DEUTERONOMIO 11:17 - Biblia Guarani Tumpa Iñee

¹⁷ Echa yandeYa iyarasɨta pekotɨ, jare oyopiata ama ara güi agüɨye vaerä oime mbaagüɨye ɨvɨ pe, jare opa pekañɨtei ɨvɨ kavi yandeYa omee peve vae güi.

DEUTERONOMIO 11:17 ပူးပေါင်းရင်းမြစ်များ

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

1 REYES 8:35

Ndembae vae reta iyoa ndekotɨ vae jeko pegua okɨä yave, ërei oyerure kuae tupao pe nemoñera reve jare oyembopɨambuae reve iyoa güi reiporarauka chupe vae re yave,

2 CRÓNICAS 6:26

Ɨvɨ otini jare okɨä iyoa reta ndekotɨ jeko pegua yave, ërei oyerure reta yave ndeve kuae tupao guasu güi jare oyepoepɨ reta jeko güi, jare omboete nderee yave,

2 CRÓNICAS 7:13

Ayopia ara agüɨye vaerä okɨ yave, ambou tuku opa vaerä ñana jou ɨvɨ re yave ani ambou mbaerasɨ ovakatu vae chembae vae reta re yave,

JOB 12:15

Jae omombɨta ama yave, opa mbae ipiru, omongɨ yave, oyeapo ɨporu.

LEVÍTICO 26:19

Amboaita pegüi pepɨayemboete jese vae, mbaetɨta amongɨ peve, jare peɨvɨ pe mbaetɨta mbaagüɨye.

LEVÍTICO 26:20

Pepɨ̈rata reta opaiñota peiporu, echa peɨvɨ pe mbaetɨta mbaagüɨye, jare ɨvɨra reta mbaetɨta ia.

AMÓS 4:7

“Jare amombɨta vi ama pegüi mboapɨ yasɨ ndei mbaarɨvo mbove; amongɨ metei tëta guasu reño, ïru tëta guasu re mbaetɨ amongɨ; amogüe kó re okɨ, ïru kó re mbaetɨ okɨ vae opa ipiru;

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

DEUTERONOMIO 4:26

ara jare ɨvɨ jovake tae peve, jarembae pekañɨta ɨvɨ peasata pepɨ̈ro pembaerä vae güi. Mbaetɨta ɨma peiko jókuae ɨvɨ pe, jarembaeño peyemboaiukata.

DEUTERONOMIO 6:15

echa yandeYa Tumpa, jae ko Tumpa jägüɨro vae, oime oï pepɨte pe; ipuere iyarasɨ pekotɨ, jare pemboai ɨvɨ iárambo güi.

DEUTERONOMIO 9:19

Echa che akɨɨye yandeYa iyarasɨ yae pekotɨ pemboai vaerä vae güi; ërei yandeYa oendu ye cheve.