DEUTERONOMIO 11:16 - Biblia Guarani Tumpa Iñee

¹⁶ Ërei peyeandu, agüɨye vaerä pepɨa jopa, jare pepia tumpa ambuae reta pe peyeokuai, jare pemboete peyetavatɨka reve.

DEUTERONOMIO 11:16 ပူးပေါင်းရင်းမြစ်များ

1 REYES 8:35

Ndembae vae reta iyoa ndekotɨ vae jeko pegua okɨä yave, ërei oyerure kuae tupao pe nemoñera reve jare oyembopɨambuae reve iyoa güi reiporarauka chupe vae re yave,

JOB 31:27

Ërei mbaetɨ amboete vɨari aiko, ani chepo aupi ikotɨ amboete vaerä.

ISAÍAS 44:20

Tanimbuño jou vae rami ko jókuae reta. Ipɨa pe oyembotavɨuka reta. Jókuae nunga ngaraa ipuere oasayepe, echa mbaetɨ oparandu reta iyeupe: “¿Kuae anoi chepo pe vae añetete ra ko?”

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

San Lucas 21:36

Jáeramo peyeandu, jare peyerure avei ara ñavo Tumpa iporoaɨu rupi peasayepe vaerä opaete kuae mbaembae outa vae güi, peyemboɨ vaerä che Kuimbaerä oyeapo vae jóvai.”

San Lucas 21:8

Jayave Jesús jei chupe reta: “Peyeandu, agüɨye vaerä petavɨ. Echa yogüeruta jeta cheree re jei reve: ‘Che ko jae Cristo.’ ‘Ou ma ara oväe.’ Ërei agüɨye pekua jupíe.

DEUTERONOMIO 12:30

peyeandu agüɨye vaerä pemomoe jókuae tëtaguasu reta jeko, ani peyemboya itumpa reta re pemboete vaerä pere reve: Kuae reta omboete vae tamboete vi.

DEUTERONOMIO 13:3

Agüɨye peyeapɨsaka jókuae ñeemombeúa iñee reta re, ani jókuae ipaɨu katu vae re. Echa yandeYa Tumpa ko pejäa oï oikuaa vaerä peaɨu ra yandeYa Tumpa opaete pepɨa ndive, jare opaete perekove ndive.

DEUTERONOMIO 17:3

omboete yave oyetavatɨka reve tumpa-raanga, kuaraɨ, yasɨ ani opaete ara ipo reta yandeYa oyopia vae,

DEUTERONOMIO 28:14

mbaetɨ yave pepia kërai ave yepe opaete che jae peve vae güi pemboete vaerä tumpa ambuae jare peyeokuai chupe.

DEUTERONOMIO 29:17

jare yaecha jókuae tëta guasu reta pe mbaembae pɨ̈chɨi yae vae güɨnoi reta vae, jare itumpa-raanga reta ɨvɨra pegua, ita pegua, korepoti pegua jare oro pegua jae reta omboete vae.

DEUTERONOMIO 29:18

Agüɨye toime pepɨte pe kuimbae ani kuña yepe, ani metei tëtara, ani metei ñemuña ipɨa opia añave yandeYa güi vae, omboete vaerä kuae tëtaguasu reta itumpa-raanga reta. Agüɨye toime pepɨte pe kia nunga vae metei temitɨ iro ani imbayachi vae rami vae.

DEUTERONOMIO 30:17

Ërei pepɨa osɨrɨ jare mbaetɨ peendu yave, peyemombiauka yave, pemboete tumpa ambuae reta yave, peyetavatɨka jóvai yave,

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

DEUTERONOMIO 4:23

Peyeandu agüɨye vaerä peakañɨ yandeYa Tumpa morogüɨrökuavee päve oyapo pe ndive vae güi, agüɨye peyapo peyeupe oipotagüe mbae iä yandeYa Tumpa oyopia pegüi vae.

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

DEUTERONOMIO 5:7

Agüɨye pereko ïru tumpa reta chegüi.

DEUTERONOMIO 8:19

Ërei ngatu peakañɨ yave yandeYa Tumpa güi, peguata yave tumpa ambuae ndive, peyeokuai chupe jare petindɨ pemboete vaerä yave, tamombeu kavi voi peve, opata pemokañɨtei.

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;

Hebreos 2:1

Jáeramo, ikavi ko ñaneräta ngatu yae vaerä yaendugüe re, agüɨye vaerä yapia chugüi.

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

Hebreos 4:1

Jáeramo yaipoɨu, echa güɨramoi amogüe pe reta ngaraa peupitɨ penoi vaerä jókuae mbutuu Tumpa omee vae pe.

Santiago 1:26

Kia nunga vae iporogüɨrovia ikavi yae omae iyé vae, ërei jei rai rai voi mbae yave, oyembotavɨ ko, iporogüɨrovia mbaeä etei ko.

1 Juan 5:21

Cheraɨ aaɨu vae reta, peyeandu tumpa-raanga reta güi. ¡Amén!

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.

Apocalipsis 13:14

Jare mɨakañɨ oyapo mbaemɨmba guasu jovake vae rupi ombotavɨ ɨvɨ pegua reta. Jare oyókuai ɨvɨ pegua reta oyapo vaerä jókuae mbaemɨmba guasu ipere kɨsepuku pe vae jare oikove yae vae iä.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.

1 SAMUEL 12:20

Jare Samuel jei chupe reta: —Agüɨye pekɨɨye. Peyapo ko opaete ikavimbae, ërei agüɨye peyerova yandeYa güi, peyeokuai chupe opaete pepɨa ndive.

1 SAMUEL 12:21

Agüɨye pemboete tumpa-raanga, echa mbaetɨ ipuere oporomborɨ ani oporoepɨ echa jaangaño ko.