DEUTERONOMIO 1:8 - Biblia Guarani Tumpa Iñee

⁸ Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 1:8 ပူးပေါင်းရင်းမြစ်များ

GÉNESIS 12:7

YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 15:16

Nerɨmɨmino reta jɨmɨmino reta oyerova yeta kuae kotɨ; echa kuae ara rupi amorreo reta ndeiño omondo ete mbatee imbaeyoa.

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

NEHEMÍAS 9:15

Yɨmbɨaɨ reta yave, remee mbɨyape ara güi chupe reta, iɨuve reta yave, remee ɨ ɨ̈vavira güi chupe reta. Javoi rere chupe reta oike vaerä yogüɨreko, ɨvɨ nde reñererökuavee remee chupe reta vae pe.

ÉXODO 23:31

Ambojaanga peɨvɨ iyapɨ Ɨguasu Pɨ̈ta vae güive filisteo reta iɨguasu kotɨ, jare ñuu güive ɨ̈aka Éufrates kotɨ, echa añono pepo pe opaete jókuae ɨvɨ pe yogüɨreko vae reta, jare pe opata pemoë pemombo peyeugüi.

ÉXODO 33:1

YandeYa jei Moisés pe: —Ekua. Opa eraja opaete ɨvɨ Egipto güi renoe vae reta, ɨvɨ che arökuavee amee vaerä Abraham, Isaac, jare Jacob pe vae pe, jae reve: Peñemuña reta pe ameeta.

JEREMÍAS 32:22

Remee kuae ɨvɨ kavi Israel pe, nde rerökuavee iñemuñagüe reta pe rami.

EZEQUIEL 47:14

Penoita pembaerä metei rami, che añererökuavee cheree re ae amee vaerä peñemuñagüe reta pe vae. Jáeramo kuae ɨvɨ pembaerä ko.

NÚMEROS 14:23

mbaetɨta oecha reta jókuae ɨvɨ tu reta pe arökuavee cheree re vae; chemboarasɨuka vae reta, ngaraa metei ave oecha.

NÚMEROS 32:11

opaete Egipto güi ñogüɨnoe yave, veinte año vae güi kutɨ ngaraa oike reta ɨvɨ güɨrökuavee jee re Abraham, Isaac jare Jacob pe vae pe, mbaetɨ yogüɨreko jupi rupi jeko pegua.

DEUTERONOMIO 1:11

¡YandeYa, peñemuñagüe reta iTumpa tomee peñemuña jeta ye añave vae güi, jare tiporerekua peré oñererökuavee peve rami!

DEUTERONOMIO 1:35

‘Kuae ñemuña reta güi mbaetɨ eteita oecha ɨvɨ kavi, arökuavee amee vaerä peñemuñagüe reta pe vae.

DEUTERONOMIO 10:11

Jare jei yandeYa cheve: ‘Epüa jare egüeyɨ ekua, reguata vaerä opaete vae reta jenonde, peike vaerä pepɨ̈ro ɨvɨ amombeu peñemuñagüe reta pe vae.’

DEUTERONOMIO 11:24

Opaete ɨvɨ pepɨ̈rota jese vae pembaerä ko. Ñuu güive ojoi oväe Líbano pe, ɨ̈aka Éufrates güive ojoi oväe Ɨguasu Mediterráneo kotɨ oï vae pe, ɨvɨ pembaerä ko.

DEUTERONOMIO 11:9

Jare peiko vaerä jeta ara jókuae ɨvɨ pe, yandeYa güɨrökuavee ɨvɨ kavi peñemuñagüe reta pe jare iñemuña reta pe vae pe.

DEUTERONOMIO 2:29

Esaú iñemuña reta Seir pe yogüɨreko vae omaeño aasa rami, jaeramiño vi Moab iñemuña reta Ar pe yogüɨreko vae rami, aasa regua ɨ̈aka Jordán oreYa Tumpa ɨvɨ omee orevea pe.’

DEUTERONOMIO 26:15

Emae nerëta ikɨambaea güi, ara güi, ndeporerekua tëta Israel ndembae vae re, jare jókuae ɨvɨ remee oreve vae re, rerökuavee nderee re remee vaerä ɨvɨ ikavi yae vae oreñemuñagüe reta pe rami.’

