ndeparavɨkɨ omboyerovia ko Tumpa.

ISAÍAS 30:29

Ërei peveguarä oimeta tairari, arete Pascua pe rami; pepɨa oyeroviata, kia nunga vae oyerovia reve mimbɨ iñee ndive ojo yandeYa iɨvɨtɨ kotɨ rami, Imbaepuere yae vae Israel pegua kotɨ.

ISAÍAS 35:10

yandeYa oyoragüe reta oyerovata, jae reta oiketa Sión pe tairari yerovia pegua ndive, yogüɨreko aveita yerovia katu rupi, güɨnoi retata yerovia katu, opata okañɨ mbɨatɨtɨ jare yaeo.

JOEL 1:16

Yanderovakei opa okañɨtei tembíu, opa yerovia jare mbɨakatu yandeYa jo pe.

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 14:29

jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

DEUTERONOMIO 16:15

Chiu ara peyapo arete yandeYa Tumpa peguarä, jókuae jae oiparavo jee oï pɨpea pe, echa jae iporerekuata peré, opaete pembaagüɨye rupi jare opaete mbae peyapo vae rupi, jare peyerovia yaeta.

DEUTERONOMIO 26:11

Javoi peyerovia pearete opaete yandeYa Tumpa omee peve vae re, jare pero pegua reta pe omee vae re. Toyogüeru vi peyeroviaa pe Leví iñemuña reta jare ketɨgua yogüɨreko pepɨte pe vae.

1 Tesalonicenses 5:16

Peyerovia katu avei.