DEUTERONOMIO 10:8 - Biblia Guarani Tumpa Iñee

⁸ Jókuae ara rupi yandeYa oiparavo Leví iñemuña reta, güɨraja vaerä käjou morogüɨrökuavee päve pegua, jare ñogüɨnoi vaerä yandeYa jóvai oyeokuai reta vaerä chupe, jare jei vaerä ñee kavi yandeYa jee re, añave rupi oyapo rami.

DEUTERONOMIO 10:8 ပူးပေါင်းရင်းမြစ်များ

1 REYES 8:6

Jaɨkue rupi sacerdote reta güɨroike käjou morogüɨrökuavee päve pegua yandeYa imbae tupao japɨpe oñeñono tee kavi yae vae pe, jókuae araɨgua reta iä ipepo igüɨ pe,

1 CRÓNICAS 15:2

Jayave jae jei: “Levita reta güi mbaetɨ yé kia güɨrajata Tumpa ikäjou, echa yandeYa oiparavo jae reta güɨraja vaerä yandeYa ikäjou jare oyeokuai avei vaerä chupe.”

1 CRÓNICAS 15:26

Jare Tumpa omborɨ levita reta güɨraja Tumpa ikäjou ramo, oyuka reta Tumpa pe chiu toro taɨrusu vae jare chiu vecha kuimbae.

1 CRÓNICAS 23:13

Amram taɨ reta jae Aarón jare Moisés. Tumpa oiparavo Aarón omee vaerä mbota reta oñeñono tee kavi yae vae, oapɨ vaerä ikäti kavi vae incienso yandeYa jóvai, oyeokuai vaerä jare jei avei vaerä ñee kavi, mbaravɨkɨ oyapo vaerä Aarón jare taɨ reta jekuae avei pegua.

1 CRÓNICAS 23:26

Jáeramo levita reta ngaraa ma güɨroyakavo ye tupao guakapi pegua ani tembiporu reta Tumpa iparavɨkɨ pegua vae.”

2 CRÓNICAS 29:11

Jáeramo añave, cheraɨ reta, agüɨye peyembotavɨ echa yandeYa ko peparavo peiko avei vaerä jae jóvai, peyeokuai vaerä chupe, jare peapɨ vaerä chupe ikäti kavi vae incienso.”

2 CRÓNICAS 30:27

Javoi sacerdote reta jare levita reta oyemboɨ jare oyerure opaete vae reta re; jare yandeYa oendu chupe reta, iyerure ojo oväe ara pe, Tumpa oikoa pe.

SALMOS 134:1

Mase, ¡pemboete yandeYa! ¡Opaete, pe yandeYa jembiokuai reta, pɨ̈tu yave peï yandeYa itupao pe vae reta!

SALMOS 134:2

¡Pemopüa pepo reta o mbaemboetea kotɨ, pemboete yandeYa!

SALMOS 135:2

Pe itupao pe peï vae reta, ñaneTumpa itupao joka pe peï vae reta.

JEREMÍAS 15:19

Jayave yandeYa jei cheve: “Reyerova ye yave chekotɨ, che romboresive yeta, javoi ndepuere reyeokuai cheve. Mbaetɨ yave nemiari miariiño, ikavi vae reño nemiari yave, nde reïta nemiari vaerä cheveguarä. Jae reta ko yogüeruta ndekotɨ, nde agüɨye ekua ikotɨ reta.

EZEQUIEL 44:11

Toyeokuai reta chetupao pe, öke iyangarekoa reta jare ïru mbaembae iyangarekoa reta ramiño; jae reta oyukata mɨmba opaetei oyeapɨ vaerä vae jare opaete vae omee mɨmba oyeyuka vaerä vae yave; jare toñogüɨnoïndaivi oyeokuai vaerä.

EZEQUIEL 44:15

Sacerdote reta Leví iñemuña pegua, Sadoc iñemuña reta, tupao re jekuaeño oyangareko reta cheve, Israel iñemuña reta oyembosɨrɨ chegüi yave vae reta, jókuae reta yogüeruta chekotɨ oyeokuai reta vaerä cheve, ñogüɨnoi retata cheróvai omee reta vaerä mɨmba ikɨragüe jare jugüɨgüe, jökorai che peYa Tumpa jae kuae.

