DEUTERONOMIO 11:9 - Biblia Guarani Tumpa Iñee

⁹ Jare peiko vaerä jeta ara jókuae ɨvɨ pe, yandeYa güɨrökuavee ɨvɨ kavi peñemuñagüe reta pe jare iñemuña reta pe vae pe.

DEUTERONOMIO 11:9 ပူးပေါင်းရင်းမြစ်များ

ÉXODO 20:12

Pemboete peru jare pesɨ, peikopuku vaerä che peYa Tumpa amee peve ɨvɨ vae pe.

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

PROVERBIOS 10:27

YandeYa güiño oipoɨu vae, oiko pukuta, ërei iyoa vae reta ngaraa yogüɨreko avei.

PROVERBIOS 3:16

Ipo iyakatu kotɨ güɨrökuavee tekove puku, ipo iyasu kotɨ güɨrökuavee mbaeyekou jare mboromboete.

PROVERBIOS 3:2

jare reiko pukuta, jare mbɨakatu oñemoïruta ndeve.

PROVERBIOS 9:11

Echa che arakuaa katu re ko reiko pukuta, jare oñemoïruta ndeve ɨma año reiko vaerä.

EZEQUIEL 20:6

Jókuae ara añererökuavee anoe reta vaerä Egipto güi, araja vaerä ɨvɨ kavi che ameeta chupe retaa pe, ¡ɨvɨ ipöra yae ïru ɨvɨ reta güi vae!

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 11:10

Peiketa pepɨ̈ro ɨvɨ vae mbaetɨ ko ɨvɨ Egipto pegua rami, jókuae peyu chugüi vae pe, pemaetɨ yave temitɨ pemboɨu yepi pepɨ re, ko raɨ pe rami,

DEUTERONOMIO 11:21

pe jare peraɨ reta peiko puku vaerä ɨvɨ pe, yandeYa güɨrökuavee jee re peñemuñagüe reta pe omee vaerä vae pe, ara oiko avei ɨvɨ iárambo rami.

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

DEUTERONOMIO 5:16

Pemboete peru jare pesɨ, peYa Tumpa peokuai rami, peiko puku vaerä jare peiko kavi vaerä ɨvɨ iárambo peYa Tumpa omee pevea pe.

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

DEUTERONOMIO 6:18

Jare peyapo sɨmbi vae jare ikavi vae yandeYa jesa róvai, peiko kavi vaerä, jare peike penoi vaerä jókuae ɨvɨ kavi yandeYa güɨrökuavee jee re peñemuñagüe reta pe vae;

DEUTERONOMIO 6:2

Peipoɨu vaerä yandeYa Tumpa güi, peiko vaerä opaete iporookuai reta che poyókuai jese vae rupi; pe, peraɨ, perɨmɨmino, opaete ara peiko rambueve peiko puku vaerä.

DEUTERONOMIO 6:3

Pe, Israel iñemuña reta, peendu peyeupe, peyeandu avei agüɨye vaerä peakañɨ peyapo, peiko kavi vaerä jókuae ɨvɨ kavi pe, peñemuña vaerä jeta, yandeYa, peñemuñagüe reta iTumpa güɨrökuavee peve rami.

DEUTERONOMIO 8:7

Echa yandeYa Tumpa pereraja ɨvɨ kavi pe, ɨvɨ ɨesaɨ pegua, ɨ oguata vae jare ɨ oë ɨvɨtɨ güi jare ɨvɨpe kavi güi vae pe:

DEUTERONOMIO 9:5

Mbaetɨ ko pe jupi yae ani pepɨa isɨmbi yae ramo peiketa pepɨ̈ro ɨvɨ pembaerä, jókuae ɨvɨ pegua reta jeko kavimbae vae jeko pegua ko yandeYa Tumpa omoë omombo peróvai güi, omoañete vaerä yandeYa iñee jei jee re ae peñemuñagüe Abraham, Isaac jare Jacob pe vae.