DEUTERONOMIO 1:17 - Biblia Guarani Tumpa Iñee

¹⁷ Oporojäa vaerä oporoparavombae reve; oyeapɨsakata paravete vae re jare oikokatu vae re, mbaetɨ eteita kia güi okɨɨye, echa Tumpa etei ko oporojäa. Jare yavai yae teko yave peruta cheve, che ayapo vaerä.

DEUTERONOMIO 1:17 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

2 SAMUEL 14:14

Echa opaete vae ñamano ñotai ko, ɨvɨ pe ɨ oyepɨyere vae rami ko yande reta, mbaetɨ yandepuere yaupi ye ɨvɨ güi. Tumpa mbaetɨ vi oekɨiño tekove, jae oñono mbaembae kuae ɨvɨ güi otekuarai vae agüɨye mo vaerä oyembosɨrɨ ete chugüi.

2 CRÓNICAS 19:5

Jare oñono mburuvicha oporojäa vae reta opaete tëta guasu reta jëguambaea ñavo Judá pegua rupi.

2 CRÓNICAS 19:6

Jei chupe reta: “Pemae kavi peyapo vae re, echa mbaetɨ ko peporojäa kuimbae reta jee re, yandeYa jee re ko, echa jae oï pe ndive peporojäa yave.

JOB 31:34

Echa akɨɨye jeta vae reta güi, jare chemongɨɨye chero pegua reta chereröɨro vae chekïrii, jare mbaetɨ aë chero güi.

SALMOS 82:2

“¿Kërai yave regua pa mbaetɨta peporojäa kavi, jare peepɨ iyoa vae reta?

ÉXODO 18:18

ndekangɨta jare opaete vae reta ikangɨta vi; echa jeta yae ko mbaravɨkɨ ndeveguarä, ngaraa ndepuere ndeño opa reyapo.

ÉXODO 18:22

Kuae reta tojäa opaete vae ara ñavo; jare opaete teko yavai yae ete vae togüeru reta ndekotɨ, jare jae reta tojäa teko mbaetɨ yavai mbatee vae. Körai rembovevɨita ndeyeugüi ndeparavɨkɨ, jare kuae reta ndemborɨta jese.

ÉXODO 18:26

Jare kuae reta oporojäa tëta re ara ñavo; teko yavai yae ete vae güeru reta Moisés kotɨ, jare kuae reta oñono kavi teko mbaetɨ yavai mbatee vae.

PROVERBIOS 18:5

Mbaetɨ ko ikavi oporojäa vae reta oepɨ jupimbae, omboeko vaerä jupi vae.

PROVERBIOS 24:23

Kuae reta, jae vi ko yarakuaa vae reta iñee arakuaa pegua: Ñeapoa pe oporojäa vae reta oporoparavoño yave, mbaetɨ etei ko jaekavi.

PROVERBIOS 28:21

Yayoparavoño yayoparareko vae mbaetɨ ko ikavi; metei mbɨyape jaɨgüe re ave, ipuere ko yandeyoa.

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

JEREMÍAS 1:17

Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

LEVÍTICO 19:15

Agüɨye peyapo jupimbae peporojäa yave: Agüɨye peepɨ paravete vae ani pembopɨakatu oikokatu vae. Jupi rupi peporojäa.

MALAQUÍAS 2:9

Jáeramo che pogüɨröɨroukata opaete tëta pegua pe, echa pe reta mbaetɨ peyapo cheremimbota, jare mborookuai re peporomboe yave peyoparavoño.”

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Marcos 12:14

Jare yogüeru oväe yave, jei Jesús pe: —Oporomboe vae, roikuaa nde rere vae añete ko. Nde mbaetɨ reipoɨu kia güi ave, echa nde mbaetɨ remae kuimbae jova reño. Nde reporomboe kavi Tumpa jemimbota re. ¿César okovara vae jupi pa yamboepɨ vaerä?, ani ¿mbaetɨ pa? ¿Yamboepɨta pa chupe?, ani ¿mbaetɨta pa?

San Lucas 20:21

Jayave jae reta jei Jesús pe: —Oporomboe vae, roikuaa nde rere jare reporomboe vae añete ko. Nde mbaetɨ remboyoavɨ metei ave ïru vae güi. Nde reporomboe jupi rupi kavi Tumpa jemimbota re.

Romanos 2:11

Echa Tumpa mbaetɨ ko oporomboyoavɨ.

Efesios 6:9

Jare pe mbaravɨkɨ iya reta peyapo jupi vae perembiokuai reta pe, agüɨye “ronupata” pere chupe reta. Echa peikuaa jae reta iYa jare peYa ara pe oï vae, mbaetɨ ko oporomboyoavɨ.

DEUTERONOMIO 10:17

echa yandeYa Tumpa güɨnoi mbaepuere tumpa-raanga reta güi, jare imbaepuere yae ete mbaepuere güɨnoi vae reta güi, Tumpa tuicha yae vae jare imbaepuere yae vae, mbaetɨ oporomboyoavɨ jare mbaetɨ oipɨɨ vɨari mbae oyemboepɨ vɨarigüe;

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

DEUTERONOMIO 25:1

Oime kia nunga reta oñeapo oyoe yave, toyogüɨraja oporojäa vae reta jóvai, jae reta tombojupi jekombae jare tomboeko reta jeko vae.

Colosenses 3:25

Ërei jupimbae oyapo vae pe, oyemboekoviata jókuae jupimbae oyapo vae, echa Tumpa mbaetɨ ko oporomboyoavɨ.

1 Tesalonicenses 2:4

Ërei Tumpa etei ko oreñono rogüɨraja vaerä ñee ikavi vae, jökorai ko oremiari; mbaetɨ romboyerovia vaerä kuimbae reta, jaeño Tumpa, oikuaa yandeyemongeta vae.

Santiago 2:9

Ërei peyoparavoño pemae kavi oyoe yave, peyoa ko. Mborookuai jei vae rupi teko pe ma ko pepɨta.

1 Pedro 1:17

Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”

1 SAMUEL 2:25

Metei kuimbae iyoa yave japicha kotɨ, mburuvicha oporojäa vae reta ojäata; ërei metei kuimbae iyoa yave yandeYa kotɨ, ¿kia ra oñemoëta jese?” Ërei jókuae kunumi reta mbaetɨ oyandu tu jei chupe vae, echa yandeYa oyemongeta ma opa vaerä oyuka.