DEUTERONOMIO 12:6 - Biblia Guarani Tumpa Iñee

⁶ Joko pe perajata pemee mɨmba oyeyuka opaetei oyeapɨ vae, mɨmba oyeyukagüe, pediezmo reta, mbota oñererökuavee vae, ñererökuavee pegua, mbota kɨ̈reɨ ngatu pegua, jare peguaka reta imembɨrɨpɨ, jare pevecha reta imembɨrɨpɨ.

DEUTERONOMIO 12:6 ပူးပေါင်းရင်းမြစ်များ

2 CRÓNICAS 31:14

Jare levita Coré, Imna taɨ, öke kuaraɨ oëa kotɨgua iyangarekoa, oyangareko mbota reta pɨa-kɨ̈reɨ ngatu reve oñemee Tumpa peguarä vae re, jare omboyao vaerä mbota reta oñeñono tee yandeYa pe vae jare mbaembae oñeñono tee kavi yae Tumpa peguarä vae.

2 CRÓNICAS 7:12

Jare yandeYa oyeechauka Salomón pe pɨ̈tu yave jare jei chupe: “Che aendu ndeyerure jare aiparavo cheyeupe kuae o mɨmba oyeyukagüe oñemee vae peguarä.

ESDRAS 3:2

Jayave Jesúa, Josadac taɨ jare jëtara sacerdote reta, jare Zorobabel, Salatiel taɨ jare jëtara reta, omopüa reta mɨmba oyeyukagüe oyeapɨ jese vae Israel iTumpa pe, omee vaerä jese mɨmba oyeyukagüe opaetei oyeapɨ vae, Moisés, Tumpa jembiokuai iporookuai reta jei rami.

NEHEMÍAS 10:36

jare rogüɨraja vaerä vi ñaneTumpa jo pe oreraɨrɨpɨ reta, jare orerɨmba guaka jare vecha imembɨrɨpɨ reta, mborookuai pe oyekuatía oï rami, sacerdote reta Tumpa jo pe oyeokuai vae reta jóvai.

NEHEMÍAS 10:39

echa Israel iñemuña reta jare levita reta güɨrajata mbota tupao guasu pe mbaembae oñeñovatúa pe mbae jäi, vino, olivo iasaite; jae ko tembiporu reta, sacerdote reta, öke iyangarekoa reta jare otairari vae reta ñogüɨnoia pe. Jökorai roñeñono agüɨye vaerä roeya ñaneTumpa jo.

SALMOS 116:17

Tamee ndeve mbaemboete, jare taenɨi cheYa jee.

EZEQUIEL 20:40

Ërei cheɨvɨtɨ añono tee vae re, ɨvɨtɨ ɨvate Israel pe vae re, jei yandeYa Tumpa. Joko pe chemboeteta Israel iñemuña reta, joko pe aiporuta chupe reta mbota mbaagüɨyerɨpɨ jare opaete mbota oñeñono tee vae.

LEVÍTICO 1:3

Güeru yave mɨmba oyeyuka opaetei oyeapɨ vaerä vae; togüeru toro jete kavi vae; ipɨa-kɨ̈reɨ ngatu reve tomee tupao guakapi pegua ikësea jöke pe cheróvai.

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

MALAQUÍAS 3:8

¿Kuimbae ipuere pa mbae oñomi Tumpa güi? ¡Echa pe reta pemaeñomi ko chegüi! Ërei pere: “¿Mbae pa roñomi ndegüi?” ¡Peñomi ko mbota reta jare pediezmo reta!

San Lucas 11:42

“¡Paravete, pe fariseo reta! Echa pemee pediezmo temitɨ reta penoi vae güi. Ërei mbaetɨ peyapo jupi vae, jare mbaetɨ peaɨu Tumpa. Kuae ko jae peyapo vaerä peeyambae reve diezmo reta.

San Lucas 18:12

Che ayekuaku tembíu güi mókoi vese semana pe, jare amee ndeve diezmo opaete amongana vae güi.’

DEUTERONOMIO 12:17

Agüɨye peu perëta pe pediezmo, trigo jäɨgüe, vino ani olivo iasaite, peguaka imembɨrɨpɨ ani vecha imembɨrɨpɨ, ani peñererökuavee pemee vaerä vae ani mbota kɨ̈reɨ ngatu reve oñemee vae, ani mbota oñererökuavee vae.

DEUTERONOMIO 26:2

peipɨɨ pembaagüɨyerɨpɨ, jare peñono metei kanata pe peraja yandeYa Tumpa oiparavo jee oïta pɨpea pe.

JOSUÉ 22:27

Jae ko yandemomaendúa vaerä jare ñaneñemuña reta peguarä, kërai ore orepuere romboete yandeYa, mɨmba oyeyukagüe opaetei oyeapɨ ndive, jare mɨmba oyeyukagüe mbɨakatu pegua ndive; agüɨye vaerä kuri peraɨ reta jei oreraɨ reta pe: “¿Mbae pa peeka Tumpa oïa pe?”

1 SAMUEL 1:21

Jaɨkue rupi Elcana ojo opaete jo pegua reta ndive omee vaerä mɨmba oyeyukagüe yandeYa pe, iñee ombopo vaerä. Jae oyapoñoi rami.

1 SAMUEL 1:24

Jare ombokambu poi güire, güɨraja jupíe; jare mboapɨ toro taɨrusu vae, jare veintidó kilo trigo jare metei jɨru vino; güɨraja yandeYa jo pe Silo pe; ërei kunumi raɨ michi vɨteri.