DEUTERONOMIO 12:12 - Biblia Guarani Tumpa Iñee

¹² Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 12:12 ပူးပေါင်းရင်းမြစ်များ

1 REYES 8:66

Pɨareve pe omboyupavo opaete vae. Jare jae reta jei ñee kavi mburuvicha guasu pe, jare oyerovia reve opa yogüɨraja jëta kotɨ, Tumpa oyapo ikavi vae jembiokuai David kotɨ vae re, jare Israel tëta imbae vae re.

2 CRÓNICAS 29:36

Jare Ezequías oyerovia opaete vae ndive, Tumpa oñono kavi ye opaete vae reta vae re, echa opaete mbaembae oyeapo jarembae pegua.

NEHEMÍAS 8:9

Jare mburuvicha Nehemías jare sacerdote Esdras mborookuai re oporomboe vae, jare levita reta omombeu kavi opaete vae pe vae, jei reta opaete vae pe: “Kuae ara oñeñono tee yandeYa Tumpa pe vae ko; agüɨye pepɨatɨtɨ, agüɨye peyaeo.” Echa opaete vae oyaeo oendu ramboeve ñee reta mborookuai regua.

SALMOS 147:1

¡Pemboete yandeYa! ¡Ikavi ko yatairari vaerä salmo reta ñaneTumpa pe! Echa ikavi jare ipöra yae ko ñamee mbaemboete chupe vae.

LEVÍTICO 23:40

Tenondegua ara pe peru ɨvɨra reta ikavi yae vae iagüe, karandaɨ jäka, ɨvɨra jokɨ katu yae vae jäka jare sause ɨ̈aka rupigua, jare peyerovia che peYa Tumpa jóvai chiu ara rupi.

NÚMEROS 18:20

Jare yandeYa jei Aarón pe: “Nde mbaetɨta ndeɨvɨ nerëtara Israel iñemuña reta rami, jare jae reta ipɨte pe ave mbaetɨta ndembae ɨvɨ. Che ko jae ndembaeyekou Israel iñemuña reta ipɨte pe.

NÚMEROS 18:26

“Ere Leví iñemuña reta pe, omee reta vaerä cheve payandepo güi metei, jókuae Israel iñemuña reta omee cheve vae amee chupe reta imbaerä vae güi; payandepo güi metei oñemeegüe reta güi toyeekɨ yoapɨ ye vi payandepo güi metei.

San Juan 13:8

Pedro jei chupe: —Ngaraa etei amaeño reyoe vaerä chepɨ. Jesús jei chupe: —Mbaetɨ ayoe ndepɨ yave, nde mbaetɨ ko reï che ndive.

Hechos 8:21

Nde mbaetɨ ndepuere renoi kuae nunga mbaepuere. Echa ndepɨa jupiä Tumpa kotɨ.

DEUTERONOMIO 10:9

Jáeramo Leví iñemuña reta mbaetɨ güɨnoi ɨvɨ imbaerä jëtara reta ipɨte pe, jae reta imbae ko yandeYa etei; yandeYa Tumpa jei chupe reta rami.)

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

DEUTERONOMIO 12:19

Peyeandu agüɨye vaerä pemombo Leví iñemuña reta, peikove peiko ramboeve jókuae ɨvɨ pe.

DEUTERONOMIO 12:7

Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

DEUTERONOMIO 14:29

jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.

DEUTERONOMIO 16:11

Jare peyapo arete yandeYa Tumpa jóvai, peraɨ jare perayɨ reta, perembiokuai kuimbae jare perembiokuai kuña, Leví iñemuña reta yogüɨreko perëta guasu pe vae, jare ketɨgua, tɨ̈reɨ, imemano vae yogüɨreko pepɨte pe vae ndive, jókuae yandeYa Tumpa oiparavo jee oï vaerä pɨpea pe.

DEUTERONOMIO 16:14

Peyerovia kuae arete pe, peraɨ reta jare perayɨ reta, perembiokuai kuimbae jare perembiokuai kuña, Leví iñemuña reta, ketɨgua, tɨ̈reɨ, jare imemano vae yogüɨreko pepɨte pe vae ndive.

DEUTERONOMIO 18:6

Kia nunga tëta peikoa güi metei Leví iñemuña ipɨa-kɨ̈reɨ ngatu reve ou yave, yandeYa oiparavo jee oï pɨpea pe,

DEUTERONOMIO 26:11

Javoi peyerovia pearete opaete yandeYa Tumpa omee peve vae re, jare pero pegua reta pe omee vae re. Toyogüeru vi peyeroviaa pe Leví iñemuña reta jare ketɨgua yogüɨreko pepɨte pe vae.

DEUTERONOMIO 26:12

Mboapɨa año re, jae ko diezmo iaño. Opa ma pembosɨrɨ jare pemee güire pediezmo Leví iñemuña reta pe, ketɨgua pe, tɨ̈reɨ pe jare imemano vae pe yave; jae reta jou vaerä perëta ñavo rupi jɨ̈vɨata regua,

DEUTERONOMIO 27:7

jare mbota yembopɨakatu pegua, jare peu joko pe, jare peyerovia yandeYa Tumpa jóvai.

JOSUÉ 13:14

Ërei Moisés mbaetɨ omee ɨvɨ Leví iñemuña reta pe, echa mɨmba oyeyuka oñemee yandeYa Tumpa pe vae ko jae reta imbaeyekou, jae etei jei chupe reta rami.

JOSUÉ 13:33

Ërei Moisés mbaetɨ omee ɨvɨ Leví iñemuña reta imbaerä, echa jei chupe reta: “YandeYa, Israel iTumpa jae ko pembaeyekou rami.”

JOSUÉ 14:4

Echa José taɨ reta güi oyeapo mókoi ñemuña, Manasés jare Efraín; ërei mbaetɨ oyemboyao ɨvɨ Leví iñemuña reta pe, jaeño oñemee chupe reta tëta guasu reta yogüɨreko vaerä pɨpe jare iyɨ́vɨri jɨmba reta ikarúa rendarä.