DEUTERONOMIO 10:12 - Biblia Guarani Tumpa Iñee

¹² Añave Israel iñemuña reta, ¿mbae pa oiporu pegüi yandeYa Tumpa? Jaeño peipoɨu yandeYa Tumpa güi, peguata opaete jemimbota rupi jare peaɨu, jare peyeokuai yandeYa Tumpa pe opaete pepɨa ndive, opaete perekove ndive,

DEUTERONOMIO 10:12 ပူးပေါင်းရင်းမြစ်များ

1 REYES 3:3

Salomón oaɨu yae yandeYa, jare oyapo opaete mborookuai reta tu David oyapo oeyagüe, jare jae etei omee mɨmba oyeyukagüe jare ikäti kavi vae incienso ɨvɨtɨ rupigua mbaemboetea re.

2 REYES 10:31

Ërei ngatu Jehú mbaetɨ oñemokɨ̈reɨ oguata vaerä Israel iYa Tumpa iporookuai rupi opaete ipɨa ndive, mbaetɨ oyembosɨrɨ Jeroboam iyoa reta güi, Israel iñemuña reta pe oyapouka mbaeyoa vae güi.

2 REYES 18:3

Oyapo jupi vae yandeYa jesa róvai, oyapo opaete mbaembae iñemuñagüe David oyapo rami.

2 REYES 18:6

Echa oiko yandeYa jeia re, mbaetɨ oyembosɨrɨ chugüi, oyapo yandeYa omee mborookuai reta Moisés pe vae.

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 15:12

Jayave oñererökuavee reta oeka vaerä iñemuñagüe reta iYa Tumpa opaete ipɨa ndive jare jekove ndive.

JOB 36:11

Oendu reta yave jare omboete reta yave, yogüɨreko kavi retata omano regua.

SALMOS 119:2

Oyerovia ko, yandeYa iporookuai oyapo vae reta, jare oeka opaete ipɨa ndive vae reta;

SALMOS 128:1

Oyerovia ko opaete Tumpa güi oipoɨu vae, jókuae jemimbota rupi oiko vae.

SALMOS 145:20

YandeYa oñovatu, opaete güɨnoi mboroaɨu ikotɨ vae reta, ërei omokañɨteita opaete iyoa vae reta.

SALMOS 18:1

¡Roaɨu, cheYa Tumpa! Chepɨ̈rata nderé vae.

SALMOS 34:9

Peñeñono tee Tumpa pe vae reta, peipoɨu yandeYa güi; echa ngaraa mbae oata oipoɨu chugüi vae reta pe.

SALMOS 81:13

¡Tëta chembae vae oyapo yave mona che jae vae! ¡Israel, oguata yave mona cheremimbota rupi,

SALMOS 81:14

aramoete ko opata tëi amoamɨri chupe jovaicho reta, aiporaraukata tëi ko jókuae jovaicho reta pe!”

ÉXODO 23:25

PeYa Tumpa peño peyeokuai, jae pemboyekouta tembíu pe jare ɨ pe. Jare che ambosɨrɨta pegüi opaete mbaerasɨ reta,

ECLESIASTÉS 12:13

Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.

EZEQUIEL 11:20

Yogüɨreko reta vaerä cheporookuai reta rupi, jare oyapo retata mborookuai jei vae. Jae reta yogüɨrekota chembaerä jare che aikota iTumparä.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

SOFONÍAS 3:9

Jókuae ara, che ameeta opaete vae pe iñee kavi vaerä, jökorai opaete vae chereenɨi vaerä jare oyeokuai vaerä cheve ipɨa-kɨ̈reɨ ngatu reve.

San Mateo 22:37

Jayave Jesús jei chupe: —Eaɨu ndeYa Tumpa opaete ndepɨa reve, opaete nderekove ndive, jare opaete ndeyemongeta ndive.

San Lucas 10:27

Jayave jei Jesús pe: —Eaɨu ndeYa Tumpa opaete ndepɨa reve, opaete nderekove reve, jare opaete nepɨ̈rata reve jare opaete ndeyemongeta reve. Jaeramiño vi eaɨu nderapicha nde reyeaɨu rami.

San Lucas 11:42

“¡Paravete, pe fariseo reta! Echa pemee pediezmo temitɨ reta penoi vae güi. Ërei mbaetɨ peyapo jupi vae, jare mbaetɨ peaɨu Tumpa. Kuae ko jae peyapo vaerä peeyambae reve diezmo reta.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Romanos 1:9

Che ayeokuai Tumpa pe opaete chekɨ̈reɨ reve. Echa amombeu ïru vae reta pe ñee ikavi vae Tumpa Taɨ regua. Jae oikuaa kërai ayerure avei chupe peré vae.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

DEUTERONOMIO 10:11

Jare jei yandeYa cheve: ‘Epüa jare egüeyɨ ekua, reguata vaerä opaete vae reta jenonde, peike vaerä pepɨ̈ro ɨvɨ amombeu peñemuñagüe reta pe vae.’

