DEUTERONOMIO 1:31 - Biblia Guarani Tumpa Iñee

³¹ Kuimbae oipoko taɨ güɨroata rami, peecha yandeYa Tumpa pereroata ñuu rupi opaete peguataa rupi, peyu regua peväe kuae pe.’

DEUTERONOMIO 1:31 ပူးပေါင်းရင်းမြစ်များ

SALMOS 28:9

CheYa, eroasayepe ndembae vae reta; ndeporerekua ndembae vae reta re. Eyangareko jese reta, vecha iyangarekoa oyangareko jɨmba re rami; ¡emae kavi avei jese reta!

ÉXODO 19:4

“Pe reta peecha kërai ayapo Egiptoɨgua reta vae, jare peikuaa kërai pogüeru chekotɨ güɨraké ipepo re rami.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

NÚMEROS 11:14

Che aeño mbaetɨ chepuere araja vaerä kuae tëta, yavai yae ko cheveguarä.

Hechos 13:18

Jare cuarenta año güɨropɨa chupe reta ñuu rupi;

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

DEUTERONOMIO 8:5

Jaeramiño vi pereko avei pepɨa pe, kërai kuimbae oinupa taɨ ombosɨmbi vae rami, jökorai ko yandeYa Tumpa penupa vi pembosɨmbi.