DEUTERONOMIO 12:31 - Biblia Guarani Tumpa Iñee

³¹ Agüɨye jökorai peyapo yandeYa Tumpa pe, echa opaete mbae ikavimbae yandeYa güɨröɨro vae, jae reta oyapo itumpa reta pe, echa taɨ jare tayɨ reta ave oapɨ tata pe itumpa reta peguarä.

DEUTERONOMIO 12:31 ပူးပေါင်းရင်းမြစ်များ

2 REYES 16:3

Omomoe mburuvicha guasu reta Israel pegua jeko, echa taɨ oapɨuka tumpa-raanga pe, tëtaguasu reta, yandeYa güɨnoe omombo Israel iñemuña reta jenonde güi vae jeko pɨ̈chɨi yae rami.

2 REYES 17:31

Ava pegua reta oyapo Nibhaz jare Tartac iä, jare Sefarvaim pegua reta oapɨ taɨ reta omboete vaerä itumpa-raanga reta Adramelec jare Anamelec.

2 REYES 21:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami.

2 REYES 3:27

Jayave oipɨɨ taɨrɨpɨ, jae jekoviarä opɨtata tëi mburuvicha guasurä vae, jare oyuka omee mɨmba oyeyukagüe opaetei oyeapɨ vae oñemee rami, tëta guasu ikësea iárambo. Kuae mbaetɨ etei ikavi Israel iñemuña reta pe, jare osɨrɨ reta joko güi, opa ye oyerova iɨvɨ kotɨ.

2 CRÓNICAS 33:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami:

2 CRÓNICAS 36:14

Jökorai vi opaete sacerdote tenondegua reta, jare tëta pegua reta jeiete yae ikavimbae oyapo, omomoe reta tëtaguasu pegua reta jeko ikavimbae yae vae, jare yandeYa jo jae oñono tee Jerusalén pe vae omongɨa reta.

SALMOS 106:37

oyuka reta taɨ reta jare tayɨ reta, omee vaerä mbota aña reta pe.

ÉXODO 23:2

Agüɨye peyeko jeta vae reta iyemongeta reño, ikavimbae oyeapo vaerä. Teko peñono kavi yave, agüɨye peyererajauka jeta vae reta jeia re, peepɨ vaerä jeko jupimbae;

JEREMÍAS 32:35

Omopüa reta vi mbaemboete renda reta Baal peguarä, ɨvɨtɨ päu ipe kavi vae Ben-hinom pe, imichia reta oapɨ vaerä jese Moloc pe, jökorai oitɨ reta mbaeyoa pe Judá; mbae ikavimbae yae ko, che mbaetɨ ayókuai jese reta vae jare mbaetɨ vi kërai ave yepe ayemongeta jese vae.

JEREMÍAS 7:31

Jare ɨvɨtɨ päu ipe kavía Ben-hinom jee vae pe omopüa reta mbota reta oyeapɨ jese vae Tofet, jese oapɨ reta vaerä taɨ reta ani tayɨ reta, che mbaetɨ etei ayókuai jese reta vae, mbaetɨ vi kërai ave yepe ayemongeta jese vae.

EZEQUIEL 20:31

Echa pemee mbota reta chupe, peraɨ reta pemee oyeapɨ vaerä, jökorai peyemongɨa itumpa-raanga reta rupi añave regua. Jökorai reve peyu peparandu mbae re cheve Israel iñemuña reta. Che peYa Tumpa jae cheyé aeño peve, ngaraa aendu peve.

EZEQUIEL 23:27

Jökorai amboapɨta ndegüi ndekuimbae pota yae vae, ndeaguasa pota reyeapo Egipto pe vae; ngaraa ye ma reecha Egiptoɨgua reta jare ngaraa ye ma nemaendúa jese reta.

LEVÍTICO 18:21

Agüɨye kia nunga vae tomee taɨ mbota rami tumpa-raanga Moloc jee vae pe, agüɨye pemongɨa peTumpa jee. Echa che ko peYa.

LEVÍTICO 18:3

Agüɨye pemomoe ɨvɨ Egipto pegua reta jeko; peikosea pe oyeapo vae. Agüɨye vi pemomoe ɨvɨ Canaán pegua reta jeko, che pogüɨrajataa pe, agüɨye vi pemomoe mborookuai reta güɨnoi vae.

LEVÍTICO 20:2

“Ere Israel iñemuña reta pe: Oipotagüe Israel iñemuña reta ani ketɨgua reta yogüɨreko pepɨte pe vae omee yave imichia tumpa-raanga Moloc jee vae pe, tomano, jókuae tëtaɨgua reta toyapi toyuka ita pe.

MIQUEAS 6:7

¿YandeYa ipɨakatuta pa omae jeta yeyé vecha kuimbae amee vae re, ani jeta yeyé osɨrɨ olivo iasaite amee vae re? ¿Ameeta pa cheraɨrɨpɨ, chegüi oñemuña vae chepɨarai jare cheyoa jeko pegua?

DEUTERONOMIO 12:30

peyeandu agüɨye vaerä pemomoe jókuae tëtaguasu reta jeko, ani peyemboya itumpa reta re pemboete vaerä pere reve: Kuae reta omboete vae tamboete vi.

DEUTERONOMIO 12:4

Agüɨye jökorai pemboete yandeYa Tumpa.

DEUTERONOMIO 20:18

agüɨye vaerä pemboe peyapo mbae pɨ̈chɨi vae jae reta oyapo itumpa-raanga pe rami, jökorai agüɨye vaerä peyoa yandeYa Tumpa kotɨ.

DEUTERONOMIO 9:4

Jare yandeYa Tumpa opa ma omoë omombo peróvai güi yave, agüɨye peyemongeta pepɨa pe körai: Jupi vae yayapo ramo ko yandeYa yandereru yaiko vaerä kuae ɨvɨ pe; yandeYa ko opa omoë omombo kuae tëtaguasu reta peróvai güi imbaeyoa jeko pegua.

DEUTERONOMIO 9:5

Mbaetɨ ko pe jupi yae ani pepɨa isɨmbi yae ramo peiketa pepɨ̈ro ɨvɨ pembaerä, jókuae ɨvɨ pegua reta jeko kavimbae vae jeko pegua ko yandeYa Tumpa omoë omombo peróvai güi, omoañete vaerä yandeYa iñee jei jee re ae peñemuñagüe Abraham, Isaac jare Jacob pe vae.