DEUTERONOMIO 12:14 - Biblia Guarani Tumpa Iñee

¹⁴ jaeño yandeYa oiparavo ɨvɨ metei ñemuña iɨvɨ pe vae pe. Joko pe pemee mɨmba oyeyuka opaetei oyeapɨ vae jare joko pe peyapota opaete che poyókuai vae.

DEUTERONOMIO 12:14 ပူးပေါင်းရင်းမြစ်များ

1 REYES 12:27

echa kuae tëta yogüɨraja ye omee mɨmba oyeyukagüe Tumpa pe Jerusalén pe yave, ipɨa oï yeta mburuvicha guasu Roboam, Judá pegua kotɨ, jare cheyuka retata; jökorai oyerova reta yeta Roboam mburuvicha guasu Judá pegua kotɨ.”

1 REYES 8:29

emae avei pɨ̈tu yave jare ara pe kuae o re, kuae: ‘Cheree oïta pɨpe’ rere chupe vae re; jare eendu nderembiokuai yerure oyapo yave kuae o pe.

2 REYES 18:22

Jare pe pere cheve yave: “Ore romboete oreYa Tumpa.” ¿Mbaetɨ pa Ezequías omboai mbaemboete renda reta ɨvɨtɨ rupigua mɨmba oyeyuka oyeapɨ jese vae, jare mbaetɨ pa oyókuai Judá pegua reta jare Jerusalén pegua reta ombaemboete vaerä Jerusalén pegua mɨmba oyeyuka oyeapɨ jese vae peño?

1 CRÓNICAS 22:1

Jáeramo jei David: “Kuae pe oïta yandeYa Tumpa jo, jare kuae pe mɨmba oyeyuka oyeapɨ jese vae, mɨmba oyeyukagüe opaetei oyeapɨ vae Israel peguarä.”

SALMOS 5:7

Ërei ngatu ndeporoparareko tuicha yae ete jeko pegua chepuere aike ndero pe. Romboete aipoɨu reve kavi amae ndetupao oñeñono tee vae kotɨ.

SALMOS 9:11

Sión pegua reta, petairari yandeYa pe; pemoërakua tëta reta pe jembiapo re.

LEVÍTICO 17:3

Oipotagüe kuimbae Israel iñemuña reta güi oyuka yave toro, vecha kuimbae taɨrusu vae ani kavara, teyupa pe ani teyupa güi ikatu pe,

LEVÍTICO 17:4

mbaetɨ yave güeru tupao guakapi pegua jöke pe, omee vaerä mbota cheve, o guakapi pegua jóvai, toyemboeko jókuae mɨmba jugüɨ opɨyere vae re; jókuae kuimbae toyemombo ete kavi jëtara reta ipɨte güi.

2 Corintios 5:19

kërai Tumpa ombopɨakatu jae ndive opaete ɨvɨ pegua reta Cristo rupi, agüɨye vaerä ma omboeko reta imbaeyoa reta re. Jare Tumpa yandeokuai ñamoërakua vaerä yembopɨakatu regua.

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:13

Peyeandu agüɨye vaerä pemee mɨmba oyeyuka opaetei oyeapɨ vae oipota rupi peecha ikavía pe;

DEUTERONOMIO 12:15

Ërei ngatu pepuere pembaeyuka jare peu soo opaete perëta ñavo rupi, pekɨ̈reɨ rupi, yandeYa Tumpa iporerekua peregüe penoi rupi. Oipotagüe ikɨa vae ani ikɨambae oï Tumpa jóvai vae pepuere peu, guasu jare guasukaka isoogüe rami.

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

DEUTERONOMIO 12:5

Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.

DEUTERONOMIO 14:23

Jare jókuae payandepo güi metei vae peuta yandeYa Tumpa jóvai jae oiparavo jee oikotaa pe, payandepo trigo vae güi metei, jökoraiño vi vino jare olivo iasaite, jare opaete perɨmba imembɨrɨpɨ reta, jökorai peikuaa vaerä pemboete avei yandeYa Tumpa.

DEUTERONOMIO 15:20

Año ñavo yandeYa Tumpa jóvai peuta opaete pero pegua reta ndive, jókuae jae oiparavo jee oïta pɨpea pe.

DEUTERONOMIO 16:2

Pascua iara pe pemee guaka jare vecha yandeYa Tumpa pe, jókuae jae oiparavo jee oïta pɨpea pe.

DEUTERONOMIO 17:8

Oime yavai yae teko pejäa vaerä yave, yoyuka regua, ñeapo regua, yombopere regua, ani ïru mbae perëta pe oasa vae. Jayave pepüa jare pekua yandeYa Tumpa oiparavo jee oïta pɨpea pe,

DEUTERONOMIO 18:6

Kia nunga tëta peikoa güi metei Leví iñemuña ipɨa-kɨ̈reɨ ngatu reve ou yave, yandeYa oiparavo jee oï pɨpea pe,

DEUTERONOMIO 31:11

opaete Israel iñemuña reta yogüeru yandeYa Tumpa jóvai, jae oiparavoa pe yave, toyemongeta chupe reta kuae mborookuai.

Hebreos 13:15

Jáeramo yamboete avei Tumpa Jesús rupi, kuae oipota jei yamboete Tumpa yandeyuru pe.

JOSUÉ 22:29

YandeYa agüɨye tomaeño orepɨapochɨ vaerä ikotɨ ani rosɨrɨ vaerä chugüi, royapo yave mɨmba oyeyuka oyeapɨ jese vae, romee vaerä mɨmba oyeyukagüe opaetei oyeapɨ vae, mbota temitɨ iagüe romee jese vaerä ani mbota oyeyukagüe romee vaerä jese, romopüa yave ïru mɨmba oyeyuka oyeapɨ jese vae yandeYa imbae o yemboatɨa jóvai oï vae güi.

JOSUÉ 9:27

ërei opa oñono reta yepea iyapoarä, ɨ güɨnoe reta vaerä opaete Israel iñemuña reta pe, jare yandeYa pe mɨmba oyeyuka oyeapɨ jese vae pe oyeporu vaerä, jae oiparavota vae pe. Añave rupi jekuaeño Gabaón pegua reta oyapo jókuae mbaravɨkɨ.