DEUTERONOMIO 14:29 - Biblia Guarani Tumpa Iñee

²⁹ jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.

DEUTERONOMIO 14:29 ပူးပေါင်းရင်းမြစ်များ

SALMOS 41:1

Toyerovia jókuae oyemongeta paravete vae re vae, yandeYa oepɨta tembiporara iara pe.

SALMOS 41:2

YandeYa oyangarekota jese, omeeta chupe tekove, oyeroviata oiko ɨvɨ pe; ngaraa oeya jovaicho reta oyuvanga vaerä jese.

SALMOS 94:6

Oyuka reta imemano vae jare ketɨgua, tɨ̈reɨ oyuka reta vi.

PROVERBIOS 11:24

Mbae omee ngatu vae pe, oñemoïru ye chupe, ërei jupimbae reve oasa ete mbae omombɨta iyeupe vae reta yogüɨrekota mbaravete rupi.

PROVERBIOS 19:17

YandeYa pe ko oiporuka, paravete vae ombopota yave; ikavi vae oyapo vae oyemboekoviata ko chupe.

ISAÍAS 1:17

¡Peyemboe mo peyapo ikavi vae; peeka peyapo vaerä jupi vae, peyapo mo ikavi vae, oiporara yae vae reta pe, peyapo jupi vae tɨ̈reɨ reta pe, peepɨ imemano vae reta!”

LEVÍTICO 19:34

Pemae kavi jese reta, pe pemae oyoe rami; peaɨu, pe reta peyeaɨu rami; echa pe reta ketɨgua peikose yepi ɨvɨ Egipto pe. Che ko peYa Tumpa.

NÚMEROS 18:20

Jare yandeYa jei Aarón pe: “Nde mbaetɨta ndeɨvɨ nerëtara Israel iñemuña reta rami, jare jae reta ipɨte pe ave mbaetɨta ndembae ɨvɨ. Che ko jae ndembaeyekou Israel iñemuña reta ipɨte pe.

San Lucas 11:41

Pemee pepɨakatu reve penoigüe paravete vae reta pe. Jókuae rupi ïru vae reta oikuaata ikɨambae ko pepɨa.

San Lucas 6:35

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

DEUTERONOMIO 10:9

Jáeramo Leví iñemuña reta mbaetɨ güɨnoi ɨvɨ imbaerä jëtara reta ipɨte pe, jae reta imbae ko yandeYa etei; yandeYa Tumpa jei chupe reta rami.)

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 14:27

Agüɨye pemombo Leví iñemuña reta pepɨte pe yogüɨreko vae, echa chupe reta mbaetɨ oñemee ɨvɨ peve oñemee rami.

DEUTERONOMIO 15:10

Pemee chupe yave pemee peräkateɨmbae reve, echa kuae peyapogüe re jare pemee vae re yandeYa Tumpa iporerekuata peré.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

DEUTERONOMIO 16:14

Peyerovia kuae arete pe, peraɨ reta jare perayɨ reta, perembiokuai kuimbae jare perembiokuai kuña, Leví iñemuña reta, ketɨgua, tɨ̈reɨ, jare imemano vae yogüɨreko pepɨte pe vae ndive.

DEUTERONOMIO 23:21

Peyapo yave ñererökuavee yandeYa Tumpa pe, agüɨye peäro pembopo vaerä, echa añetete yandeYa Tumpa oekata peve, jare peyapoä yave peyoata.

DEUTERONOMIO 28:8

YandeYa ombouta peavatío re iporerekua jare opaete mbaembae peyapo vae re; iporerekuata peré kuae ɨvɨ omeeta peve vae pe.

DEUTERONOMIO 6:11

o tɨnɨe jeta mbaembae pe vae, pe mbaetɨ pemotɨnɨe vae, jare ɨrɨru oyeyoogüe, peyoombae vae, jare uvarupa jare ɨvɨra olivorupa pe peñotɨmbae vae, jare peu ma jare perɨ̈vɨata ma yave,

Hebreos 13:2

Pemboresive kavi avei mboupa, echa jökorai amogüe reta omboresive araɨgua jo pe oikuaambae reve.

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.