DEUTERONOMIO 11:18 - Biblia Guarani Tumpa Iñee

¹⁸ Jáeramo, peñono kuae ñee reta pepɨa pe, jare peñapɨti ikañɨmaa vaerä pepoapɨ re jare peresɨva re.

DEUTERONOMIO 11:18 ပူးပေါင်းရင်းမြစ်များ

SALMOS 119:11

Chepɨa pe añovatu neñee reta, agüɨye vaerä cheyoa ndekotɨ.

ÉXODO 13:16

Añave toiko pepoapɨ re ani peresɨva re mbae ikañɨmaa vae rami, yandeYa orerenoe imbaepuere yae ete rupi Egipto güi vae jeko pegua.’ ”

ÉXODO 13:9

Kuae toiko pepoapɨ re ani peresɨva re mbae ikañɨmaa vae rami, pemaendúa avei vaerä yandeYa iporookuai re; jae perenoe imbaepuere yae ete rupi Egipto güi vae jeko pegua.

PROVERBIOS 3:1

Cheraɨ, agüɨye neakañɨ cheporookuai güi, eñovatu ndepɨa pe cheporookuai reta,

PROVERBIOS 3:3

Agüɨye etei embosɨrɨ ndeyeugüi mboroparareko jare añetete vae; eñapɨti ndeayu re, jare eñovatu ndepɨa pe.

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

San Mateo 23:5

Echa jókuae oporomboe vae reta mbae oyapo yave, ïru vae reta oecha vaeräño ko oyapo. Echa jae reta mborookuai oyekuatiagüe oñono iyé vae jɨru, ombopɨguasu kavi reta iyeupe jare jemimonde jopea ombopuku reta iyeupe.

DEUTERONOMIO 32:46

Jare jei Israel iñemuña reta pe: “Peendu kavi opaete ñee reta chemiari añave vae re, pemboe vaerä peraɨ reta, oyeandu reve kavi oyapo reta vaerä opaete ñee reta kuae mborookuai pegua.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

Hebreos 2:1

Jáeramo, ikavi ko ñaneräta ngatu yae vaerä yaendugüe re, agüɨye vaerä yapia chugüi.

2 Pedro 1:12

Jáeramo che jekuaeño pomomaenduata kuaekuae re, yepe tëi peikuaa ma ko jare pepɨ̈rata ma ko añete vae peyemboe jese vae re.