DANIEL 9:25 - Biblia Guarani Tumpa Iñee

²⁵ Nde eikuaa kavi kuae: Jókuae mborookuai oñemee oñemopüa ye jare oñeñono kavi ye vaerä Jerusalén güive, oväe regua Mesías, oasata chiu semana, jare sesenta y dos semana; Jerusalén ikaye reta jare ikësea reta oñemopüa ye yave mbɨatɨtɨ yaeta jókuae ara rupi.

DANIEL 9:25 ပူးပေါင်းရင်းမြစ်များ

2 SAMUEL 15:25

Ërei mburuvicha guasu jei Sadoc pe: —Eraja ye Tumpa ikäjou tëta guasu pe. Jare YandeYa ipɨakatu ko chekotɨ yave, jae ko chereroyerova yeta, aecha vaerä kuae Tumpa ikäjou jare tupao guakapi pegua.

ESDRAS 4:24

Jökorai mbaravɨkɨ opɨta Tumpa jo oñemopüa ye oï Jerusalén pe vae, mokoía año ma Darío mburuvicha guasu Persia pegua oï mburuvicha guasurä yave regua.

ESDRAS 7:1

Kuae mbaembae reta jaɨkue rupi, Artajerjes oiko mburuvicha guasurä Persia pe yave, oiko metei kuimbae Esdras jee vae Seraías taɨ, Seraías jae ko Azarías taɨ, Azarías jae ko Hilcías taɨ,

ESDRAS 7:8

ou oväe pandepoa yasɨ pe chiúa año re ma Artajerjes oiko mburuvicharä yave.

NEHEMÍAS 3:1

Jayave sacerdote tenondegua Eliasib jare jëtara sacerdote reta ndive omopüa reta ye öke Vecha Röke jee vae. Oñono reta jese ɨvɨra oñeopagüe jare oyapo reta ye öke, omopüa reta ye vi tëta ikësea maeka ɨvate vae Hamea jee vae güive maeka ɨvate vae Hananeel jee vae pe.

NEHEMÍAS 4:2

jei iñeïru reta pe jare sundaro reta Samaria pegua jóvai: “¿Mbae jei vae ra oyapo kuae judío paravete vete? ¿Güɨrovia ra, oñemaeñota omee reta ye vaerä mɨmba oyeyukagüe? ¿Güɨrovia ra opata oyapo reta metei ara pe? ¿Ikavita ra ita opa okaigüe pe oñemopüa ye vaerä tëta guasu ikësea?”

NEHEMÍAS 4:8

jare oyomboatɨ reta oyapo yemongeta metei rami, yogüeru vaerä oporepeña Jerusalén re, opa vaerä omboai.

NEHEMÍAS 6:15

Jare opa oyeapo tëta guasu ikësea cincuenta y dos araa pe, jae ko veinticinco ara yasɨ Elul re.

SALMOS 71:10

Echa cherovaicho reta cheré aveiño imiari, chepïaro vae reta oyomboatɨ oyemongeta cheyuka vaerä.

ECLESIASTÉS 3:3

Oime yeyuka iara, oime vi ñaporopoano vae iara. Oime ara, mbae yamboai vaerä, oime vi ara, mbae ñamopüa vaerä.

ISAÍAS 55:4

Mase, che ko añono imiari vaerä tëta reta pe, oiko vaerä mburuvicha guasurä jare tëtaguasu reta imboearä.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

DANIEL 8:11

jare jókuae yasɨtata reta Iyapoa pe ave oyembotuicha; oyopia mɨmba reta oyeyuka oñemee Tumpa pe ara ñavo vae jare omboeteä o mbaemboetea.

DANIEL 8:25

Ipoki yae oporombotavɨ vae rupi oë kavi aveita chupe mbaembae. Oyembotuicha yaeta, jare jeta kuimbae yogüɨreko pɨagüive vae oyukata iparanoe. Oñemopüata mburuvicha reta Juvicha re, ërei oñemoamɨriukata chupe.

DANIEL 9:23

Remboɨpɨ reyerure rupive Tumpa oendu, jare chembou aikuaauka vaerä ndeve, echa jae nderaɨu yae. Añave eyeapɨsaka kavi, reikuaa kavi vaerä kuae reecha vae regua:

MIQUEAS 5:1

“Añave peñekëse ovapetea guasu pe, Jerusalén pegua reta, echa opa peñeovauka; Israel iñemuña reta juvicha guasu pe oiporarauka yae retata.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

San Mateo 13:23

Ërei jókuae temitɨ oa ɨvɨ kavi pe vae oyembojaanga Tumpa iñee oendu jare oikuaa kavi vae re. Jare jókuae metei temitɨ güi, amogüe cien jäɨ, amogüe sesenta jäɨ jare amogüe treinta jäɨ vae rami ko.”

San Mateo 24:15

Jare peechata ikavimbae yae oyeapo vae ñemombeúa Daniel omoërakua vae (omongeta vae toikuaa.)

San Marcos 13:14

Jare peechata ikavimbae yae oyeapo vae, ñemombeúa Daniel omoërakua vae. (Omongeta vae toikuaa). Jayave Judea pegua reta totekuarai ɨvɨtɨ guasu kotɨ.

San Juan 1:41

Andrés, tenonde oeka tɨkeɨ Simón, jare jei chupe: —Roväe ma Mesías (kuae oipota jei: Cristo.)

San Juan 4:25

Jayave kuña jei Jesús pe: —Aikuaa Mesías outa ko, jókuae Cristo jee vae; jae ou yave omombeuta oreve opaete mbaembae regua.

Hechos 3:15

Jare peyukauka jókuae tekove Iya. Jae ko Tumpa omoingove ye omanogüe reta ipɨte güi vae. Jókuae ko ore roecha vae.

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Hechos 8:30

Jayave Felipe osɨi käretou kotɨ, jare oendu jókuae kuimbae omongeta oï ñeemombeúa Isaías jembikuatía. Jayave oparandu chupe: —¿Reikuaa pa jókuae remongeta reo vae?

Efesios 5:16

Peiporu kavi ara reta, echa ara reta mbaetɨ ko ikavi.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”