DEUTERONOMIO 10:20 - Biblia Guarani Tumpa Iñee

²⁰ YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 10:20 ပူးပေါင်းရင်းမြစ်များ

2 REYES 18:6

Echa oiko yandeYa jeia re, mbaetɨ oyembosɨrɨ chugüi, oyapo yandeYa omee mborookuai reta Moisés pe vae.

SALMOS 63:11

Ërei che mburuvicha guasu ayeroviata nderé; oyemboeteta opaete jei nderee re vae, echa iyapu imiari vae reta, iyuru oyeokendata.

ÉXODO 20:7

Agüɨye peenɨi raangaiño peYa Tumpa jee. Echa ngaraa aeya jekombae rami, jókuae nunga chereenɨi raangaiño vae.

ECLESIASTÉS 12:13

Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.

ISAÍAS 45:23

Cheyé aeño ko añererökuavee, cheyuru güi ko oë ñee jupi vae, jare ngaraa ko opɨta oyembopombae: Opaete vae oyetavatɨkata cheróvai, jare cheree reño jei retata mbaembae oyapo vaerä vae,

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

San Mateo 4:10

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Lucas 4:8

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

DEUTERONOMIO 11:22

Peyapo kavi yave opaete mborookuai jei vae che amombeu añave peve vae, jare peaɨu yave yandeYa Tumpa peguata reve pemboe vae rupi jare jupi rupi,

DEUTERONOMIO 13:4

Peiko yandeYa Tumpa jupíe, peipoɨu chugüi, peyapo iporookuai reta, peendu iñee reta, pemboete jare peyemboya jese.

DEUTERONOMIO 30:20

peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham, Isaac jare Jacob pe vae pe.”

DEUTERONOMIO 4:4

Ërei opaete pe reta yandeYa Tumpa reño perovia vae, peikove päveño añave.

DEUTERONOMIO 5:11

Agüɨye peenɨi raangaiño peYa Tumpa jee, echa ngaraa oeya jekombae rami jee oenɨi raangaiño vae.

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 6:13

YandeYa Tumpa güi peipoɨu, chupeño peyeokuai, jae jee reño opaete mbae peyapo.

JOSUÉ 23:7

agüɨye vaerä peyea kuae tëtaguasu reta opɨta pepɨte pe vae ndive, agüɨye peenɨi itumpa reta jare agüɨye mbae peiporu jare peyapo itumpa reta jee re, agüɨye peyeokuai chupe, agüɨye ave peyetavatɨka jae reta jóvai.

JOSUÉ 23:8

Ërei yandeYa Tumpa jupieño peguata, peyapo ma peyu peiko rami.

1 SAMUEL 7:3

Samuel imiari Israel iñemuña reta pe, jei reve: “Opaete pepɨa ndive peyerova ye yandeYa kotɨ yave, pemombo peyeugüi tumpa ambuae reta jare tumpa-raanga Astarot jee vae pepɨte güi, jare peñono kavi pepɨa yandeYa pe, jare chupeño peyeokuai, jayave peyorata filisteo reta ipo güi.”