DEUTERONOMIO 13:6 - Biblia Guarani Tumpa Iñee

⁶ Ërei nemoñera yave, nderɨkeɨ ani nderɨvɨ, ndesɨ imembɨraɨe, ani nderaɨ, nderayɨ ani nderembireko, ani ndevɨa-ïru, jei vɨari reve ndeve, reo vaerä remboete tumpa ambuae reta, nde reikuaambae jare neñemuñagüe reta oikuaambae vae,

DEUTERONOMIO 13:6 ပူးပေါင်းရင်းမြစ်များ

GÉNESIS 16:5

Jayave Sarai jei Abram pe: —¡Nde teko renoi cheve Agar chemotareɨ vaerä! Che amee ndeve rereko vaerä, jare oikuaa ipurúa ma yave chemotareɨ omae cheré. YandeYa tojäa kuae teko ndegüi ani chegüi.

2 SAMUEL 1:26

¡Chepɨatɨtɨ yae aï nderé, cherɨvɨ Jonatán! ¡Nde cheraɨu yae ko! Ndeporoaɨu oasa ikavi kuña reta iporoaɨu güi.

1 REYES 18:40

Jayave Elías jei chupe reta: —¡Peipɨɨ Baal regua omoërakua vae reta! ¡Agüɨye metei ave tojoyepe! Jare jae reta opa oipɨɨ; jare Elías güɨraja reta ɨ̈aka raɨ Cisón jee vae kotɨ, joko pe opa oñaseokɨ̈ti.

2 REYES 11:18

Javoi yogüɨraja opaete vae omboai Baal itupao, jökoraiño vi omboai reta opaetei mɨmba oyeyuka oyeapɨ jese vae jare mbae iä reta; oyuka reta Matán, Baal isacerdote mɨmba oyeyuka oyeapɨ jese vae jóvai. Javoi sacerdote tenondegua Joiada oñono yandeYa jo re oyangareko vaerä vae reta.

2 CRÓNICAS 15:13

Jare kia nunga vae mbaetɨ oeka yandeYa Israel iTumpa vae yave omano vaerä, okuakuaa vae ani michia, kuimbae ani kuña.

2 CRÓNICAS 23:17

Kuae jaɨkue rupi opaete yogüɨraja reta oike Baal itupao guasu pe, jare omboai reta mɨmba oyeyuka oyeapɨ jese vae jare tumpa-raanga reta iä. Jare oyuka reta Matán, Baal isacerdote mɨmba oyeyuka oyeapɨ jese vae reta jóvai.

JOB 31:27

Ërei mbaetɨ amboete vɨari aiko, ani chepo aupi ikotɨ amboete vaerä.

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

ÉXODO 32:27

Javoi Moisés jei chupe reta: —YandeYa, Israel iTumpa jei körai: “Metei ñavo toñono ikɨsepuku ikúa re, jare toyogüɨraja teyupa pe toasa öke ñavo rupi jare pegüi reta metei ñavo toyuka tɨkeɨ ani tɨvɨ, ivɨa-ïru jare jëtara.”

PROVERBIOS 18:24

Kuimbae oime ivɨa-ïru reta yave, tijeko kavi jae reta ndive; oime vɨa-ïru iporoaɨu yae tëtara ete güi vae.

PROVERBIOS 5:20

Cheraɨ, ¿maera pa reikota kuña iyaguasa pota vae ndive nderesambae rami? ¿Maera pa reiküavata kuña iyaguasa pota vae?

JEREMÍAS 28:15

Jayave ñeemombeúa Jeremías jei ñeemombeúa Hananías pe: —¡Eyeapɨsaka, Hananías! YandeYa mbaetɨ tëi ndembou, ërei nde rembotavɨ kuae tëta, reroviauka chupe reta añetembae.

JEREMÍAS 28:16

Jáeramo, yandeYa jei: “Romokañɨteita kuae ɨvɨ iárambo güi. Kuae año remanota, echa neñee jeko pegua opaete vae reta oyembopɨapochɨ chekotɨ.”

JEREMÍAS 44:3

ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi, oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.

ZACARÍAS 13:3

Jare amogüe omoërakua vɨteri mbae maratuta vae yave, tu jeita chupe: ‘¡Nde remanota, echa nemiari apu yandeYa jee re!’ Tu jare ichɨ aeño oikututa kɨse pe ñeemombeuarä oyeapo vae.

2 Corintios 5:16

Jáeramo añave güive ngaraa yandepɨa pe yayemongeta ïru vae re jae ko ɨvɨ peguaño. Yepe tëi Cristo re ñamae yepi kuae ɨvɨ peguaño ko vae, ërei añave mbaetɨ ma yayemongeta jese jökorai.

Gálatas 2:4

jare yepe tëi amogüe oporogüɨrovia raanga vae reta oike vɨari orepɨte pe, orepïaro vaerä kërai ra Cristo oreyora mborookuai güi vae rupi roiko vae, echa oipota roiko ye vaerä mborookuai re.

Efesios 4:14

Agüɨye vaerä mo yaiko michia rami. Oipotagüe yemboe pe yayererajauka vaerä. Echa mboromboe añetembae vae re oporomboe vae reta ipoki yae ko oporombotavɨ vaerä.

DEUTERONOMIO 11:32

peyapo opaete mborookuai reta oyeapogüe, añave che amee peve vae.

