DEUTERONOMIO 15:9 - Biblia Guarani Tumpa Iñee

⁹ Peyeandu agüɨye vaerä oime yemongeta ikavimbae pepɨa pe, jare pere: ‘Köiño ma año chiúa oime vaerä ñɨ̈ro opaete mbia reta re.’ Jare perova arasɨ pemae perëtaɨgua paravete vae re, jare mbaetɨ mbae peiporuka chupe, echa jae ipuere oñeapo peré yandeYa pe jare jae omaeta peré, iyoa vae.

DEUTERONOMIO 15:9 ပူးပေါင်းရင်းမြစ်များ

JOB 34:28

Paravete jare yogüɨrekoasɨ katu vae reta jäse, ojo oväe Tumpa jóvai, jare jae oendu.

SALMOS 101:3

agüɨye tamae mbae jupimbae re. Aröɨro, jupimbae Tumpa kotɨ vae reta; ¡ngaraai amaeño oya reta cheré!

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 9:12

Echa Tumpa mbaetɨ iñakañɨ oporoyuka vae reta güi, mbaetɨ iñakañɨ oiporara vae reta isapúkai güi.

ÉXODO 22:22

Agüɨye metei ave imemano vae pe jare tɨ̈reɨ pe peiporarauka,

ÉXODO 22:23

echa peiporarauka chupe reta yave, jare ipɨatɨtɨ reve oyerure reta cheve yave, che aenduta chupe reta jókuae iyerure,

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

PROVERBIOS 14:21

Japicha güɨröɨro vae, iyoa ko; ërei paravete vae reta oiparareko vae, oyerovia ko.

PROVERBIOS 21:13

Paravete vae isapúkai güi iyapɨsa oyokenda vae, jae osapúkai tëi yave, ngaraa vi kia oendu chupe.

PROVERBIOS 23:6

Agüɨye ekaru jäkateɨ vae ndive, agüɨye eyúe emae jembíu kavi re ave,

PROVERBIOS 24:9

Yarakuaambae iyemongeta ko, mbaeyoaño; oporoyóyai yóyai vae, ikaviä yae ko kuimbae reta pe.

PROVERBIOS 28:22

Imbaepotarai vae, oipota jarembae pegua oyemboikokatu, ërei mbaetɨ oikuaa oikota ko mbaravete rupi vae.

PROVERBIOS 4:23

Opaete mbaembae reñovatu vae güi, eñovatu kavi ndepɨa, echa jese ko oï nderekove.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JEREMÍAS 34:14

chiu año oväe ñavo oyora reta vaerä oipotagüe jëtara hebreo oñemee jembiokuairä vae, jare oyeokuai chupe ova año vae. Ërei ngatu peñemuñagüe reta mbaetɨ oendu jare mbaetɨ oyapo reta che jae vae.

San Mateo 15:19

Echa pepɨa güi ko oë opaete yemongeta ikavimbae vae reta: mboroyuka reta, yuvanga menda re vae, aguasa reta, monda reta, iyapu reve imiari japicha re vae, ikavimbae jei Tumpa kotɨ vae.

San Mateo 20:15

Agüɨye ndeakatúä kuae ïru vae pe chepɨakavi chupe jeko pegua. Echa jupi ko che aipota vae ayapo vaerä chembaembae ndive.’

DEUTERONOMIO 15:1

Chiu año ñavo peɨ̈ro ipía peve vae pe.

DEUTERONOMIO 24:15

Pemboepɨ chupe jókuae ara voi ndei pɨ̈tu mbove, echa paravete ko, oatata chupe oiko jese vaerä. Agüɨye vaerä oñeapo peré yandeYa pe jare peyoa pepɨta.

DEUTERONOMIO 31:10

oyókuai körai: “Chiu año ñavo, oväe yave año ñɨ̈ro pegua, o ñairaka pegua iyarete pe,

Santiago 4:17

Jáeramo peikuaa tëi mbae ikavi vae peyapo reve peyapoä yave, peyoa ko.

Santiago 4:5

Tumpa Iñee oyekuatía oï vae añete vae ko, echa jei: “Espíritu jae oñono yandepɨa pe vae, jägüɨro yae yanderé.”

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.

Santiago 5:9

Cherɨvɨ reta, agüɨye peñeengeta oyokotɨ, agüɨye vaerä peyemboekouka. Echa oporojäa vae öke pe ma oï.

1 Pedro 4:9

Peyomboresive päve pero pe, peñeengurumbae reve.