DEUTERONOMIO 13:17 - Biblia Guarani Tumpa Iñee

¹⁷ Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

DEUTERONOMIO 13:17 ပူးပေါင်းရင်းမြစ်များ

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 26:4

Ambojetata neñemuña, ara re yasɨtata rami, jare ameeta ndeve opaete kuae ɨvɨ. Jare neñemuña rupi opaete tëtaguasu reta re outa mborerekua.

GÉNESIS 28:14

Neñemuña reta jeta yaeta ɨvɨkúi rami, reñemoaita kuaraɨ oikea kotɨ, jare kuaraɨ oëa kotɨ, ɨvɨtuguasu kotɨ jare arayevɨ kotɨ; jare opaete ɨvɨ pegua reta oyekouta nderupi jare neñemuña rupi.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 85:3

rembosɨrɨ ndeyeugüi opaete ndearasɨ yae vae.

ÉXODO 20:6

jare opaete cheraɨu vae jare oyapo cheporookuai reta vae re cheporoparareko.

ÉXODO 32:12

¿Remaeñota pa Egiptoɨgua reta jei: “Ikavimbae oyapo chupe reta vaeräño opa güɨnoe, opa vaerä oyuka ɨvɨtɨ re, opa vaerä omboai ɨvɨ iárambo güi”? Agüɨye ndearasɨ, eipoepɨ ndeyemongeta, ikavimbae reyapota ndembae vae reta pe vae.

LAMENTACIONES 3:32

Yepe tëi oiporarauka, ërei iporoparareko vi; echa iporoparareko tuicha yae ko.

EZEQUIEL 37:26

Jare morogüɨrökuavee päve yembopɨakatu pegua ayapota jae reta ndive, morogüɨrökuavee päve jekuae avei pegua. Añono kavita, ambojeta retata jare añonota chero mbaemboetea pegua ipɨte reta pe jekuae avei pegua.

OSEAS 11:9

Ngaraa ayapo chearasɨ jeia rupi: Ngaraa ave amboai Efraín, echa Tumpa ko che, kuimbaeä ko che. Pepɨte pe Ikɨambae ko che, ngaraa aike amboai tëta guasu.”

NÚMEROS 25:4

jare jei Moisés pe: —Emboatɨ opaete mburuvicha reta tëta pegua, jare eyuvɨ cheróvai ara pe etei mburuvicha itumpa-raanga pota vae reta, jayave chearasɨ poita ikotɨ reta.

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

DEUTERONOMIO 13:18

peyapo yave yandeYa Tumpa jei vae, peñovatu reve opaete mborookuai reta añave poyókuai jese peyapo vaerä sɨmbi vae yandeYa Tumpa jesa róvai.

DEUTERONOMIO 30:3

jayave yandeYa pereroyerova yeta peyererajaukaa kotɨ güi, jare güɨnoita mboroparareko pekotɨ; pereru yeta opaete ketɨ ketɨ tëta reta kotɨ güi, yandeYa Tumpa opa pemoai moaia kotɨ güi.

DEUTERONOMIO 30:5

pereru yeta jókuae ɨvɨ peñemuñagüe reta imbaegüe pe, jare penoita pembaerä, oyapota peve ikavi vae jare pemoñemuñata jeta yae peñemuñagüe reta güi.

DEUTERONOMIO 7:13

Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

DEUTERONOMIO 7:26

Agüɨye peru mbae pɨ̈chɨi vae pero pe, agüɨye vaerä yepopeyu oï jese vae peru, opaetei mbae peroɨ̈ro jare pɨ̈chɨi pemae jese, echa yepopeyu pe ko oï.

JOSUÉ 22:20

Pemaendúa Acán, Zera taɨ re, iyoa oñeñono tee okañɨtei vaerä vae re opoko yave, kuae jeko pegua ou arasɨ opaete Israel iñemuña reta re. ¡Jókuae kuimbae mbaetɨ jaeño oiporara iyoa re!

JOSUÉ 6:18

Ërei pe reta peyeandu jókuae kañɨtei peguarä oï vae güi; agüɨye peyavɨkɨ, agüɨye etei peupi peyeupe mbae yepe jókuae güi, echa güɨramoi peñonoukata vi Israel iñemuña reta jeyupa Tumpa iyepopeyu pe, jare pembosusereuka.

JOSUÉ 6:24

Javoi oapɨ reta jókuae tëta guasu opaete pɨpegua ndive; jaeño oñono reta yandeYa jo pe mbaembae jepɨ vae oñeñovatúa pe korepoti, oro, tembiporu reta jiero iyu vae pegua jare jiero pegua.

JOSUÉ 6:26

Jókuae ara rupi Josué oyepopeyu Tumpa jee re, jei reve: “YandeYa iyepopeyu toa jókuae kuimbae omopüa pɨau ye kuae tëta Jericó vae, taɨrɨpɨ tomano chugüi tëta iguapɨa omopüa oï yave jare taɨ taɨkuegua tom ano chugüi jöke oñono oï yave.”

JOSUÉ 7:1

Ërei Israel iñemuña reta ombaeyavɨ yandeYa iyepopeyu oï jese vae rupi; echa Acán, Carmi taɨ, Zabdi jɨmɨmino, Zera jɨmɨmino yoapɨ ye, Judá iñemuña pegua, oipɨɨ iyeupe yandeYa iyepopeyu pe oï vae. Jáeramo yandeYa iyarasɨ Israel iñemuña reta kotɨ.

JOSUÉ 7:26

Jare omboatɨ reta jese jeta ita, jókuae oimeño añave rupi. Jökorai yandeYa iyarasɨ poi. Kuae jeko pegua jókuae ɨvɨtɨ päu jekuaeño jee Acor, añave rupi.

JOSUÉ 8:28

jare Josué oapɨ Hai, omokañɨtei oeya jekuae avei pegua, jökorai opɨta añave regua.