DANIEL 9:7 - Biblia Guarani Tumpa Iñee

⁷ Nde cheYa, jupi vae ko nde, ërei ore Judáɨgua reta royandu oremara; jökoraiño vi Jerusalén pe yogüɨreko vae jare opaete ïru Israel iñemuña reta, köiño jare mombɨrɨ remondo tëtaguasu reta rupi yogüɨreko vae, oyembopɨa pochɨ reta ndekotɨ jeko pegua vae.

DANIEL 9:7 ပူးပေါင်းရင်းမြစ်များ

ESDRAS 9:13

Ërei opaete kuae mbaembae oasa ore ndive orereko ikavimbae jeko pegua, jare oreyoa yae jeko pegua, nde oreTumpa mbaetɨ reiporarauka oreve orereko kavimbae rupi etei, remaeño mbovɨ roikove vaerä.

ESDRAS 9:15

OreYa Tumpa, Israel iTumpa, nde ko jupi vae, echa nde oremoembɨreuka mbovɨ añave rami. Ko roï nderóvai oreyoa reve, mbaetɨ jupi roï vaerä nderóvai kuae jeko pegua.”

NEHEMÍAS 9:33

Ërei nde mbaetɨ ko ndereko opaete mbaembae ou oreve vae re; echa jupi rupi ko nde reyapo vae, ore ko royapo ikavimbae.

SALMOS 119:137

CheYa Tumpa, jupi vae ko nde, jupi ko ndeporookuai reta.

SALMOS 44:15

Ara ñavo aiko ñemomarai rupi; cherova kërai cheapo,

SALMOS 51:14

Chereepɨ oporoyuka vae reta güi, cheRu Tumpa, Tumpa chereepɨ vae; atairarita ndembaejupi.

SALMOS 51:4

Ndekotɨ, ndekotɨño cheyoa, ayapo ikavimbae nderesa róvai; ikavimbae remae jese vae ayapo, jáeramo, chejäa vae, jupi ko.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 45:16

Opaete tovaicho reta oñemomichita jare imara yaeta opɨta. Jare tumpa-raanga iyapoa reta imara yaeta opɨta.

JEREMÍAS 12:1

CheYa, jupi vae ko nde ayoaka vaerä nde ndive; ërei aipota aparandu ndeve: ¿Maera pa iyoa vae reta yogüɨreko kavi? ¿Maera pa ipɨapochɨ vae reta yogüɨreko kavi?

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 24:9

Ayapota chupe reta vae rupi opaete tëtaguasu reta okɨɨye yaeta, jare omae kavi potaä jese reta; yogüɨrekota susere rupi jare ñeerä, yeyóyai yóyai rupi jare yepopeyurä opaete ɨvɨ rupi che amoai moaia rupi.

JEREMÍAS 3:25

Oreropa jare oremara yae, echa orendei güive añave regua, ore jare oreñemuñagüe reta oreyoa nde oreYa Tumpa kotɨ, jare mbaetɨ royapo nde rere vae.”

JEREMÍAS 32:32

opaete ɨvɨ Israel pegua reta jare ɨvɨ Judá pegua reta jembiapo reta ikavimbae rupi chemboarasɨuka vae jeko pegua; jökoraiño vi mburuvicha guasu reta jare mburuvicha reta, sacerdote reta, ñeemombeúa reta jare opaete ɨvɨ Judá pegua reta jare Jerusalén pe yogüɨreko vae reta.

JEREMÍAS 33:16

Jókuae ara rupi Judá oyeyorata jare Jerusalén oiko pɨagüiveta, jare ombojee retata: YandeYa ko jae jupi vae yandeveguarä vae.

JEREMÍAS 4:17

Oimama retata tëta guasu reta Judá pegua, ko reta re oyangareko vae reta rami, echa oyembopɨapochɨ reta chekotɨ. Che ndeYa jae kuae.

JEREMÍAS 7:19

¿Cheño ra chemboarasɨuka reta? Mbaetɨ ko, jae reta aeño ko teko oyapo iyeupe oñemomarai vaerä. Che ndeYa jae kuae.

EZEQUIEL 16:63

Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”

EZEQUIEL 36:31

Jare pemaendúa pereko ikavimbae re jare perembiapo ikavimbae re yave, pemarata peyeugüi aeño, peyoa jare ikavimbae peyapo jeko pegua.’

EZEQUIEL 5:10

Jáeramo, nderapɨpe oimeta kia jou taɨ reta vae, ani taɨ reta jou tu reta vae. Aiporaraukata ndeve, jare oikoveño opɨta vae reta amoaita oipota rupi.

EZEQUIEL 6:12

Mombɨrɨ ñogüɨnoi vae omanota mbaerasɨ ovakatu vae rupi, köiño oï vae omanota ñeraro rupi jare jembɨregüe karuai oyukata. Jökorai chearasɨ aitɨta jese reta.

DANIEL 9:14

CheYa, jáeramo remokätɨro kuae ikavimbae jare rembou oreré; echa nde, oreYa Tumpa, jupi ko opaete mbae reyapo vae rupi; ërei ore mbaetɨ roipota roendu ndeve.

DANIEL 9:18

OreYa Tumpa, emboɨke ndeapɨsa jare eendu; emae kavi opa royemboai roï vae re, jare tëta guasu nderee oñeenɨia opa oyemboai oï vae re. Mbaetɨ roeka ndeve yemborɨ jupi rupi roiko jeko pegua, jaeño ndeporoparareko tuicha yae jeko pegua ko.

DANIEL 9:8

CheYa Tumpa, ore jare jökoraiño vi oreruvicha guasu reta, oreruvicha reta jare oreñemuñagüe reta royandu oremara, echa oreyoa ndekotɨ.

AMÓS 9:9

Echa che opata amoai moai Israel iñemuña reta, opaete vae tëtaguasu ipɨte rupi, trigo jäɨ oyembogua ürupe pe yave mbaetɨ oa jäɨ ɨvɨ pe rami.

Romanos 6:21

Echa ¿mbae ikavi vae pa penoi jókuae mbaembae reta añave pemomarai perenoi vae güi? Echa jókuae mbaembae oporogüɨraja mano pe.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.