DEUTERONOMIO 12:29 - Biblia Guarani Tumpa Iñee

²⁹ YandeYa Tumpa opa ma omboai perenonde güi tëtaguasu reta yave, jókuae peota pepɨ̈ro peiko vaerä pɨpe vae,

DEUTERONOMIO 12:29 ပူးပေါင်းရင်းမြစ်များ

2 CRÓNICAS 33:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami:

SALMOS 78:55

Jae reta jenonde güi opa güɨnoe omombo tëtaguasu reta; tɨmasa pe ojäa iɨvɨgüe jae reta imbaerä, jare jëtagüe reta omee Israel iñemuña reta yogüɨreko vaerä pɨpe.

ÉXODO 23:23

Echa chearaɨgua ojota perenonde, jare pererajata amorreo, heteo, ferezeo, cananeo, heveo jare jebuseo reta iɨvɨ pe; kuae reta che opata amboaiuka.

DEUTERONOMIO 12:30

peyeandu agüɨye vaerä pemomoe jókuae tëtaguasu reta jeko, ani peyemboya itumpa reta re pemboete vaerä pere reve: Kuae reta omboete vae tamboete vi.

DEUTERONOMIO 19:1

YandeYa Tumpa opa ma omboai tëtaguasu reta omee peiko vaerä pɨpe vae yave, peiko ma tëta guasu reta pe jare peiporu ma o reta yave,

DEUTERONOMIO 9:3

Añave peikuaata yandeYa Tumpa ko ojo perenonde vae, jae ko tata opaetei oapɨ mbae oeya vae rami, jae ko omboaita jare omoamɨrita peróvai. Pe pemoëta pemombo jare pemboaita ɨmambae pegua, yandeYa güɨrökuavee peve rami.

JOSUÉ 21:43

Körai yandeYa omee Israel iñemuña reta opaete kuae ɨvɨ, jae oñererökuavee jee re ae omee vaerä iñemuñagüe reta pe vae, oike reta opɨ̈ro jare yogüɨreko jókuae ɨvɨ pe.

JOSUÉ 23:4

Che amboyao ma peñemuña reta peguarä opaete kuae tëtaguasu reta suerte rupi, ɨ̈aka Jordán güive Ɨguasu Mediterráneo jee vae kotɨ, kuaraɨ oikea kotɨ; opaete kuae tëtaguasu reta oñepɨ̈rogüe, jaeramiño vi opaete ndeiño oñepɨ̈ro vae reta.