DEUTERONOMIO 1:44 - Biblia Guarani Tumpa Iñee

⁴⁴ Ërei ñogüɨnoe perovaicho reta peve yave, amorreo reta jókuae ɨvɨtɨ rupi yogüɨreko vae, peñemoñauka chupe reta kävee oporomoña rami, jare peñemoamɨriuka chupe reta Seir güive Horma kotɨ.

DEUTERONOMIO 1:44 ပူးပေါင်းရင်းမြစ်များ

SALMOS 118:12

Cheöva reta kävee rami, tata jendɨ ñurati re rami iyarasɨ reta chekotɨ, ¡ërei yandeYa jee re opata amoamɨri reta!

ISAÍAS 7:18

Jókuae ara rupi yandeYa güeruta mberu rami mombɨrɨ Egipto iɨ̈aka rupi yogüɨreko vae reta, jare güeruta kävee rami Asiriaɨgua reta.

NÚMEROS 14:45

Jayave ñogüɨnoe chupe Amalec iñemuña reta jare Cam iñemuña reta, jókuae ɨvɨtɨ re yogüɨreko vae reta, jare kuae reta oyuka jare omoamɨri reta, jare oaɨkuemoña reta güɨraja oeya Horma pe.

NÚMEROS 21:3

Jare yandeYa oendu Israel iñemuña reta iyerure, jare omee jae reta ipo pe cananeo reta, jare opaetei omboai reta, jaeramiño vi jëta guasu reta; jáeramo ombojee reta jókuae ɨvɨ Horma.

DEUTERONOMIO 28:25

YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!

JOSUÉ 7:5

Jare Hai pegua reta oyuka Israel iñemuña reta güi treinta y seis rupi, jare omoña reta tëta jöke güive Sebarim kotɨ, jare omoamɨri reta yagüeyɨa pe. Jókuae jeko pegua opaete Israel iñemuña reta ipɨatɨtɨ yae jare ipɨa kɨɨye reta.