DEUTERONOMIO 15:7 - Biblia Guarani Tumpa Iñee

⁷ Oime yave paravete vae pepɨte pe yandeYa Tumpa omee ɨvɨ pevea pe, agüɨye pepɨa täta pemborɨ vaerä perëtara paravete vae;

DEUTERONOMIO 15:7 ပူးပေါင်းရင်းမြစ်များ

NEHEMÍAS 5:1

Oyekuaa jeta ñeengeta opaete vae reta güi jare kuña reta güi jëtara judío reta kotɨ;

ESTER 9:19

Jáeramo, Judáɨgua reta yogüɨreko tëta raɨ oñekësembae rupi vae, ara catorce yasɨ Adar pe oyapo reta arete, oyerovia reve jare oyombopota reta mbae pe.

ESTER 9:22

Echa jókuae ara Judáɨgua reta oyepɨ jovaicho reta re, ara jare yasɨ mbɨatɨtɨ pegua oyepoepɨ yerovia katu pe, ara kavi pe; kuae ara oyapo reta okaru vaerä yerovia ndive, oyombopota reve jare omee reve mbae paravete vae reta pe.

ÉXODO 22:25

Kia nunga paravete vae, tëta chembae vae pegua pepɨte pe oiko vae pe peiporuka korepoti yave, agüɨye peiko chupe reta korepoti jepɨ reve oiporukañoi vae reta rami, agüɨye vi pekovara yoapɨ ye chupe reta.

PROVERBIOS 19:17

YandeYa pe ko oiporuka, paravete vae ombopota yave; ikavi vae oyapo vae oyemboekoviata ko chupe.

PROVERBIOS 21:13

Paravete vae isapúkai güi iyapɨsa oyokenda vae, jae osapúkai tëi yave, ngaraa vi kia oendu chupe.

ISAÍAS 58:10

remee nderembíu oata chupe vae pe yave, remborɨ yave ipɨatɨtɨ vae, jembipeta reyekuaa pɨtumimbía pe, kuaraɨ ara mbɨte pe oï rami reyekuaata.

LEVÍTICO 25:35

Kia nunga vae perëtara iparavete opɨta yave, jare ou pekotɨ pemborɨ vaerä, pemborɨ ketɨgua rami, jare toiko pe ndive pero pe.

San Mateo 18:30

Ërei jae mbaetɨ ipɨaguasu chupe. Oñoñauka tembipɨɨrɨru pe opa regua omboepɨ ipía.

San Mateo 5:42

Jaeramiño vi kia oyerure ndeve mbae re vae pe, emee, jare kia ombaeporu ndeve vae pe, eiporuuka.

DEUTERONOMIO 15:11

Echa paravete vae oime aveita ɨvɨ pe, jáeramo che poyókuai pepɨakavi vaerä perëtara paravete vae pe peɨvɨ pe.

DEUTERONOMIO 15:9

Peyeandu agüɨye vaerä oime yemongeta ikavimbae pepɨa pe, jare pere: ‘Köiño ma año chiúa oime vaerä ñɨ̈ro opaete mbia reta re.’ Jare perova arasɨ pemae perëtaɨgua paravete vae re, jare mbaetɨ mbae peiporuka chupe, echa jae ipuere oñeapo peré yandeYa pe jare jae omaeta peré, iyoa vae.

DEUTERONOMIO 24:14

Agüɨye peyuvanga paravete vae re, ara ñavo oyeokuai omongana vaerä vae, perëtaɨgua ani ketɨgua oiko peɨvɨ pegua tëta guasu reta pe vae.