DANIEL 9:24 - Biblia Guarani Tumpa Iñee

²⁴ Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

DANIEL 9:24 ပူးပေါင်းရင်းမြစ်များ

2 CRÓNICAS 29:24

Jare sacerdote reta oyuka jare jugüɨgüe oñapiramo reta mɨmba oyeyuka oyeapɨ jese vae re, Tumpa iñɨ̈ro vaerä Israel iñemuña reta iyoa re; echa opaete Israel iñemuña reta re mburuvicha guasu oporookuai oñemee vaerä mɨmba oyeyukagüe opaetei oyeapɨ vae, jare mɨmba oyeyuka Tumpa iñɨ̈ro vaerä mbaeyoa re vae.

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

SALMOS 45:7

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.

ISAÍAS 42:4

Ngaraa ikangɨ jare ipɨtu, oñono regua jupi vae opaete kuae ɨvɨ pe; jare tëtaguasu reta ɨguasu jembeɨ rupigua reta oärota mborookuai jae omeeta vae.”

ISAÍAS 51:6

Pemae ara kotɨ, pemae ɨvɨ re; echa ara ipo reta opata okañɨ tätati rami, ɨvɨ indechita temimonde indechi vae rami, jare pɨpegua reta jaeramiño vi opa eteita okañɨtei. Ërei cheporogüɨroasayepe jekuae aveita, jare cheporojäa ngaraai iyapɨ.

ISAÍAS 51:8

echa temimonde opa kupii jou vae ramita ko, vecharaagüe opa taso jou vae ramita. Ërei cheporojäa oiko aveita, cheporogüɨroasayepe jekuae aveita.”

ISAÍAS 56:1

YandeYa jei körai: “Peyapo jupi vae, peyapo sɨmbi vae, echa köiño ma ou cheporoyora; amboyekuaa vaerä chembaepuere, cheporogüɨroasayepe.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

LAMENTACIONES 4:22

Sión pegua reta, jae ma iyapɨ reiporara vae; Tumpa ngaraa ye ma omaeño reyereraja tembipɨɨrä. Ërei, pe Edom pegua reta, Tumpa oiporaraukata peyoa re peve, omboyekuaata pembaeyoa reta.

EZEQUIEL 28:12

“Nde kuimbae, etairari tairari mbɨatɨtɨ pegua mburuvicha guasu Tiro pegua re, ere chupe: ‘CheYa Tumpa jei körai: Nde opaete pe ikavi yae yepi vae, ndearakuaa katu jare nepöra yae yepi.

EZEQUIEL 4:5

jae ko tresciento noventa ara; metei ara vae jae ko metei año Israel pegua reta jeko re. Jökorai rerajata Israel iñemuña reta jeko ikavimbae;

EZEQUIEL 4:6

opa yave remboapɨ jókuae ara reta, reyapakuata ndeɨke ndeakatu re ma, jare eñono ndeyé Judá pegua reta jeko ikavimbae cuarenta ara rupi. Metei ara vae jae ko metei año jae reta jeko re.

LEVÍTICO 25:8

Peipapa semana pe chiu ara vae, chiu año rami, jayave jókuae chiu año vae peipapa chiu vese, jae ko cuarenta y nueve año,

LEVÍTICO 8:15

Jare oñaseokɨ̈ti; jare Moisés oipɨɨ jugüɨgüe, omopöe ipoäka pɨpe jare opaetei oipichɨ guakarätiecha ñogüɨnoi mɨmba oyeyuka oyeapɨ jese vae re vae, jökorai oitɨo mɨmba oyeyuka oyeapɨ jese vae Tumpa peguarä, jare jugüɨ jembɨregüe opɨyere mɨmba oyeyuka oyeapɨ jese vae iyɨpɨ re, jare mɨmba oyeyuka oyeapɨ jese vae oñeñono tee opɨta jese Tumpa iñɨ̈ro vaerä mbaeyoa re.

