DEUTERONOMIO 12:21 - Biblia Guarani Tumpa Iñee

²¹ Mombɨrɨ oï pegüi yave yandeYa Tumpa oiparavo ɨvɨ jee oï vaerä pɨpe vae, pepuere peyuka peguaka jare pevecha yandeYa omee peve vae, jare pekaru perëta pe pekɨ̈reɨ peu rami, che poyókuai rami.

DEUTERONOMIO 12:21 ပူးပေါင်းရင်းမြစ်များ

1 REYES 14:21

Roboam, Salomón taɨ oiko mburuvicha guasurä Judá pe. Cuarenta y un año güɨnoi yave omboɨpɨ oï, jare diecisiete año oiko mburuvicha guasurä Jerusalén pe, tëta yandeYa oiparavo opaete Israel iñemuña reta güi vae, joko pe oñono vaerä jee. Ichɨ jee Naama, Amón iñemuña pegua.

2 CRÓNICAS 12:13

Roboam oñemopɨ̈rata mburuvicha guasurä Jerusalén pe; cuarenta y un año ma güɨnoi yave omboɨpɨ oiko mburuvicha guasurä, jare diecisiete año oiko mburuvicharä Jerusalén pe, tëta guasu yandeYa oiparavo opaete ñemuña reta güi vae pe, jae jee oiko vaerä joko pe. Roboam ichɨ jee Naama jae ko Amón iñemuña.

ESDRAS 6:12

Jare Tumpa oiparavo oñono vaerä jee joko pe vae, tomboai opaete mburuvicha guasu reta ani tëtaguasu reta oipota oipoepɨ ani omboai Tumpa jo Jerusalén pegua vae. Che Darío amee kuae mborookuai, jare toyeapo jarembae voi.”

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:15

Ërei ngatu pepuere pembaeyuka jare peu soo opaete perëta ñavo rupi, pekɨ̈reɨ rupi, yandeYa Tumpa iporerekua peregüe penoi rupi. Oipotagüe ikɨa vae ani ikɨambae oï Tumpa jóvai vae pepuere peu, guasu jare guasukaka isoogüe rami.

DEUTERONOMIO 12:20

YandeYa Tumpa ombotuicha yave peɨvɨ, jae jei peve rami, pekɨ̈reɨ peu soo yave, pepuere peu pekɨ̈reɨ rupi.

DEUTERONOMIO 12:22

Guasu jare guasukaka isoogüe oyeu rami; ikɨa ani ikɨambae oï Tumpa jóvai vae ipuere jou.

DEUTERONOMIO 12:5

Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

DEUTERONOMIO 16:6

Jaeño yandeYa Tumpa oiparavo jee oïta pɨpea pe, jare kaaru yave pemee, echa jókuae ora ko peë Egipto güi,

DEUTERONOMIO 26:2

peipɨɨ pembaagüɨyerɨpɨ, jare peñono metei kanata pe peraja yandeYa Tumpa oiparavo jee oïta pɨpea pe.