DEUTERONOMIO 12:5 - Biblia Guarani Tumpa Iñee

⁵ Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.

DEUTERONOMIO 12:5 ပူးပေါင်းရင်းမြစ်များ

1 REYES 12:27

echa kuae tëta yogüɨraja ye omee mɨmba oyeyukagüe Tumpa pe Jerusalén pe yave, ipɨa oï yeta mburuvicha guasu Roboam, Judá pegua kotɨ, jare cheyuka retata; jökorai oyerova reta yeta Roboam mburuvicha guasu Judá pegua kotɨ.”

1 REYES 14:21

Roboam, Salomón taɨ oiko mburuvicha guasurä Judá pe. Cuarenta y un año güɨnoi yave omboɨpɨ oï, jare diecisiete año oiko mburuvicha guasurä Jerusalén pe, tëta yandeYa oiparavo opaete Israel iñemuña reta güi vae, joko pe oñono vaerä jee. Ichɨ jee Naama, Amón iñemuña pegua.

1 REYES 8:16

‘Egipto güi tëta chembae anoe güive, mbaetɨ aiparavo tëta metei ave opaete Israel iñemuña reta güi, pɨpe oñemopüa vaerä tupao guasu cheree oï pɨpe vaerä, ërei aiparavo David oï vaerä tëta Israel chembae pe.’

1 REYES 8:20

Jare yandeYa ombopo iñee jeigüe vae; echa che apüa cheru David jekovia pe, jare aguapɨ Israel pe mburuvicha guasu iguapɨa pe yandeYa jei rami, jare amopüa tupao yandeYa Israel iTumpa jee re.

1 REYES 8:27

Ërei ¿añetete ra ko Tumpa oikota ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao amopüagüe!

1 REYES 8:29

emae avei pɨ̈tu yave jare ara pe kuae o re, kuae: ‘Cheree oïta pɨpe’ rere chupe vae re; jare eendu nderembiokuai yerure oyapo yave kuae o pe.

2 REYES 18:22

Jare pe pere cheve yave: “Ore romboete oreYa Tumpa.” ¿Mbaetɨ pa Ezequías omboai mbaemboete renda reta ɨvɨtɨ rupigua mɨmba oyeyuka oyeapɨ jese vae, jare mbaetɨ pa oyókuai Judá pegua reta jare Jerusalén pegua reta ombaemboete vaerä Jerusalén pegua mɨmba oyeyuka oyeapɨ jese vae peño?

1 CRÓNICAS 22:1

Jáeramo jei David: “Kuae pe oïta yandeYa Tumpa jo, jare kuae pe mɨmba oyeyuka oyeapɨ jese vae, mɨmba oyeyukagüe opaetei oyeapɨ vae Israel peguarä.”

2 CRÓNICAS 7:12

Jare yandeYa oyeechauka Salomón pe pɨ̈tu yave jare jei chupe: “Che aendu ndeyerure jare aiparavo cheyeupe kuae o mɨmba oyeyukagüe oñemee vae peguarä.

ESDRAS 3:2

Jayave Jesúa, Josadac taɨ jare jëtara sacerdote reta, jare Zorobabel, Salatiel taɨ jare jëtara reta, omopüa reta mɨmba oyeyukagüe oyeapɨ jese vae Israel iTumpa pe, omee vaerä jese mɨmba oyeyukagüe opaetei oyeapɨ vae, Moisés, Tumpa jembiokuai iporookuai reta jei rami.

ESDRAS 6:12

Jare Tumpa oiparavo oñono vaerä jee joko pe vae, tomboai opaete mburuvicha guasu reta ani tëtaguasu reta oipota oipoepɨ ani omboai Tumpa jo Jerusalén pegua vae. Che Darío amee kuae mborookuai, jare toyeapo jarembae voi.”

ESDRAS 7:17

Jókuae korepoti pe reikuaa rupi kavi egua toro taɨrusu vae reta, vecha kuimbae reta, jare vecha kuimbae taɨrusu vae, jare mbota reta temitɨ jäɨgüe, jare mbota vino oyepɨyere vaerä vae, mɨmba oyeyukagüe oyeapɨ jese vae re peTumpa jo pe Jerusalén pe oï re vae.

NEHEMÍAS 1:9

ërei ngatu, peyerova ye chekotɨ yave, peñovatu jare peyapo yave cheporookuai reta, yepe tëi opa peñemoai moai ketɨ ketɨ rupi, joko güi pogüeru yeta. Pogüeruta che aiparavo cheree oï vaerä pɨpea pe.’

SALMOS 78:68

Jaeño oiparavo ñemuña Judá, ɨvɨtɨ Sión, jae oaɨu vae.

ÉXODO 15:2

Chetairari yandeYa kotɨño ko, jae ko chepɨ̈rata jare cheyemboasa. Jae ko cheTumpa, amboeteta ko, cheru iTumpa ko, ambotuichata ko.

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

ÉXODO 25:22

Joko pe ayekuaaukata jare chemiarita ndeve, opaete mborookuai reta ameeta Israel iñemuña reta peguarä vae re, jókuae ñɨ̈ro renda iárambo güi, jókuae mókoi araɨgua reta käjou iárambo ñogüɨnoi vae ipäu güi.

JEREMÍAS 26:2

“Eyemboɨ chetupao joka pe jare nemiari opaete tëta guasu reta Judá pegua güi yogüeru ombaemboete vaerä tupao pe vae reta pe, opaete cheñee reta royókuai nemiari vaerä chupe reta vae. Agüɨye eeya metei ave ñee reta.

JEREMÍAS 7:12

Pekua añave Silo pe, tenonde ete cheree oyemboetea pe, jare pemae jese, kërai ikavimbae ayapo chupe, tëta Israel chembae vae ikavimbae oyapo vae jeko pegua.

