DEUTERONOMIO 11:24 - Biblia Guarani Tumpa Iñee

²⁴ Opaete ɨvɨ pepɨ̈rota jese vae pembaerä ko. Ñuu güive ojoi oväe Líbano pe, ɨ̈aka Éufrates güive ojoi oväe Ɨguasu Mediterráneo kotɨ oï vae pe, ɨvɨ pembaerä ko.

DEUTERONOMIO 11:24 ပူးပေါင်းရင်းမြစ်များ

1 REYES 4:21

Jare Salomón güɨnoi mbaepuere opaete ïru mburuvicha guasu reta re, ɨ̈aka Éufrates güive filisteo reta iɨvɨ kotɨ, jare ɨvɨ Egipto jembeɨ kotɨ oya regua; güeru reta imbaemboepɨ, jare Salomón jeia re yogüɨreko, opaete ara rupi jae oikove oiko ramboeve.

1 REYES 4:24

echa Salomón güɨnoi vi mbaepuere Éufrates güi kuaraɨ oikea kotɨgua ɨvɨ re, Tifsa güive Gaza pe, jare opaete joko pegua mburuvicha reta re, jare oime mbɨakatu opaete ɨvɨ iyɨ́vɨri rupigua reta ndive.

2 CRÓNICAS 9:26

Jare güɨnoi mbaepuere opaete mburuvicha guasu reta re Éufrates güive filisteo reta iɨvɨ kotɨ jare ɨvɨ Egipto jembeɨ pe.

ÉXODO 23:31

Ambojaanga peɨvɨ iyapɨ Ɨguasu Pɨ̈ta vae güive filisteo reta iɨguasu kotɨ, jare ñuu güive ɨ̈aka Éufrates kotɨ, echa añono pepo pe opaete jókuae ɨvɨ pe yogüɨreko vae reta, jare pe opata pemoë pemombo peyeugüi.

JOEL 2:20

Tuku reta ɨvɨtuguasu kotɨ güi yogüeru vae, opata amondo ñuu kotɨ; jenonde yogüɨraja vae reta opata aitɨ Iguasu Jembochɨ vae pe, jare taɨkue yogüɨreko vae reta íguasu Mediterráneo jee vae pe; jare jetegüe opata juumbi jare iineta. ¡Echa ayapota mɨakañɨ tuichagüe!”

DEUTERONOMIO 1:7

Peyupavo jare pekua amorreo reta iɨvɨ ɨvɨtɨ katuai vae rupi, jare opaete iyɨ́vɨri rupigua ɨvɨ rupi: Arabá pegua ɨvɨtɨ katuai vae rupi, ñuu rupi, jare Neguev rupi, Ɨguasu Mediterráneo jembeɨ rupi, cananeo reta iɨvɨ pe jare Líbano, ɨ̈aka guasu Éufrates kotɨ peväe regua.

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 12:20

YandeYa Tumpa ombotuicha yave peɨvɨ, jae jei peve rami, pekɨ̈reɨ peu soo yave, pepuere peu pekɨ̈reɨ rupi.

DEUTERONOMIO 34:2

opaete Neftalí, Efraín jare Manasés iɨvɨ, jare opaete Judá iɨvɨ güive Ɨguasu Mediterráneo kotɨ,

JOSUÉ 14:9

Jayave Moisés jei cheve Tumpa jee re: ‘Ɨvɨ repɨ̈ro jese vae toiko ndembaerä jare neñemuña reta peguarä jekuae avei pegua, echa reyeko cheYa Tumpa kotɨ ño.