DEUTERONOMIO 12:7 - Biblia Guarani Tumpa Iñee

⁷ Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

DEUTERONOMIO 12:7 ပူးပေါင်းရင်းမြစ်များ

1 CRÓNICAS 29:22

Jókuae ara okaru reta jare jou reta vino oyerovia katu reve yandeYa jóvai. Jaɨkue rupi omboguapɨ ye mokoía ma mburuvicha guasurä Salomón, David taɨ, oñono tee reta reve mburuvicharä asaite rupi yandeYa jóvai, oñono reta vi Sadoc sacerdoterä.

NEHEMÍAS 8:9

Jare mburuvicha Nehemías jare sacerdote Esdras mborookuai re oporomboe vae, jare levita reta omombeu kavi opaete vae pe vae, jei reta opaete vae pe: “Kuae ara oñeñono tee yandeYa Tumpa pe vae ko; agüɨye pepɨatɨtɨ, agüɨye peyaeo.” Echa opaete vae oyaeo oendu ramboeve ñee reta mborookuai regua.

ECLESIASTÉS 3:12

Che aikuaa kuimbae pe jaekavi vae, jae ko oyerovia jare oiko kavi vaerä,

ECLESIASTÉS 3:13

echa Tumpa ko omee yandeve yakaru kavi vaerä, jare yayekou vaerä opaete yandeparavɨkɨagüe re.

ECLESIASTÉS 5:18

Jayave, aecha ikavi yae vae jae ko: Yakaru kavi vae, yayerovia vaerä opaete yandeparavɨkɨagüe güi, kuae ɨvɨ pe yayemoambeko jese vae re, opaete ara Tumpa omee tekove yandeve ramboeve, echa jókuae ko jae yandeparavɨkɨ jekovia.

ISAÍAS 23:18

Ërei opaete omonganagüe oñeñono teeta yandeYa peguarä, mbaetɨta omboɨru ani oñovatu reta iyeupe, omee retata yandeYa jembiokuai reta pe, jae reta ogua vaerä jeta tembíu jare temimonde ikavigüe.

ISAÍAS 62:9

ërei opaete pearɨvo jare pemboɨrugüe peuta jare pemboeteta che peYa Tumpa; peipoota uva reta jare peuta vino, peuta chero oñeñono tee vae joka pe.”

EZEQUIEL 44:3

Ërei mburuvicha, oiko mburuvicharä jeko pegua ipuere oguapɨ joko pe jou vaerä cheróvai mbɨyape oñeñono tee cheveguarä vae. Oiketa korero kotɨgua öke rupi, jare jokoropi yeño oëta.”

JOEL 1:16

Yanderovakei opa okañɨtei tembíu, opa yerovia jare mbɨakatu yandeYa jo pe.

JOEL 2:26

Pekaruta perïvɨata regua, pemboeteta peYa Tumpa jee, jeta mɨakañɨ reta oyapo pe ndive vae; jare ngaraa ye ma chembae vae reta oñemomaraiuka,

LEVÍTICO 23:40

Tenondegua ara pe peru ɨvɨra reta ikavi yae vae iagüe, karandaɨ jäka, ɨvɨra jokɨ katu yae vae jäka jare sause ɨ̈aka rupigua, jare peyerovia che peYa Tumpa jóvai chiu ara rupi.

MALAQUÍAS 2:13

Jare jekuae peñova yeta tesaɨ pe mɨmba oyeyuka oyeapɨ jese vae yandeYa imbae, yaeo pe, täse reta pe; jayave ngaraa ye ma amae mbota re aipɨɨ vaerä chepɨakatu reve pepo güi.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

DEUTERONOMIO 12:8

Joko pe agüɨye mo peyapo pepɨa jemimbota, añave kuae pe yayapo rami.

DEUTERONOMIO 14:23

Jare jókuae payandepo güi metei vae peuta yandeYa Tumpa jóvai jae oiparavo jee oikotaa pe, payandepo trigo vae güi metei, jökoraiño vi vino jare olivo iasaite, jare opaete perɨmba imembɨrɨpɨ reta, jökorai peikuaa vaerä pemboete avei yandeYa Tumpa.

DEUTERONOMIO 14:26

Jókuae korepoti re pegua peipota vae: Guaka, vecha, vino, mbae oporombosavaɨpo vae, ani oipotagüe pekɨ̈reɨ pegua vae, peu yandeYa Tumpa jóvai jare peyerovia opaete pero pegua ndive.

DEUTERONOMIO 15:20

Año ñavo yandeYa Tumpa jóvai peuta opaete pero pegua reta ndive, jókuae jae oiparavo jee oïta pɨpea pe.

DEUTERONOMIO 26:11

Javoi peyerovia pearete opaete yandeYa Tumpa omee peve vae re, jare pero pegua reta pe omee vae re. Toyogüeru vi peyeroviaa pe Leví iñemuña reta jare ketɨgua yogüɨreko pepɨte pe vae.

DEUTERONOMIO 27:7

jare mbota yembopɨakatu pegua, jare peu joko pe, jare peyerovia yandeYa Tumpa jóvai.

DEUTERONOMIO 28:47

mbaetɨ ramo peyeokuai yandeYa Tumpa pe yerovia ndive jare mbɨakatu ndive, jeta mbaembae omee peve vae re.

Filipenses 4:4

Peyerovia katu avei yandeYa re. ¡Peyerovia katu avei!