LEVÍTICO 8:9

Jaɨkue rupi oñono äka-ɨru yemboetea pegua iñäka re, jare kuae äka-ɨru jesɨva re oñono jembipe vae oro pegua, äka-ɨru ikɨambae yandeYa oyókuai Moisés vae rami.

LEVÍTICO 9:22

Jaɨkue rupi Aarón oupi ipo jeta vae reta kotɨ, jare jei ñee kavi ikotɨ reta; opa yave omee mbota Tumpa iñɨ̈ro vaerä mbaeyoa re vae, jare mɨmba oyeyukagüe opaetei oyeapɨ vae jare mɨmba oyeyukagüe yembopɨakatu pegua, osɨrɨ mɨmba oyeyuka oyeapɨ jese vae güi.

NÚMEROS 3:31

Jae reta ipo pe toï käjou, mesa, mechero renda, mɨmba oyeyuka oyeapɨ jese vae, ikäti kavi vae incienso oyeapɨ jese vae, jare opaete ïru tembiporu reta joko pe oyeporu vae jare asoya o imboyaoa jare opaete jesegua.

NÚMEROS 3:6

“Emboatɨ Leví iñemuña reta jare eñono sacerdote Aarón Leví iñemuña jóvai oporomborɨ reta vaerä,

NÚMEROS 4:15

Jare Aarón jare taɨ reta opa güire oñono kavi o mbaemboetea oyereraja vaerä jare opaete ïru tembiporu reta yave, jaema oguata retata yave, toyogüeru Coat iñemuña reta, güɨraja reta vaerä. Ërei agüɨye toyavɨkɨ reta mbae oñeñono tee Tumpa peguarä vae, agüɨye vaerä omano reta. Opaete kuae mbaembae tupao guakapi pegua jae Coat iñemuña reta ivoɨtarä.

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

Hechos 13:2

Kuae reta oyeokuai yandeYa pe jare oyekuaku tembíu güi ramboeve, Espíritu Santo jei chupe reta: “Peñono tee cheve Bernabé jare Saulo oyapo vaerä mbaravɨkɨ che aiparavo ma chupegua retarä vae.”

Romanos 1:1

Che Pablo, Jesucristo jembiokuai. Jae cheparavo jemimondorä, jare cheñono tee amoërakua vaerä Tumpa iñee ikavi vae,

Romanos 12:7

mbaepuere oyeokuai vaerä vae, toyeokuai kavi. Oporomboe vaerä vae, toporomboe kavi;

2 Corintios 6:17

Jáeramo jae jei vi peve körai: “Peë jae reta ipɨte güi, pesɨrɨ, jei yandeYa. Agüɨye peyavɨkɨ mbae ikɨa Tumpa jóvai vae. Jare che pomboresiveta.

Gálatas 1:15

Ërei Tumpa cheñono tee iyeupeguarä chesɨ jɨe peve, jare cheparavo ipɨakavi jeko pegua. Jare jae oipota ma yave,

DEUTERONOMIO 17:12

Ërei kuimbae oyembotuicha reve mbaetɨ oyapo sacerdote oyeokuai yandeYa pe vae ani oporojäa vae jei chupe vae yave, tomano. Jökorai peekɨ ikavimbae pepɨte güi.

DEUTERONOMIO 18:5

Echa yandeYa Tumpa ko oiparavo reta opaete ñemuña ipɨte güi, oyapo reta vaerä mbaravɨkɨ yandeYa jee re jae jare taɨ reta jekuae avei pegua.

DEUTERONOMIO 21:3

Jayave tenondegua reta, jókuae tëta köiño oï jókuae tëogüe güi vae pegua reta toipɨɨ metei guaka mbaetɨ vɨteri oyemombaravɨkɨ vae, mbaetɨ oyeokua yuvo jese vae,

DEUTERONOMIO 21:5

Jaɨkue rupi toyogüeru sacerdote Leví iñemuña reta, echa yandeYa Tumpa ko oiparavo jae reta jei vaerä ñee kavi yandeYa jee re, jare iñee reta rupi oyemboapɨ vaerä ñeapo ani yoaka reta.

DEUTERONOMIO 31:9

Moisés oikuatía kuae mborookuai, jare omee sacerdote Leví iñemuña reta pe, käjou yandeYa iporogüɨrökuavee päve pegua ivoɨa reta, jare Israel iñemuña reta itenondegua reta pe,