DANIEL 9:26 - Biblia Guarani Tumpa Iñee

²⁶ Sesenta y dos semana jaɨkue rupi oyuka retata Mesías. Jerusalén jare tupao opata oyemboai, metei mburuvicha guasu outa vae isundaro reta imbaepuere rupi. Jare iyapɨta, metei ɨporu guasu ou rami. Iyapɨ regua oimeta ñeraro jare kañɨtei.

DANIEL 9:26 ပူးပေါင်းရင်းမြစ်များ

2 SAMUEL 21:5

Jare jae reta jei mburuvicha guasu pe: —Jókuae kuimbae oipota tëi opa oreyuka vae, jókuae oyemongeta opaetei oremboai kuae tëta Israel güi vae,

SALMOS 22:15

Cheyuru otini takɨpe rami, chekü oya cheäpeku re; ¡nde cheñono amano vaerä!

ISAÍAS 28:2

YandeYa oime güɨnoi metei jëia yae vae, imbaepuere yae ɨvɨtuai amandau reve vae rami vae, okɨ rai vae mbae omboai vae rami vae, ɨporu rami vae, opaeteita mbae oitɨ oeya ɨvɨ pe rami vae,

ISAÍAS 28:22

Jayave, ¡agüɨye mo pepuka puka!, agüɨye vaerä jeiete ikaviä teko peve; echa aendu yandeYa Imbaepuere yae ete vae, jei ma opa vaerä oyemboai kuae ɨvɨ.

ISAÍAS 53:8

Oipɨɨ reta jare ojäa reta oyuka; jare mbaetɨ iñemuña jërakua vaerä. Echa oyeasɨa kuae ɨvɨ güi, oikove vae reta ipɨte güi, cherëta pegua reta ipɨapochɨ vae jeko pegua omano.

ISAÍAS 8:7

jáeramo, yandeYa güeruta jese reta ɨ tuicha jare ipɨ̈rata yae vae, (kuae jae ko mburuvicha guasu Asiria pegua, opaete imbaepuere ndive). Jókuae ɨ tɨnɨe yaeta ɨ̈aka, jare oyepɨyereta opaete jembeɨ rupi,

JEREMÍAS 46:7

¿Kia pa jókuae okuakuaa ɨ ɨ̈aka Nilo pe rami vae, ɨ täta yae oguata rami vae?

JEREMÍAS 51:42

Ɨporu ou Babilonia re, iyɨaparúa tuichagüe pe opa oyasoi.

DANIEL 11:10

Ërei mburuvicha guasu ɨvɨtuguasu kotɨgua taɨ reta iyarasɨ yaeta jare omboatɨ retata jetagüe sundaro reta. Metei vae chugüi reta oporepeñata isundaro reta ndive mburuvicha guasu arayevɨ kotɨgua re, opaeteita omboai, ɨporu oporomboai rami; jaɨkue rupi jekuae oporepeña reta yeta oväe reta regua mburuvicha guasu arayevɨ kotɨgua iñepɨ̈roka pe.

DANIEL 11:17

Jaeramiño vi oyeapo kavita opɨ̈ro vaerä opaete ɨvɨ arayevɨ kotɨgua; jokuaerä oyapota morogüɨrökuavee päve joko pegua mburuvicha guasu ndive jare omeeta tayɨ jókuae mburuvicha guasu jembirekorä, omboai vaerä chugüi iporookuaía; ërei ngaraa oë kavi chupe iyemongeta.

DANIEL 11:22

Opaeteita oyuka ikotɨ oyovaicho vae reta, ɨporu jeta oporoyuka rami; opaeteita omokañɨtei mburuvicha morogüɨrökuavee päve iyapoa ave.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 9:27

Metei semana vae re jae oyapota metei morogüɨrökuavee päve jeta vae ndive; ërei semana mbɨte rupi oyopiata agüɨye vaerä ma oyeapo mɨmba oyeyukagüe jare mbota reta oñemee vae. Ikavimbae yae vae oyeapota tupao pe, ou regua oväe kañɨtei ikavimbae yae vae iyapoa re.’ ”

OSEAS 1:9

Jare Tumpa jei Oseas pe: “Embojee, Lo-ammi, echa pe reta mbaetɨ ma ko tëta chembae, jare che mbaetɨ ma vi aiko peTumparä.”

AMÓS 8:8

Jáeramo, ¿mbaetɨta pa ɨvɨ okana? ¿Ɨvɨ ipo reta mbaetɨta pa oyaeo jókuae jeko pegua? ¡Tuichata ɨ ɨ̈aka pe rami, jare jagüeta ɨ̈aka Egipto pegua rami!

AMÓS 9:5

Tumpa, yandeYa Imbaepuere yae ete vae opoko ɨvɨ re yave, ɨvɨ tɨkui, jare oyaeo opaete pɨpegua reta; ¡tuichata ɨ ɨ̈aka pe rami, jare jagüeta ɨ̈aka Egipto pegua rami!

NAHUM 1:8

Ërei ngatu, ɨporu oporomboai rami, omboai ikotɨ oyovaicho vae reta; omanota jovaicho reta.

San Mateo 22:2

“Araɨgua mborookuaía metei mburuvicha guasu taɨ omendata oï vae rami ko.

San Mateo 22:7

Ërei mburuvicha guasu oikuaa yave kuae, iyarasɨ yae. Jáeramo omondo isundaro reta opa vaerä oyuka jókuae oporoyuka vae reta jare opa oapɨ jëta guasu.

San Mateo 23:38

Mase, pero reta opata oyemboai opɨta.

San Mateo 24:2

Jare Jesús jei chupe reta: —¿Peecha pa peï opaete kuae reta? Añete che jae peve, ngaraa opɨta metei ave ita ïru ita iárambo. Opaeteita ko oyemboai opɨta.

San Marcos 13:2

Jesús jei: —¿Reecha pa kuae o tuichagüe reta? Ngaraa opɨta metei ave ita ïru ita iárambo. Opaeteita ko oyemboai.

San Marcos 13:7

Peendu yave ñeraro reta jare oimeta ñeraro reta yave, agüɨye pekɨɨye. Kuae susere reta oyeapo ñotai ko. Ërei ngatu ndei vɨteri ko oväe kañɨtei.

San Marcos 9:12

Jesús jei chupe reta: —Añete Elías räri ko outa, jare oyapokatuta opaete mbaembae. ¿Mbaetɨ yera oyekuatía oï che Kuimbaerä ayeapo vae aiporara yaeta jare opaete vae chereröɨrota?

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

San Lucas 21:6

—Oväeta ara kuae opaete añave peecha vae opa vaerä oyemboai. Ngaraa opɨta metei ave ita ïru ita iárambo.

San Lucas 24:26

¿Mbaetɨ yera peikuaa Cristo oiporara tai ko opaete kuae mbaembae ndei oyemboeteuka mbove?

San Lucas 24:46

Jare jei chupe reta: —Körai oyekuatía oï, kërai Cristo oiporara ñotai ko jare oikove yeta ko omanogüe reta ipɨte güi mboapɨ araa pe,

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

1 Pedro 2:21

Echa kuaerä Tumpa peparavo. Echa Cristo oiporara yanderé; oeya yandeve yayapo vaerä jae oyapo rami;

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.