DEUTERONOMIO 13:2

jare jókuae omoërakua peve maratuta vae ani mɨakañɨ vae oyembopo yave, jare jei yave peve: ‘¡Peyu yaja ñamee mbaemboete ïru tumpa reta pe, pe mbaetɨ peikuaa vae pe!’

DEUTERONOMIO 13:7

tëta reta ndeɨvɨrigua, köiño vae ani mombɨrɨ ndegüi vae itumpa reta, ɨvɨ jembeɨ güive ïru jembeɨ pe,

DEUTERONOMIO 17:12

Ërei kuimbae oyembotuicha reve mbaetɨ oyapo sacerdote oyeokuai yandeYa pe vae ani oporojäa vae jei chupe vae yave, tomano. Jökorai peekɨ ikavimbae pepɨte güi.

DEUTERONOMIO 18:20

Ërei metei ñeemombeúa oyembotuicha reve imiari yave cheree re, che mbaetɨ ayókuai reve imiari yave, ani imiari yave tumpa ambuae vae reta jee re, jókuae nunga ñeemombeúa tomano.’

DEUTERONOMIO 19:19

peyapo chupe jae iyemongeta pe oipota tëi oyapo japicha pe rami. Jökorai peekɨ ikavimbae pepɨte güi.

DEUTERONOMIO 21:21

Jayave opaete kuimbae reta tëta pegua toyapi ita pe toyuka. Jökorai peekɨ ikavimbae pepɨte güi, jare opaete Israel iñemuña reta oendu yave oipoɨuta.

DEUTERONOMIO 22:21

penoe tu jöke pe, jare kuimbae tëta pegua reta toyapi ita pe toyuka, teko ikavimbae oyapo Israel iñemuña reta pe ipɨte pe jeko pegua, jare tu jo mbaetɨ omboete jeko pegua. Jökorai peekɨ ikavimbae pepɨte güi.

DEUTERONOMIO 24:7

Kia nunga vae oyepokou oñomi metei jëtara Israel iñemuña reta, oyapo vaerä tembiokuairä ani omee vaerä yave, tomano jókuae imonda vae, jökorai peekɨ ikavimbae pepɨte güi.

DEUTERONOMIO 28:54

Jare kuimbae iporoaɨu yae vae ave, ngaraa ma omae kavi jëtara re, jembireko re, ani michia reta jembɨre vɨteri chupe vae re,

DEUTERONOMIO 29:18

Agüɨye toime pepɨte pe kuimbae ani kuña yepe, ani metei tëtara, ani metei ñemuña ipɨa opia añave yandeYa güi vae, omboete vaerä kuae tëtaguasu reta itumpa-raanga reta. Agüɨye toime pepɨte pe kia nunga vae metei temitɨ iro ani imbayachi vae rami vae.

DEUTERONOMIO 8:14

javoi, peyembopɨatuicha jare peakañɨ yandeYa Tumpa güi, jae ko perenoe ɨvɨ Egipto güi, yeokuaiasɨ katu güi;

Colosenses 2:4

Kuae che jae peve, agüɨye vaerä kia ave pembotavɨ ñee-yukɨ rupi.

JOSUÉ 7:13

Epüa, eñono tee cheve opaete vae, ere chupe reta: “Peñeñono tee Tumpa pe pɨareve peguarä; echa yandeYa, Israel iTumpa jei körai: ‘Pe Israel iñemuña reta, yepopeyu oï jese vae oime penoi; mbaetɨta pepuere peñeraro perovaicho reta ndive, peekɨ regua pepɨte güi jókuae yepopeyu oï jese vae.’ ”

2 Pedro 2:1

Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 20:3

Jare omombo ɨvɨkua guasu pe. Jayave oyokenda ɨvɨkua jöke jare oñono jese mbae agüɨye vaerä kia ipuere oipea ye. Jökorai oyapo agüɨye vaerä ma ombotavɨ tëtaguasu reta mil año omboapɨ regua. Ërei jaɨkue rupi oyeyorauka yeta michi pegua.

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.

JUECES 2:13

Oeya reta yandeYa jare omboete reta tumpa-raanga Baal jare Astarot.

JUECES 20:13

Pemee orepo pe jókuae jeko kavimbae reta, kuae Gabaa pe ñogüɨnoi vae royuka vaerä, jare toyetɨo ɨvɨ Israel kuae ikavimbae güi.” Ërei Benjamín iñemuña pegua reta mbaetɨ oyapo jëtara Israel iñemuña reta jeigüe.

JUECES 5:8

Oiparavo reta iyeupe ipɨau tumpa-raanga reta yave, oime avei ñeraro tëta guasu pe. Mbaetɨ oyekuaa yeopiaka ani mii yepe cuarenta mil Israel ñemuña reta ipɨte pe.

1 SAMUEL 18:1

David opa imiari Saúl ndive yave, Jonatán omboɨpɨ ovɨa David re, jare oaɨu yae David jae oyeaɨu rami.

1 SAMUEL 18:3

Jonatán jare David oyapo oyoupe morogüɨrökuavee päve oyoaɨu avei vaerä, echa Jonatán oaɨu yae jae oyeaɨu rami.

1 SAMUEL 20:17

Jare Jonatán oyapouka ye David pe morogüɨrökuavee päve, echa oaɨu yae jae oyeaɨu rami.