DEUTERONOMIO 12:3 - Biblia Guarani Tumpa Iñee

³ Pemboai mɨmba oyeyuka oyeapɨ jese vae jae reta imbae jare peyoka itumpa-raanga reta, peapɨ tata pe Asera iä, jare opa pemboai omopöra tumpa-raanga oyapogüe iä, jare opa pemokañɨtei jee joko güi.

DEUTERONOMIO 12:3 ပူးပေါင်းရင်းမြစ်များ

1 REYES 14:15

YandeYa omokanata Israel ɨ omokana täkuarasɨ reta rami. Güɨnoeta kuae ɨvɨ kavi oñemee iñemuñagüe reta pe vae güi, jare omombota ɨ̈aka Éufrates kutɨ, oyapo reta ramo iyeupe Asera iä reta, pɨpe omboarasɨ yandeYa.

1 REYES 15:13

Oekɨ vi ichɨ Maaca güi mburuvicharä oiko vae, echa jae oyapouka iyeupe Asera iä. Asa omboai jókuae Asera iä jare opa oapɨ ɨ̈aka raɨ Cedrón jee vae pe.

2 REYES 11:18

Javoi yogüɨraja opaete vae omboai Baal itupao, jökoraiño vi omboai reta opaetei mɨmba oyeyuka oyeapɨ jese vae jare mbae iä reta; oyuka reta Matán, Baal isacerdote mɨmba oyeyuka oyeapɨ jese vae jóvai. Javoi sacerdote tenondegua Joiada oñono yandeYa jo re oyangareko vaerä vae reta.

2 REYES 18:4

Omboai opaete mbaemboete renda ɨvɨtɨ rupigua reta, oyoka mbae iä reta, oyasɨa Asera iä reta, opa omboai mboi iä jiero iyu vae pegua Moisés oyapo vae, echa jókuae ara rupi Israel iñemuña reta oapɨ ma chupe ikäti kavi vae incienso, jare ombojee reta Nehustán.

2 REYES 23:14

Oyoka vi tumpa-raanga reta iä ita pegua jare opa oyasɨa Asera iä reta ɨvɨra pegua, jókuae reta jendagüe opa omotɨnɨe kuimbae reta ikägüegüe pe.

2 CRÓNICAS 14:2

Asa oyapo ikavi vae jare sɨmbi vae iYa Tumpa jóvai.

2 CRÓNICAS 14:3

Omboai mɨmba oyeapɨ jese vae reta mbaemboetea tumpa-raanga pegua, jare mbaemboete renda reta ɨvɨtɨ rupigua; oyoka mbae iä reta jare omboai Asera iä reta.

2 CRÓNICAS 19:3

Ërei oime vi mbae ikavi vae oyekuaa nderé, echa ko remboai Asera iä reta kuae ɨvɨ pe, jare reñeñono ndepɨa reve kavi reeka vaerä Tumpa”.

2 CRÓNICAS 31:1

Opa kuae mbaembae oyeapo yave, opaete Israel iñemuña reta ñogüɨnoi joko pe vae ñogüɨnoe tëta guasu reta Judá pegua rupi jare oyoka reta mbae iä reta ita pegua, jare oyasɨa Asera iä reta jare omboai reta o mbaemboete renda ɨvɨtɨ rupigua reta, jare mɨmba oyeyuka oyeapɨ jese vae reta opaetei omboai reta regua ɨvɨ Judá pe jare ɨvɨ Benjamín pe, jökorai vi ɨvɨ Efraín pe jare Manasés pe. Javoi opaete Israel iñemuña reta oyerova ye jëta guasu reta rupi, metei ñavo iɨvɨ ae ae rupi.

2 CRÓNICAS 34:3

Juri año ma oiko mburuvicha guasurä yave, jare taɨrusu yae vɨteri reve, Josías omboɨpɨ oeka iñemuñagüe David iTumpa. Jare doce año ma oiko mburuvicha guasurä yave omboɨpɨ oitɨouka Judá jare Jerusalén, opa omboai chugüi mbaemboete renda ɨvɨtɨ rupigua reta, Asera iä reta, tumpa-raanga reta, jare mbae iä reta oyemondɨkui oyeapo vae,

SALMOS 16:4

Oiporara yaeta, jókuae ikɨ̈reɨ ngatu reve oyeokuai ïru tumpa reta pe vae. Ngaraa che arökuavee tugüɨ chupe reta, jee ave ngaraa aenɨi.

ÉXODO 23:13

Peyapo opaete kuae jae peve vae, agüɨye toyeendu peyuru pe ïru tumpa reta jee.

ÉXODO 23:24

Agüɨye petindɨ jae reta itumpa jóvai, agüɨye peyeokuai chupe reta, agüɨye ave peyapo jae reta oyapo rami, opa pemboai chugüi reta, opaetei peyoka chugüi reta mbae iä oyapogüe.

ÉXODO 34:13

Jɨmba oyuka oapɨ jese vae reta opa pemboai chugüi, opa peyoka mbae iä reta jare Asera iä reta.

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

JEREMÍAS 17:2

Neñemuña reta imaendúa mɨmba oyeyuka oyeapɨ jese vae reta re, jare netumpa-raanga Asera iä reta ɨvɨra iküaraɨa kavi vae reta igüɨ rupi ñogüɨnoi vae re, jare ɨvɨtɨ reta ɨvate vae re,

OSEAS 2:17

Echa aekɨta peyuru güi baal reta jee, jare ngaraa ye ma oyeendu jókuae tee reta.

MIQUEAS 5:14

Amboaita Asera iä reta pepɨte güi, jare opata vi amboai perëta guasu reta.

ZACARÍAS 13:2

YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.

NÚMEROS 33:52

penoe pemombo opaete jókuae ɨvɨ pegua, jare pemboai opaete itumpa-raanga ita pegua, jare opaete mbae iä jiero pegua oyemondɨkui oyeapo vae, jare pemboai opaete itumpa-raanga omboete jese vae ɨvɨtɨ re güɨnoi reta vae.

DEUTERONOMIO 12:4

Agüɨye jökorai pemboete yandeYa Tumpa.

DEUTERONOMIO 7:25

Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.

DEUTERONOMIO 7:5

Peyapota chupe reta vae jae kuae: Mɨmba oyeyuka oyeapɨ jese vae jae reta imbae pemboai, jare peyoka mbae iä oyapogüe, jare Asera iä peyasɨa, jare peapɨ tata pe opaete mbae iä oyapogüe reta.

Apocalipsis 13:1

Ayemboɨ ɨguasu jembeɨ pe ɨvɨkuitï pe, jare aecha mbaemɨmba guasu oë ɨguasu güi, güɨnoi chiu iñäka, payandepo jäti jare jókuae jäti ñavo re güɨnoi äka-regua. Jare iñäka re güɨnoi tee ikavimbae Tumpa kotɨ vae.

JUECES 2:2

pe reta mbaetɨ yave peyapo ñemoïru jókuae tëta pegua reta ndive, pemboai yave chugüi reta itumpa-raanga reta pe mɨmba oyeyuka oyeapɨ jese vae reta.’ Ërei pe reta mbaetɨ peyapo che jae vae, ¿maera pa ko kuae peyapo?