DEUTERONOMIO 16:10 - Biblia Guarani Tumpa Iñee

¹⁰ peyapo arete ikavi yae vae semana regua yandeYa Tumpa pe, jare pemee mbota yandeYa Tumpa pe pekɨ̈reɨ ngatu reve jókuae iporerekua peré vae penoi rupi.

DEUTERONOMIO 16:10 ပူးပေါင်းရင်းမြစ်များ

1 CRÓNICAS 29:14

jare, ¿kia pa che jare kia pa cherëtaɨgua reta romee vaerä ndeve jeta mbota? Echa, ndembae ko opaete mbaembae, jare jaeño romee ndeve ndegüi romboresivegüe.

2 CRÓNICAS 31:14

Jare levita Coré, Imna taɨ, öke kuaraɨ oëa kotɨgua iyangarekoa, oyangareko mbota reta pɨa-kɨ̈reɨ ngatu reve oñemee Tumpa peguarä vae re, jare omboyao vaerä mbota reta oñeñono tee yandeYa pe vae jare mbaembae oñeñono tee kavi yae Tumpa peguarä vae.

ÉXODO 35:29

Kuimbae jare kuña Israel iñemuña reta, oime kɨ̈reɨ ngatu güɨnoi oporomborɨ vaerä opaete mbaravɨkɨ pe vae, oyeapo vaerä yandeYa oyókuai Moisés vae, güeru reta mbota ipɨakavi reve yandeYa pe.

PROVERBIOS 10:22

YandeYa iporerekua, mbaeyekou ko, ngaraa güeru mbɨatɨtɨ.

JOEL 2:14

Mbaetɨ yaikuaa oipoepɨta ra iyemongeta agüɨye vaerä oiporarauka peve, jare ombou mborerekua peve, oime vaerä temitɨ jäɨgüe jare mbota vino oyepɨyere vae, yandeYa Tumpa pe mbota oñemee vaerä.

LEVÍTICO 12:8

Jare mbaetɨ oupitɨ ogua vaerä metei vecha kuimbae taɨrusu vae yave, togüeru mókoi pɨkasui ani mókoi pɨkasutï taɨrusu vae, metei opaetei oyeapɨ vaerä jare ïru, cheɨ̈ro vaerä mbaeyoa re; jare sacerdote tomee kuae mɨmba reta jókuae kuña iyoa re cheɨ̈ro vaerä, jare topɨta ikɨambae.

LEVÍTICO 23:15

Peipapa chiu semana kavi ara mbutuu pegua güire, mbota trigo iagüe oñererökuavee oñemee güire.

LEVÍTICO 25:26

Mbaetɨ yave güɨnoi jëtara ogua ye vaerä chupe iɨvɨ omeegüe, ërei oupitɨ chupe ogua ye vaerä yave,

LEVÍTICO 5:7

Jare mbaetɨ korepoti oupitɨ chupe ogua vaerä vecha kuimbae taɨrusu vae yave; togüeru cheve, cheɨ̈ro vaerä chupe iyoa re, mókoi pɨkasui ani mókoi pɨkasutï: Metei toñemee, cheɨ̈ro vaerä mbaeyoa re, ïru opaetei oyeapɨ vaerä.

NÚMEROS 28:26

Jare vi mbaagüɨyerɨpɨ reta güi oñemee mbota pɨau Tumpa pe yave, jae ko arete semana; penoita yemboatɨ guasu Tumpa peguarä, agüɨye peyapo mbae nunga mbaravɨkɨ ave.

NÚMEROS 31:28

Jare embosɨrɨ cheve jókuae ñeraro regua reta imbaerä vae güi, quiniento vae güi metei, kuimbae ani güeye yepe, mburika ani vecha yepe

NÚMEROS 31:37

jare yandeYa peguarä jae ko, seisciento setenta y cinco;

1 Corintios 16:2

Tenondegua ara semana iyɨpɨ ñavo pe, metei ñavo peñovatu penoi rupi; peñovatu, agüɨye vaerä pemboatɨ che aja yave ramo.

2 Corintios 8:10

Che pomboarakuaa kuae re körai: Ikavi ko peyapo vaerä kuae. Echa pemboɨpɨ metei año ma pekɨ̈reɨ reve peporomborɨ vaerä.

2 Corintios 8:12

Echa ñanekɨ̈reɨ ngatu reve ñamee yave, Tumpa omboyerovia jókuae ñanoi rupi ñamee vae. Tumpa mbaetɨ oeka yandeve mbaetɨ ñanoi vae.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

DEUTERONOMIO 16:9

Chiu semana ma oasa yave, jókuae ara pemboɨpɨ peipoo trigo güive,