ZACARÍAS 4:14

Jare jae jei: “Kuae ko jae mókoi oñeñono tee oyeokuai vaerä yandeYa pe ɨvɨ iyapoa pe.”

NÚMEROS 14:34

Oyepapa ko, cuarenta ara opa yogüɨraja omae jókuae ɨvɨ re vae, jökorai peiporarata pembaeyoa re cuarenta año rupi, metei año oyepapata metei ara re; jökorai peikuaata cheporonupa.”

San Mateo 1:21

María imembɨta metei kuimbae raɨ, jare rembojeeta Jesús. Echa jae omboasata imbae vae reta imbaeyoa reta güi.”

San Mateo 11:13

Echa opaete ñeemombeúa reta jare mborookuai reta jei vae oñemoërakua Juan ou regua.

San Mateo 4:5

Jayave aña guasu güɨraja Jesús tëta guasu Jerusalén pe jare omboyeupi tupao iyapɨte re.

San Marcos 1:24

—¿Maera pa reyu oremoambeko Jesús Nazaret-ɨgua? ¿Reyu pa oremokañɨtei vaerä? Che rokuaa. Nde ko jae Iyoambae Tumpa güi ou vae.

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Lucas 21:22

Echa jókuae ara reta pe ɨvɨ pegua reta oiporara yaeta, jeko ae re, opaete Tumpa Iñee pe oyekuatía oï vae oyembopo vaerä.

San Juan 1:41

Andrés, tenonde oeka tɨkeɨ Simón, jare jei chupe: —Roväe ma Mesías (kuae oipota jei: Cristo.)

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.

Hechos 3:14

Ërei pe reta peröɨro Iyoambae vae jare Jupi vae, jare peyerure Pilato pe oyorauka vaerä peve metei oporoyuka vae.

Hechos 3:22

Echa Moisés jei ñaneñemuñagüe reta pe: YandeYa Tumpa omopüata peve ñeemombeúa perëtara reta güi, chembou rami. Peyeapɨsakata jese opaete jeita peve vae re.

Hechos 4:26

Mburuvicha guasu ɨvɨ pegua reta jare mburuvicha reta oyemboatɨ metei rami yandeYa kotɨ jare jembiparavo Cristo kotɨ.’

Romanos 5:10

Echa yepe tëi yande yayovaichose Tumpa ndive, ërei oyapo yembopɨakatu yandeve Taɨ imano rupi. Vɨtei pa yandembopɨakatu ma yave, yandemboasata Taɨ oikove ye vae rupi.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

Filipenses 3:9

jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

Colosenses 1:20

jare ombopɨakatu jae ndive Cristo rupi opaete mbaembae, ɨvɨ pe jare ara pe ñogüɨnoi vae reta, oyapo mbɨakatu kurusu re jugüɨ oyepɨyere vae rupi.

Colosenses 2:14

Tumpa omboai ma mborookuai oyekuatía oï yandekotɨ vae, oyovaicho yepi yanderé vae, ërei Tumpa oekɨ güɨraja oikutu kurusu re,

Hebreos 10:14

echa metei veseño omee jete vae rupi ombojupi jekuae avei pegua oñeñono tee vae reta.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

Hebreos 7:26

Echa kuae nunga sacerdote tenondegua ete ko ikavi yandeve; echa jae ko jupi vae, jekombae vae, ikɨambae vae, oyembosɨrɨ iyoa vae reta güi vae tuichagüe yae vae;

Hebreos 9:26

echa jökorai yave mona, omanota tëi ko jeta vese ɨvɨ oyeapo güive. Ërei añave ara reta taɨkuegua pe oñemee omano vaerä metei veseño jekuae avei pegua, omboai vaerä mbaeyoa reta.

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

Apocalipsis 14:6

Jare aecha ïru araɨgua oveve ara mbɨte rupi, güɨnoi omoërakua vaerä ñee ikavi vae opambae vae ɨvɨ pegua reta pe, opaete tëtaguasu reta pe, ñemuña reta, ñee ambuae mbuae reta pe jare tëta reta pe,

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei: