DEUTERONOMIO 14:1 - Biblia Guarani Tumpa Iñee

¹ Pe jae ko yandeYa Tumpa taɨ reta. Agüɨye pembopere perete, agüɨye peñeapi kia omano yave.

DEUTERONOMIO 14:1 ပူးပေါင်းရင်းမြစ်များ

GÉNESIS 6:2

Tumpa taɨ reta oecha kuimbae reta tayɨ maepöra yae reta yave, oiparavo reta iyeupe jembirekorä, jae reta oipota vae.

GÉNESIS 6:4

Jókuae ara rupi oime kuimbae ipuku yae vae, jare vi Tumpa taɨ reta güɨreko güive kuimbae reta tayɨ, omomembɨ reta. Kuae reta ko jae imbaepuere yae vae, jókuae ara güive kuae kuimbae reta jërakua yae mbaepuere pe.

1 REYES 18:28

Jare jae reta täta yae rupi osapúkai, jare oyeasɨa reta kɨse pe, jare mii raɨ pe, jae reta oyapoñoi rami, oñemomoropɨ̈ta regua jugüɨ pe.

ISAÍAS 63:16

¡Ërei nde ko jae oreru! Yepe tëi Abraham mbaetɨ oreñono iñemuña rami, ani yepe tëi Israel mbaetɨ imaendúa oreré, nde oreYa, jae ko oreru; nderee jae ko, OreReepɨ avei vae.

JEREMÍAS 16:6

Oikokatu vae reta jare paravete vae reta omanota kuae ɨvɨ pe; mbaetɨta kia oñotɨ reta vaerä jare oäpiro reta vaerä, ipɨatɨtɨ güi oyembopere vae ani opa oñeapi vae ave mbaetɨta jese reta.

JEREMÍAS 3:19

Israel, che ko aipota reiko cheraɨrä, jare amee ndeve ɨvɨ ipotaa yae vae, tëtaguasu reta iɨvɨ ikavi yae vae. Ayemongeta ko rere vaerä cheve cheRu, jare mbaetɨ yeta resɨrɨ chegüi.

JEREMÍAS 31:9

Yogüeru retata oyaeo reve oyerovia güi jare oyerure reve; araja retata ɨ katúa rupi, tape ipe kavía rupi, mbaetɨta oyepɨaka vae rupi. Echa Israel tu ko che, Efraín jae ko cheraɨ tenondegua ete.

JEREMÍAS 41:5

yogüeru oväe Siquem güi, Silo jare Samaria güi ochenta kuimbae; kuae reta opa jovaraa oñapi güeru, jare jemimonde reta osoro jare jete reta opa ombopere güeru. Güeru reta temitɨ jäɨgüe jare ikäti kavi vae incienso, güɨraja reta vaerä yandeYa itupao pe.

JEREMÍAS 47:5

Gaza pegua reta opa ia oñapiasɨ, jare Ascalón pegua reta kïrii ngatu opɨta. Pe reta, puku vae iñemuñagüe reta, ¿kërai yave pa peyeasɨa poita, pepɨatɨtɨ pemboyekuaa jökorai vae güi?

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

LEVÍTICO 21:5

Agüɨye tomboapúa reta ia toñapi, agüɨye jendɨvaa iyapɨ toyasɨa reta, agüɨye jete tombopere reta,

San Juan 1:12

Ërei opaete omboresive vae reta, güɨrovia jese vae reta pe, omee ipuere vaerä yogüɨreko Tumpa taɨ retarä ani tayɨ retarä.

San Juan 11:52

Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae.

Romanos 8:16

Espíritu Santo etei oikuaauka yandeve yande ko jae Tumpa taɨ reta.

Romanos 9:26

Tenonde yave che jae peve: ‘Pe reta chembaeä ko.’ Joko pe etei peñeenɨita ‘Tumpa oikove vae taɨ reta.’ ”

Romanos 9:4

Jae ko Israel iñemuña reta. Tumpa oyapo taɨ retarä. Oechauka iyemboetea chupe reta. Oyapo morogüɨrökuavee päve jae reta ndive, jare oikuaauka vi chupe reta Moisés iporookuai. Oyeokuai reta Tumpa pe jare jae oñererökuavee chupe reta.

Romanos 9:8

Kuae oipota jei, kuimbae jemimbota rupi ou ñemuña vae rupiä ko Tumpa taɨ reta. Jaeño Tumpa güɨrökuavee vae rupi oñemuña vae reta ko jae ñemuña añetete vae reta.

2 Corintios 6:18

Jare che aikota peRurä, jare pe reta peikota cheraɨrä jare cherayɨrä. Jökorai jei yandeYa Imbaepuere yae vae.”

Gálatas 3:26

echa opaete pe reta Tumpa taɨ reta ko, perovia Cristo Jesús re vae rupi;

DEUTERONOMIO 13:18

peyapo yave yandeYa Tumpa jei vae, peñovatu reve opaete mborookuai reta añave poyókuai jese peyapo vaerä sɨmbi vae yandeYa Tumpa jesa róvai.

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

1 Tesalonicenses 4:13

Cherɨvɨ reta, mbaetɨ roipota pepɨta peikuaambae omanogüe vae reta regua, agüɨye vaerä pepɨatɨtɨ, jókuae mbaetɨ mbae oäro vae reta rami.

Hebreos 2:10

Tumpa opaete mbaembae iyapoa, jese oï opaete mbaembae vae pe ikavi jeta ɨvɨ pegua reta oyeapo vaerä taɨ retarä, jáeramo, omee oiporara vaerä Jesús jare oupitɨ oporomboasa vaerä.

1 Juan 3:10

Yandepuere yaikuaa kia ra ko jae Tumpa taɨ reta jare kia ra ko jae aña guasu taɨ reta vae. Opaete kia jupimbae oyapo vae, jare mbaetɨ oaɨu ïru oporogüɨrovia vae, Tumpa taɨä ko.

1 Juan 5:2

Yaaɨu yave Tumpa jare yayapo yave jae iporookuai reta, yaikuaa yayoaɨu ko yande Tumpa taɨ reta.