DEUTERONOMIO 1:37 - Biblia Guarani Tumpa Iñee

³⁷ Jare pereko pegua yandeYa iyarasɨ chekotɨ, jei cheve: ‘Ngaraa vi nde reike jókuae ɨvɨ pe.

DEUTERONOMIO 1:37 ပူးပေါင်းရင်းမြစ်များ

NÚMEROS 20:12

Jare yandeYa jei Moisés jare Aarón pe: —Mbaetɨ ramo perovia cheré, mbaetɨ chemboete Israel iñemuña reta jóvai, jáeramo, mbaetɨta pe reta peroike kuae tëta ɨvɨ che amee chupe retaa pe.

NÚMEROS 27:18

Jare yandeYa jei Moisés pe: —Eenɨi Josué Nun taɨ, kuimbae iyarakuaa katu yae vae, jare eñono ndepo iñäka re;

DEUTERONOMIO 3:27

Eyeupi ɨvɨtɨ Pisga re, jare emae kuaraɨ oikea kotɨ, ɨvɨtuguasu kotɨ, jare arayevɨ kotɨ, kuaraɨ oëa kotɨ, emae jese echa mbaetɨta reasa jokotɨ.

DEUTERONOMIO 3:28

Emboe Josué jare emoäta ngatu, emopɨ̈rata; echa jae ko ojota opaete vae reta jenonde, jare jae omeeta ɨvɨ imbae retarä jókuae reechata vae.’

DEUTERONOMIO 31:2

“Añave anoi ma ciento veinte año, mbaetɨ ma chepuere; jare yandeYa jei yoapɨ cheve: ‘Ngaraa reasa kuae Jordán.’

DEUTERONOMIO 32:52

Jáeramo, reechata mombɨrɨ güiño jókuae ɨvɨ ameeta Israel iñemuña reta pe vae, ërei ngaraa reike pɨpe.”

DEUTERONOMIO 34:4

Jare jei chupe yandeYa: “Kuae ko jae ɨvɨ arökuavee cheree re Abraham, Isaac jare Jacob pe vae, jae chupe körai: ‘Neñemuña reta pe ameeta.’ Amaeño reecha etei vaerä nderesa pe, ërei ngaraa reasa jokotɨ.”

DEUTERONOMIO 4:21

Jare yandeYa iyarasɨ cheve pereko pegua, jare jei jee re, che mbaetɨta aasa ɨ̈aka Jordán, jare ɨvɨ kavi pe ave mbaetɨta aike, yandeYa Tumpa omee ɨvɨ pembaerä vae pe.

DEUTERONOMIO 4:22

Jayave che amanota kuae ɨvɨ pe, mbaetɨta aasa ɨ̈aka Jordán; ërei pe reta peasata, jare jókuae ɨvɨ kavi pepɨ̈rota pembaerä.