DEUTERONOMIO 12:11 - Biblia Guarani Tumpa Iñee

¹¹ jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:11 ပူးပေါင်းရင်းမြစ်များ

1 REYES 12:27

echa kuae tëta yogüɨraja ye omee mɨmba oyeyukagüe Tumpa pe Jerusalén pe yave, ipɨa oï yeta mburuvicha guasu Roboam, Judá pegua kotɨ, jare cheyuka retata; jökorai oyerova reta yeta Roboam mburuvicha guasu Judá pegua kotɨ.”

1 REYES 8:13

Ërei che omopüa o ndeveguarä, pɨpe eiko jekuae avei.”

1 REYES 8:16

‘Egipto güi tëta chembae anoe güive, mbaetɨ aiparavo tëta metei ave opaete Israel iñemuña reta güi, pɨpe oñemopüa vaerä tupao guasu cheree oï pɨpe vaerä, ërei aiparavo David oï vaerä tëta Israel chembae pe.’

1 REYES 8:29

emae avei pɨ̈tu yave jare ara pe kuae o re, kuae: ‘Cheree oïta pɨpe’ rere chupe vae re; jare eendu nderembiokuai yerure oyapo yave kuae o pe.

2 REYES 18:22

Jare pe pere cheve yave: “Ore romboete oreYa Tumpa.” ¿Mbaetɨ pa Ezequías omboai mbaemboete renda reta ɨvɨtɨ rupigua mɨmba oyeyuka oyeapɨ jese vae, jare mbaetɨ pa oyókuai Judá pegua reta jare Jerusalén pegua reta ombaemboete vaerä Jerusalén pegua mɨmba oyeyuka oyeapɨ jese vae peño?

1 CRÓNICAS 22:1

Jáeramo jei David: “Kuae pe oïta yandeYa Tumpa jo, jare kuae pe mɨmba oyeyuka oyeapɨ jese vae, mɨmba oyeyukagüe opaetei oyeapɨ vae Israel peguarä.”

2 CRÓNICAS 6:20

Emae avei ara pe jare pɨ̈tu yave kuae tupao guasu re, nde rere reï aveita pɨpe vae. Eendu cheyerure kuae güi cheYa.

2 CRÓNICAS 7:12

Jare yandeYa oyeechauka Salomón pe pɨ̈tu yave jare jei chupe: “Che aendu ndeyerure jare aiparavo cheyeupe kuae o mɨmba oyeyukagüe oñemee vae peguarä.

ESDRAS 6:12

Jare Tumpa oiparavo oñono vaerä jee joko pe vae, tomboai opaete mburuvicha guasu reta ani tëtaguasu reta oipota oipoepɨ ani omboai Tumpa jo Jerusalén pegua vae. Che Darío amee kuae mborookuai, jare toyeapo jarembae voi.”

SALMOS 100:2

Peyeokuai yandeYa pe peyerovia reve kavi, ¡peyu jóvai peyerovia reve!

SALMOS 116:17

Tamee ndeve mbaemboete, jare taenɨi cheYa jee.

SALMOS 66:13

Aiketa ndero pe amee ndeve mɨmba oyeyukagüe opaetei oyeapɨ vae; ameeta ndeve añererökuavee vae,

SALMOS 78:68

Jaeño oiparavo ñemuña Judá, ɨvɨtɨ Sión, jae oaɨu vae.

ÉXODO 25:8

Jare toyapo reta cheve metei o ayemboeteuka pɨpe vaerä, aiko vaerä jae reta ipɨte pe.

ÉXODO 29:45

Aikota Israel iñemuña reta ipɨte pe, aikota jae reta iTumparä.

JEREMÍAS 7:12

Pekua añave Silo pe, tenonde ete cheree oyemboetea pe, jare pemae jese, kërai ikavimbae ayapo chupe, tëta Israel chembae vae ikavimbae oyapo vae jeko pegua.

LEVÍTICO 17:4

mbaetɨ yave güeru tupao guakapi pegua jöke pe, omee vaerä mbota cheve, o guakapi pegua jóvai, toyemboeko jókuae mɨmba jugüɨ opɨyere vae re; jókuae kuimbae toyemombo ete kavi jëtara reta ipɨte güi.

DEUTERONOMIO 12:13

Peyeandu agüɨye vaerä pemee mɨmba oyeyuka opaetei oyeapɨ vae oipota rupi peecha ikavía pe;

DEUTERONOMIO 12:14

jaeño yandeYa oiparavo ɨvɨ metei ñemuña iɨvɨ pe vae pe. Joko pe pemee mɨmba oyeyuka opaetei oyeapɨ vae jare joko pe peyapota opaete che poyókuai vae.

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

DEUTERONOMIO 12:21

Mombɨrɨ oï pegüi yave yandeYa Tumpa oiparavo ɨvɨ jee oï vaerä pɨpe vae, pepuere peyuka peguaka jare pevecha yandeYa omee peve vae, jare pekaru perëta pe pekɨ̈reɨ peu rami, che poyókuai rami.

DEUTERONOMIO 12:26

Ërei mbae peñono tee, jare peñererökuavee pemee vaerä Tumpa pe vae, peru jókuae yandeYa oiparavoa pe,

DEUTERONOMIO 12:5

Jae oiparavota ɨvɨ opaete ñemuña reta ipɨte güi joko pe jee oï vaerä, joko peño peota pemboete.