DEUTERONOMIO 10:13

peyapo avei yandeYa iporookuai reta amombeu añave peve vae, peiko kavi vaerä.

DEUTERONOMIO 11:1

Peaɨu yandeYa Tumpa, peyapo opaete iporookuai reta ara ñavo.

DEUTERONOMIO 11:13

Peyapo yave mborookuai reta amombeu añave peve vae, peaɨu reve yandeYa Tumpa jare peyeokuai reve chupe opaete pepɨa ndive, opaete perekove ndive,

DEUTERONOMIO 26:16

YandeYa Tumpa peokuai peyapo vaerä kuae mborookuai reta, peyeandu, peyapo opaete pepɨa ndive jare opaete perekove ndive.

DEUTERONOMIO 27:10

Jáeramo, peendu yandeYa Tumpa iñee jare peyapo opaete iporookuai reta, che poyókuai añave vae.”

DEUTERONOMIO 30:16

echa che poyókuai añave, peaɨu yandeYa Tumpa, peiko jemimbota rupi, jare peñovatu iporookuai reta, peikove vaerä jare peñemuña vaerä jeta, jare yandeYa Tumpa tiporerekua peré ɨvɨ peiketa peiko pɨpe vae pe.

DEUTERONOMIO 30:20

peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham, Isaac jare Jacob pe vae pe.”

DEUTERONOMIO 4:29

Ërei ngatu joko güi peeka yave yandeYa Tumpa opaete pepɨa ndive jare opaete perekove ndive, peväeta.

DEUTERONOMIO 5:29

¡Jökorai avei mona ipɨa reta, oipoɨu jare oñovatu opaete cheporookuai, jae reta jare taɨ reta yogüɨreko kavi vaerä jekuae avei pegua!

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

DEUTERONOMIO 6:13

YandeYa Tumpa güi peipoɨu, chupeño peyeokuai, jae jee reño opaete mbae peyapo.

DEUTERONOMIO 6:2

Peipoɨu vaerä yandeYa Tumpa güi, peiko vaerä opaete iporookuai reta che poyókuai jese vae rupi; pe, peraɨ, perɨmɨmino, opaete ara peiko rambueve peiko puku vaerä.

DEUTERONOMIO 6:24

Jare yandeYa oreokuai royapo vaerä opaete kuae mborookuai reta, roipoɨu vaerä yandeYa Tumpa güi, roiko kavi vaerä opaete ara rupi jare oreövatu vaerä añave rami.

DEUTERONOMIO 6:5

Peaɨu peYa Tumpa opaete pepɨa ndive, opaete perekove ndive, jare opaete pepɨ̈rata ndive.

1 Timoteo 1:5

Kuae mborookuai jae ko, mboroaɨu oime vaerä yandepɨa ikɨambae güi etei vae, jare yandeyemongeta ikavigüe, jare mborogüɨrovia añetete vae.

Hebreos 12:28

Jare Tumpa omee yandeve iporookuaía mbaetɨ ipuere oñemomɨi vae, jáeramo ñamee yasoropai Tumpa pe ipɨakavi re, yambopɨakatu reve yayeokuai chupe yamboete jare yaipoɨu reve;

JOSUÉ 22:5

Jaeño aiporu peve peyeandu reve kavi peyapo mborookuai reta Moisés, yandeYa jembiokuai omee peve vae: Peaɨu yandeYa Tumpa, peguata jae jemimbota rupiño; peñovatu iporookuai reta, jaeño peiko jupi rupi chupe jare peyeokuai chupe opaete pepɨa ndive, añete rupi kavi.”

JOSUÉ 24:14

Añave, pemboete yandeYa, peyeokuai chupe jupi rupi jare mboromboete rupi. Pemombo peyeugüi tumpa ambuae reta peñemuñagüe reta oyeokuai chupe ɨ̈aka Eufrates jovaicho kotɨ vae, jare Egipto pe vae, jare peyeokuai yandeYa pe.

1 Juan 2:15

Agüɨye peaɨu kuae ɨvɨ, ani mbaembae ɨvɨ pegua. Oime yave kia kuae ɨvɨ oaɨu vae, mbaetɨ ko oaɨu Tumpa;

1 Juan 5:5

Güɨrovia Jesús ko jae Tumpa Taɨ vae, omoamɨri ɨvɨ pegua teko.

1 SAMUEL 12:20

Jare Samuel jei chupe reta: —Agüɨye pekɨɨye. Peyapo ko opaete ikavimbae, ërei agüɨye peyerova yandeYa güi, peyeokuai chupe opaete pepɨa ndive.