DEUTERONOMIO 26:3

Jare joko pe oï sacerdote jókuae ara rupi vae jóvai peyemboɨ, jare pere chupe: ‘Ko añave roe yandeYa Tumpa pe, roike ma ɨvɨ omombeu jee re oreñemuñagüe reta pe omee vaerä oreve vae pe.’

DEUTERONOMIO 28:11

YandeYa pemboyekouta pembaembae rupi, peraɨ reta rupi, perɨmba imembɨ reta rupi, peremitɨ reta ia rupi, jókuae ɨvɨ güɨrökuavee jee re omee vaerä peñemuñagüe reta pe vae pe.

DEUTERONOMIO 29:12

peñererökuavee vaerä Tumpa jee re, morogüɨrökuavee päve yandeYa Tumpa oyapo oï añave pe ndive vae pe.

DEUTERONOMIO 30:20

peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham, Isaac jare Jacob pe vae pe.”

DEUTERONOMIO 31:7

Javoi Moisés oenɨi Josué jare jei chupe opaete Israel iñemuña reta jovake: “Eñemomɨ̈rata jare eñemoäta ngatu; echa nde rerajata kuae tëta jókuae ɨvɨ yandeYa güɨrökuavee jee re omee vaerä peñemuñagüe reta pe vae pe, nde reroiketa remee chupe reta.

DEUTERONOMIO 34:4

Jare jei chupe yandeYa: “Kuae ko jae ɨvɨ arökuavee cheree re Abraham, Isaac jare Jacob pe vae, jae chupe körai: ‘Neñemuña reta pe ameeta.’ Amaeño reecha etei vaerä nderesa pe, ërei ngaraa reasa jokotɨ.”

DEUTERONOMIO 4:1

Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 6:10

YandeYa Tumpa pereroike ma yave ɨvɨ güɨrökuavee peñemuñagüe Abraham, Isaac jare Jacob pe vae pe; omee vaerä peve tëta guasu tuichagüe jare ikavi yae vae, pe mbaetɨ peyapo vae;

DEUTERONOMIO 7:12

Peendu yave kuae mborookuai reta, peñovatu jare peyapo yave jei peve rami, yandeYa Tumpa omoañeteta peve jókuae morogüɨrökuavee päve jare mboroparareko güɨrökuavee jee re peñemuñagüe reta pe vae.

DEUTERONOMIO 7:13

Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

DEUTERONOMIO 7:8

YandeYa peraɨu ramo, jare oipota ombopo jókuae peñemuñagüe reta pe güɨrökuavee jee re vae jeko pegua perenoe Egipto güi imbaepuere pe, jare pereepɨ yeokuaiasɨ katu güi, Egipto pegua mburuvicha guasu Faraón ipo güi.

DEUTERONOMIO 8:1

Peyeandu, pemomoe avei opaete mborookuai reta che poyókuai peyapo vaerä vae, peikove vaerä, peñemuña vaerä, jare peike vaerä pepɨ̈ro peyeupe jókuae ɨvɨ yandeYa güɨrökuavee peñemuñagüe reta pe vae.

DEUTERONOMIO 9:5

Mbaetɨ ko pe jupi yae ani pepɨa isɨmbi yae ramo peiketa pepɨ̈ro ɨvɨ pembaerä, jókuae ɨvɨ pegua reta jeko kavimbae vae jeko pegua ko yandeYa Tumpa omoë omombo peróvai güi, omoañete vaerä yandeYa iñee jei jee re ae peñemuñagüe Abraham, Isaac jare Jacob pe vae.

Hebreos 6:13

Echa Tumpa güɨrökuavee Abraham pe yave, mbaetɨ kia tuichagüe yae vae chugüi ramo jei iyé aeño,

Hebreos 6:14

Jare jei: “Añetete cheporerekua yaeta nderé jare rombojeta yaeta.”

JOSUÉ 1:6

Eñemomïrata jare eñemoäta ngatu, echa nde remboyaota kuae reta imbaerä, jókuae ɨvɨ arökuavee cheree re peñemuñagüe reta pe amee vaerä vae.

JUECES 2:1

YandeYa iaraɨgua ojo Gilgal güi Boquim pe, jare jei Israel iñemuña reta pe: “Che ko pogüɨnoe ɨvɨ Egipto güi, jare pomoinge peñemuñagüe reta pe ɨvɨ arökuavee amee vaerä vae pe, echa jae chupe reta: ‘Ngaraai amboai cheñererökuavee pe ndive,