DEUTERONOMIO 12:10 - Biblia Guarani Tumpa Iñee

¹⁰ Ërei peasa ma Jordán jare peiko ma yandeYa Tumpa omee ɨvɨ pevea pe yave, jae omeeta peve mbutuu opaete peɨvɨrigua tovaicho reta güi, jare peiko pɨagüiveta,

DEUTERONOMIO 12:10 ပူးပေါင်းရင်းမြစ်များ

1 REYES 4:25

Salomón oikove oiko ramboeve, Judá jare Israel pe yogüɨreko vae reta, jare Dan güive Beerseba pe, metei vae ñavo yogüɨreko pɨagüive iuva jembo igüɨ rupi jare iɨva igüɨ rupi.

1 REYES 8:56

“¡Toyemboete yandeYa mbɨakatu omee imbae vae tëta Israel pe vae, jae oñererökuavee rupi! Echa mbaetɨ etei ombopombae jae oñererökuavee jembiokuai Moisés rupi vae.

1 CRÓNICAS 22:18

“YandeYa peTumpa oiko pe ndive vae omee peve mbɨakatu opaete kerupi, jae omee chepo pe opaete kuae ɨvɨ pe yogüɨreko vae reta, jare kuae reta yogüɨreko yandeYa jeia re jare imbae vae reta jeia re.

SALMOS 4:8

Mbɨakatu reve ayapakuata jare jökorai aketa, echa ndeño cheYa, remee aiko pɨagüive.

ÉXODO 33:14

Jare Tumpa jei chupe: —Che etei aïta nde ndive, jare mbaetɨta ma mbae re reyemoambeko.

PROVERBIOS 1:33

ërei oyeapɨsaka cheré vae, oikota oipoɨumbae reve, oiko pɨagüiveta, okɨɨyembae reve ikavimbae güi.”

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 32:37

Ërei ngatu che amboatɨta, opaete tëtaguasu reta rupi chearasɨ yae rupi opa amoai moai vae reta, aroyerova reta yeta kuae ɨvɨ pe jare ameeta yogüɨreko pɨagüive vaerä.

JEREMÍAS 33:11

oyeendu yeta tairari arete pegua jare yerovia pegua, jare tairari menda pegua jare oyeenduta jei vae: ‘Pemee yasoropai yandeYa Imbaepuere yae ete vae pe, echa jae ipɨakavi jare iporoaɨu opambae ko.’ Jare güeru reta yeta mbota yasoropai pegua tupao pe, echa aru yeta tembipɨɨ güi, yogüɨreko ye vaerä tenonde yave rupi rami. Che ndeYa ko jae kuae.”

EZEQUIEL 28:26

Joko pe yogüɨreko pɨagüiveta, oyapo retata jorä, güɨnoi retata uvarupa, yogüɨreko kavita. Che ajäa yave iyɨvɨrigua tëta reta omotareɨ Israel iñemuña reta vae. Jayave opaete vae oikuaata che ko jae peYa Israel iTumpa vae.”

EZEQUIEL 34:25

Ayapota morogüɨrökuavee päve yembopɨakatu pegua jae reta ndive; amokañɨta mbaeporou reta jókuae ɨvɨ güi, chevecha reta yogüɨreko pɨagüive vaerä ñuu pe jare oke pɨagüive vaerä kaa reta rupi.

EZEQUIEL 34:28

Tëtaguasu reta ketɨgua ngaraa ma oyemombae ye jese reta, mbaeporou reta ñana rupi ave ngaraa ma jou; yogüɨreko pɨagüiveta, ngaraa ma kia omongɨɨye.

EZEQUIEL 38:11

Rereta: Taporepeña kuae ɨvɨ oyeepɨ rapembae vae re, oyeandumbae yogüɨreko vae reta re; opaete yogüɨreko jëta guasu ikëseambae pe jare jökembae pe.

EZEQUIEL 38:8

Kuae güire ɨma pe Tumpa ndeokuaita reporepeña vaerä ɨvɨ ñeraro güi oasayepe vae re, ketɨ ketɨ ïru ɨvɨ güi oyereru vae reta re, ɨvɨtɨ reta Israel pegua re ñogüɨnoi vae, tëta oyemboai avei vae; ërei oñerenoeuka tëtaguasu reta güi, jare opaete jae reta yogüɨreko pɨagüive vae re.

DEUTERONOMIO 11:31

Echa pe jaema peasata Jordán peo vaerä pepɨ̈ro ɨvɨ yandeYa Tumpa omee peve vae, pepɨ̈ro jare peiko ma pɨpe yave,

DEUTERONOMIO 3:27

Eyeupi ɨvɨtɨ Pisga re, jare emae kuaraɨ oikea kotɨ, ɨvɨtuguasu kotɨ, jare arayevɨ kotɨ, kuaraɨ oëa kotɨ, emae jese echa mbaetɨta reasa jokotɨ.

DEUTERONOMIO 33:12

Benjamín iñemuña reta pe jei: “YandeYa oaɨu vae oiko pɨagüiveta iyɨpɨ pe; Tuicha yae ete vae oyangareko aveita jese. ¡Iporoangareko rupi oikota!”

DEUTERONOMIO 33:28

Israel iñemuña reta yogüɨreko pɨagüiveta, yogüɨrekota mbɨakatu rupi, ɨvɨ omoñemuña trigo jare uva pɨpea pe, ngaraa oata ɨsápɨi ara güi chupe reta.

DEUTERONOMIO 4:22

Jayave che amanota kuae ɨvɨ pe, mbaetɨta aasa ɨ̈aka Jordán; ërei pe reta peasata, jare jókuae ɨvɨ kavi pepɨ̈rota pembaerä.

DEUTERONOMIO 9:1

Peyeapɨsaka, Israel iñemuña reta: Añave oväe ma peasa vaerä Jordán, peike vaerä pepɨ̈ro tëta guasu reta jeta yae pegüi vae, jare imbaepuere yae pegüi vae; tëtaguasu reta tuichagüe, jare ikësea ɨvate yae vae;

JOSUÉ 11:23

Josué opɨ̈ro opaete ɨvɨ, yandeYa jei Moisés pe vae rami; jare omboyao Israel iñemuña reta imbaerä, ñemuña reta ñavo pe. Jökorai oputuu reta ñeraro güi jókuae ɨvɨ pe.

JOSUÉ 14:1

Kuaekuae ko jae ɨvɨ Canaán, Israel iñemuña reta opɨ̈ro imbaerä vae, kuae omboyao chupe reta sacerdote Eleazar, Josué, Nun taɨ jare Israel iñemuña juvicha reta ñavo ndive.

JOSUÉ 3:17

Ërei sacerdote reta, yandeYa ikäjou morogüɨrökuavee päve pegua güɨraja vae reta ñogüɨnoi otini vae pe, ɨ̈aka Jordán mbɨte pe, opaete vae oasa regua; jare opaete Israel iñemuña reta oasa ɨvɨ otini vae rupi.

JOSUÉ 4:12

Oasa vi Rubén jare Gad iñemuña reta jare Manasés iñemuña reta oyemboyaogüe. Oasa reta jembiporu ñeraro pegua reve reve, jare yogüɨraja jëtara Israel iñemuña reta jenonde, Moisés jei chupe reta rami.

1 SAMUEL 7:12

Javoi Samuel oipɨɨ metei ita jare oñono Mizpa jare tëta Sen jee vae ipäu pe, jare ombojee Eben-ezer, jei reve: “Kuae ara jekuaeñoi yandeYa yandemborɨ.”