JEREMÍAS 7:14

Jáeramo, ayapota vi kuae o cheree oñeenɨi pɨpe vae pe, Silo pe ayapo rami; kuae pe reta perovia katu jese vae, che amee peve jare peñemuñagüe reta pe vae.

LEVÍTICO 17:4

mbaetɨ yave güeru tupao guakapi pegua jöke pe, omee vaerä mbota cheve, o guakapi pegua jóvai, toyemboeko jókuae mɨmba jugüɨ opɨyere vae re; jókuae kuimbae toyemombo ete kavi jëtara reta ipɨte güi.

NÚMEROS 7:89

Moisés oike tupao guakapi pegua pe, imiari vaerä Tumpa ndive yave, oendu yandeYa iñee ñɨ̈ro renda iárambo güi, jókuae mókoi araɨgua querubín iä ipäu güi, jare imiari jae ndive.

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:13

Peyeandu agüɨye vaerä pemee mɨmba oyeyuka opaetei oyeapɨ vae oipota rupi peecha ikavía pe;

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

DEUTERONOMIO 12:4

Agüɨye jökorai pemboete yandeYa Tumpa.

DEUTERONOMIO 14:23

Jare jókuae payandepo güi metei vae peuta yandeYa Tumpa jóvai jae oiparavo jee oikotaa pe, payandepo trigo vae güi metei, jökoraiño vi vino jare olivo iasaite, jare opaete perɨmba imembɨrɨpɨ reta, jökorai peikuaa vaerä pemboete avei yandeYa Tumpa.

DEUTERONOMIO 14:24

Jare mombɨrɨ yae oï pegüi yandeYa Tumpa oiparavo jee oï vaerä pɨpe vae yave, yavaita peraja yandeYa Tumpa iporerekua peregüe penoi vae yave,

DEUTERONOMIO 15:20

Año ñavo yandeYa Tumpa jóvai peuta opaete pero pegua reta ndive, jókuae jae oiparavo jee oïta pɨpea pe.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

DEUTERONOMIO 16:15

Chiu ara peyapo arete yandeYa Tumpa peguarä, jókuae jae oiparavo jee oï pɨpea pe, echa jae iporerekuata peré, opaete pembaagüɨye rupi jare opaete mbae peyapo vae rupi, jare peyerovia yaeta.

DEUTERONOMIO 16:2

Pascua iara pe pemee guaka jare vecha yandeYa Tumpa pe, jókuae jae oiparavo jee oïta pɨpea pe.

DEUTERONOMIO 16:6

Jaeño yandeYa Tumpa oiparavo jee oïta pɨpea pe, jare kaaru yave pemee, echa jókuae ora ko peë Egipto güi,

DEUTERONOMIO 16:7

soo pemeegüe peuta jókuae yandeYa Tumpa oiparavo jee oïta pɨpea pe, jare pɨareve pe peyerova yeta peo perëta kotɨ.

DEUTERONOMIO 17:8

Oime yavai yae teko pejäa vaerä yave, yoyuka regua, ñeapo regua, yombopere regua, ani ïru mbae perëta pe oasa vae. Jayave pepüa jare pekua yandeYa Tumpa oiparavo jee oïta pɨpea pe,

DEUTERONOMIO 18:6

Kia nunga tëta peikoa güi metei Leví iñemuña ipɨa-kɨ̈reɨ ngatu reve ou yave, yandeYa oiparavo jee oï pɨpea pe,

DEUTERONOMIO 26:2

peipɨɨ pembaagüɨyerɨpɨ, jare peñono metei kanata pe peraja yandeYa Tumpa oiparavo jee oïta pɨpea pe.

DEUTERONOMIO 31:11

opaete Israel iñemuña reta yogüeru yandeYa Tumpa jóvai, jae oiparavoa pe yave, toyemongeta chupe reta kuae mborookuai.

Colosenses 2:9

Echa Cristo re ko oï opaete Tumpa imbaepuere,

Hebreos 12:22

Ërei pe reta peya ma ɨvɨtɨ guasu Sión re, Tumpa oikove vae jëta guasu re. Jae ko Jerusalén ara pegua, araɨgua reta jeta yae ñogüɨnoia re,

JOSUÉ 18:1

Opaete Israel iñemuña reta oyomboatɨ Silo pe, jare joko pe omopüa reta o guakapi pegua opɨ̈ro güire ɨvɨ,

JOSUÉ 22:11

Ïru Israel iñemuña reta oendu amogüe jei, Rubén jare Gad iñemuña reta jare Manasés iñemuña reta oyemboyaogüe omopüa mɨmba oyeyuka oyeapɨ jese vae, ɨvɨ Canaán jembeɨ pe, ɨ̈aka Jordán jembeɨ pe, jókuae ïru ñemuña reta iɨvɨ jembeɨ pe;

JOSUÉ 9:27

ërei opa oñono reta yepea iyapoarä, ɨ güɨnoe reta vaerä opaete Israel iñemuña reta pe, jare yandeYa pe mɨmba oyeyuka oyeapɨ jese vae pe oyeporu vaerä, jae oiparavota vae pe. Añave rupi jekuaeño Gabaón pegua reta oyapo jókuae mbaravɨkɨ.

Apocalipsis 14:1

Jaɨkue rupi amae jare aecha Vecha kuimbae taɨrusu vae oyemboɨ oï ɨvɨtɨ Sión re. Jae ndive ciento cuarenta y cuatro mil vae reta. Jae reta jesɨva re oyekuatía oï Vecha kuimbae taɨrusu vae jee jare Tu jee.