DEUTERONOMIO 14:23

Jare jókuae payandepo güi metei vae peuta yandeYa Tumpa jóvai jae oiparavo jee oikotaa pe, payandepo trigo vae güi metei, jökoraiño vi vino jare olivo iasaite, jare opaete perɨmba imembɨrɨpɨ reta, jökorai peikuaa vaerä pemboete avei yandeYa Tumpa.

DEUTERONOMIO 15:19

Opaete perɨmba guaka jare pevecha imembɨrɨpɨ kuimbae peñono tee yandeYa Tumpa peguarä. Agüɨye pemombaravɨkɨ toro membɨrɨpɨ, jare vecha kuimbae membɨrɨpɨ agüɨye peñapi.

DEUTERONOMIO 15:20

Año ñavo yandeYa Tumpa jóvai peuta opaete pero pegua reta ndive, jókuae jae oiparavo jee oïta pɨpea pe.

DEUTERONOMIO 17:8

Oime yavai yae teko pejäa vaerä yave, yoyuka regua, ñeapo regua, yombopere regua, ani ïru mbae perëta pe oasa vae. Jayave pepüa jare pekua yandeYa Tumpa oiparavo jee oïta pɨpea pe,

DEUTERONOMIO 18:6

Kia nunga tëta peikoa güi metei Leví iñemuña ipɨa-kɨ̈reɨ ngatu reve ou yave, yandeYa oiparavo jee oï pɨpea pe,

DEUTERONOMIO 23:16

Toiko pepɨte pe tëta ipöra chupea pe, jae oiparavoa pe, agüɨye kia tomoambeko.

DEUTERONOMIO 26:2

peipɨɨ pembaagüɨyerɨpɨ, jare peñono metei kanata pe peraja yandeYa Tumpa oiparavo jee oïta pɨpea pe.

DEUTERONOMIO 31:11

opaete Israel iñemuña reta yogüeru yandeYa Tumpa jóvai, jae oiparavoa pe yave, toyemongeta chupe reta kuae mborookuai.

JOSUÉ 18:1

Opaete Israel iñemuña reta oyomboatɨ Silo pe, jare joko pe omopüa reta o guakapi pegua opɨ̈ro güire ɨvɨ,

JOSUÉ 22:11

Ïru Israel iñemuña reta oendu amogüe jei, Rubén jare Gad iñemuña reta jare Manasés iñemuña reta oyemboyaogüe omopüa mɨmba oyeyuka oyeapɨ jese vae, ɨvɨ Canaán jembeɨ pe, ɨ̈aka Jordán jembeɨ pe, jókuae ïru ñemuña reta iɨvɨ jembeɨ pe;

JOSUÉ 22:16

—Opaete ore roe yandeYa imbae vae reta jee re körai: ¿Maera pa peyapo jupimbae Israel iTumpa kotɨ? ¿Maera pa pepia jare pemopüa mɨmba oyeyuka oyeapɨ jese vae, pepɨapochɨ yandeYa kotɨ reve?

JOSUÉ 22:23

Kuae mɨmba oyeyuka oyeapɨ jese vae romopüa oreyeupe vae royapo yave rosɨrɨ vaerä yandeYa güi ani romee vaerä jese mɨmba oyeyukagüe opaetei oyeapɨ vae, ani mbota temitɨ jäɨgüe romee jese vaerä ani romee vaerä jese mbota mbɨakatu pegua; jökorai ko yave yandeYa etei toikuaa mbae oyapo vaerä oreve.

JOSUÉ 22:27

Jae ko yandemomaendúa vaerä jare ñaneñemuña reta peguarä, kërai ore orepuere romboete yandeYa, mɨmba oyeyukagüe opaetei oyeapɨ ndive, jare mɨmba oyeyukagüe mbɨakatu pegua ndive; agüɨye vaerä kuri peraɨ reta jei oreraɨ reta pe: “¿Mbae pa peeka Tumpa oïa pe?”

JOSUÉ 22:29

YandeYa agüɨye tomaeño orepɨapochɨ vaerä ikotɨ ani rosɨrɨ vaerä chugüi, royapo yave mɨmba oyeyuka oyeapɨ jese vae, romee vaerä mɨmba oyeyukagüe opaetei oyeapɨ vae, mbota temitɨ iagüe romee jese vaerä ani mbota oyeyukagüe romee vaerä jese, romopüa yave ïru mɨmba oyeyuka oyeapɨ jese vae yandeYa imbae o yemboatɨa jóvai oï vae güi.

JOSUÉ 9:27

ërei opa oñono reta yepea iyapoarä, ɨ güɨnoe reta vaerä opaete Israel iñemuña reta pe, jare yandeYa pe mɨmba oyeyuka oyeapɨ jese vae pe oyeporu vaerä, jae oiparavota vae pe. Añave rupi jekuaeño Gabaón pegua reta oyapo jókuae mbaravɨkɨ.

1 SAMUEL 1:21

Jaɨkue rupi Elcana ojo opaete jo pegua reta ndive omee vaerä mɨmba oyeyukagüe yandeYa pe, iñee ombopo vaerä. Jae oyapoñoi rami.