DANIEL 9:5 - Biblia Guarani Tumpa Iñee

⁵ oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi.

DANIEL 9:5 ပူးပေါင်းရင်းမြစ်များ

2 REYES 18:12

mbaetɨ yandeYa Tumpa omboete reta jeko pegua, echa ko oyavɨ reta morogüɨrökuavee päve kotɨ; mbaetɨ oyapo reta opaete mbaembae, Moisés yandeYa jembiokuai oporookuai vae, mbaetɨ oendu reta.

2 REYES 21:15

Ikavimbae oyapo reta cheresa róvai jeko pegua chemboarasɨuka reta, iñemuñagüe reta ñogüɨnoe Egipto güi yave güive añave regua.’ ”

ESDRAS 9:6

jare jae: “Cheru Tumpa, chemara jare mbaetɨ aikuaa mbae jae vaerä ndeve cheTumpa, echa oasa ete oreyoa, jare orereko reta oupitɨ ara.

SALMOS 106:6

Oreyoa vi oreñemuñagüe reta rami, royapo ikavimbae, royapo jupimbae.

SALMOS 119:102

Mbaetɨ asɨrɨ ndeporookuai reta güi, echa nde ko chemboe.

SALMOS 119:176

Akañɨ aiko, vecha okañɨgüe rami, ¡eyu chereeka che nderembiokuai, echa mbaetɨ cheakañɨ ndeporookuai reta güi!

SALMOS 18:21

echa che aiko yandeYa jemimbota rupi, ¡mbaetɨ ayembosɨrɨ mbaeyoa rupi cheTumpa güi!

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

ISAÍAS 64:4

Mbaetɨi oyeendu kuae nunga, mbaetɨi oyeecha Tumpa nde rami vae, kërai oyapo avei mbaembae, jese güɨrovia vae reta peguarä vae.

JEREMÍAS 14:20

CheYa, mbaetɨ roikuaku oreyoa, jare oreñemuñagüe reta iyoa; oreyoa ko ndekotɨ.

JEREMÍAS 14:7

¡CheYa, yepe tëi oreyoa oremboeko, eyapo oreve nderee reaɨu vae jeko pegua! Echa jeta yae orepɨapochɨ ndekotɨ, oreyoa ko ndekotɨ.

JEREMÍAS 3:25

Oreropa jare oremara yae, echa orendei güive añave regua, ore jare oreñemuñagüe reta oreyoa nde oreYa Tumpa kotɨ, jare mbaetɨ royapo nde rere vae.”

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 44:3

ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi, oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

LAMENTACIONES 1:20

¡CheYa Tumpa, chepɨatɨtɨ yae aï! ¡Ayandu etei chepɨa onduku cheɨvɨte pe! Chepɨa-kërai, ayemongeta yave chepɨapochɨ yae vae re. Ikatu rupi, jeta yae oporoyuka vae, jare japɨpe rupi jeta mano.

LAMENTACIONES 3:42

OreYa, oreyoa yae jare orepɨapochɨ ndekotɨ, jare nde mbaetɨ neɨ̈ro oreve.

EZEQUIEL 5:6

Ërei jae reta ñäteɨ oyapo cheporookuai reta, jare jeko reta ikaviä yae ïru tëtaguasu reta güi jare iyɨvɨrigua reta güi; echa güɨröɨro reta cheporookuai jare mbaetɨ yogüɨreko reta mborookuai jeia rupi.

EZEQUIEL 6:9

Kuae aroasayepegüe reta imaenduata cheré ïru tëtaguasu reta pe oyererajaukaa pe; imaendúa retata cheré, aiporarauka chupe reta vae re, mbaetɨ ramo jupi yogüɨreko cheve, jare omboete reta ramo tumpa-raanga reta. Jae reta imarata iyeugüi aeño, oyapo mbae ikavimbae yae vae jeko pegua.

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

DANIEL 9:15

OreYa Tumpa, ndembae vae reta renoe ɨvɨ Egipto güi ndembaepuere pe, jökorai rembotuicha nderee jókuae ara güive añave regua; ërei ore oreyoa, royapo ikavimbae.

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

OSEAS 1:2

YandeYa omboɨpɨ imiari Oseas rupi, körai jei chupe: “Ekua, ereko metei kuña iyaguasa pota vae, jare toime nderaɨ reta jae ndive; jökorai jae reta toyogüɨreko iyaguasa pota vae imembɨrä; echa kuae tëta iyaguasa pota rami chegüi.”

MALAQUÍAS 3:7

Peñemuñagüe reta rami opa pesɨrɨ cheporookuai güi, jare mbaetɨ peñovatu. ¡Peyerova ye chekotɨ jare che ayerova yeta pekotɨ!” Jei yandeYa Imbaepuere yae ete vae. Ërei pere: “¿Mbae rupi pa royerova yeta?”

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;