DANIEL 9:15 - Biblia Guarani Tumpa Iñee

¹⁵ OreYa Tumpa, ndembae vae reta renoe ɨvɨ Egipto güi ndembaepuere pe, jökorai rembotuicha nderee jókuae ara güive añave regua; ërei ore oreyoa, royapo ikavimbae.

DANIEL 9:15 ပူးပေါင်းရင်းမြစ်များ

1 REYES 8:51

Echa tëta ndembae ko, nde renoe reta Egipto güi, horno jiero omondɨkui rami vae güi.

2 REYES 21:15

Ikavimbae oyapo reta cheresa róvai jeko pegua chemboarasɨuka reta, iñemuñagüe reta ñogüɨnoe Egipto güi yave güive añave regua.’ ”

2 CRÓNICAS 6:37

jare jókuae ñogüɨnoia güi imaendúa yave ndekotɨ, oyepoepɨ reta jeko güi jare oyerure reta ndeve yave, jei reve: ‘Oreyoa, royapo ikavimbae.’

NEHEMÍAS 1:10

Jae reta ko nderembiokuai, ndembae vae reta ko, ndembaepuere yae rupi reepɨ reta vae.

NEHEMÍAS 1:6

añave eendu jare emae che nderembiokuai iyerure re; ara ñavo jare pɨ̈tu ñavo ayapo aï nderóvai nderembiokuai Israel iñemuña reta re vae. Amombeu ore Israel iñemuña reta oreyoa ndekotɨ vae. ¡Añetete, che jare cheru jo pegua reta ave ko oreyoa!

NEHEMÍAS 9:10

Jare reyapo jeta mɨakañɨ reta Faraón kotɨ, opaete iyɨvɨrigua reta kotɨ jare opaete jëta pegua reta kotɨ, echa reikuaa oyembotuicha reve oiporarauka yae Israel iñemuña reta pe vae. Jökorai nerërakua yae repɨta añave regua.

SALMOS 106:8

Ërei Tumpa güɨroasayepe, oaɨu jee ramo; oechauka vaerä imbaepuere.

ÉXODO 13:14

jare ïru ara rupi peraɨ reta oparandu yave peve: ‘¿Mbae pa ko kuae?’ Pe pereta chupe reta: ‘YandeYa orerenoe imbaepuere yae ete rupi Egipto güi, yeokuaiasɨ katu güi.

ÉXODO 13:16

Añave toiko pepoapɨ re ani peresɨva re mbae ikañɨmaa vae rami, yandeYa orerenoe imbaepuere yae ete rupi Egipto güi vae jeko pegua.’ ”

ÉXODO 13:3

Jare Moisés jei opaete vae pe: “Pemaendúa kuae ara peñerenoe Egipto güi vae re, yeokuaiasɨ katu güi, echa yandeYa perenoe kuae güi imbaepuere rupi. Jáeramo agüɨye peu mbɨyape oyembovugüe.

ÉXODO 13:9

Kuae toiko pepoapɨ re ani peresɨva re mbae ikañɨmaa vae rami, pemaendúa avei vaerä yandeYa iporookuai re; jae perenoe imbaepuere yae ete rupi Egipto güi vae jeko pegua.

ÉXODO 14:18

Egiptoɨgua reta oikuaa vaerä che ko jae peYa, ayemboeteuka yave Faraón rupi, isundaro kavayu regua reta rupi jare opaete ikäretou maratuta oasa vae rupi.

ÉXODO 32:11

Jayave Moisés oyerure yandeYa Tumpa pe, jei: —CheYa, ¿maera pa ndearasɨta ndembae vae reta kotɨ, nde renoe ɨvɨ Egipto güi ndembaepuere yae rupi vae?

ÉXODO 6:1

YandeYa jei Moisés pe: —Añave reechata Faraón ndive ayapota vae; echa chembaepuere rupiño omaeñota peo, chembaepuere rupiño jae etei pemoëta iɨvɨ güi.

ÉXODO 6:6

Jáeramo, rereta Israel iñemuña reta pe: —Che ko peYa; che pogüɨnoeta mbaravɨkɨ ipoɨgüe peyapo Egipto pe vae güi, poyorata yeokuaiasɨ katu güi, che poepɨta morojäa tuichagüe rupi.

ÉXODO 9:16

che, añetete roñono aechauka vaerä nderé chembaepuere, oñemoërakua vaerä cheree opaete ɨvɨ rupi.

ISAÍAS 55:13

Ñurati jekovia pe oñemuñata ɨvɨra ciprés jee vae, jare ïru ñana yuu reve vae reta jekovia pe okuakuaata ɨvɨra mí arrayán jee vae; kuaekuae reta re yandeYa jee oyemboeteukata, jare opɨta retata kañɨmaa opambae vaerä, ngaraa ye ma oyemboai.”

ISAÍAS 64:4

Mbaetɨi oyeendu kuae nunga, mbaetɨi oyeecha Tumpa nde rami vae, kërai oyapo avei mbaembae, jese güɨrovia vae reta peguarä vae.

JEREMÍAS 14:20

CheYa, mbaetɨ roikuaku oreyoa, jare oreñemuñagüe reta iyoa; oreyoa ko ndekotɨ.

LAMENTACIONES 3:42

OreYa, oreyoa yae jare orepɨapochɨ ndekotɨ, jare nde mbaetɨ neɨ̈ro oreve.

EZEQUIEL 5:6

Ërei jae reta ñäteɨ oyapo cheporookuai reta, jare jeko reta ikaviä yae ïru tëtaguasu reta güi jare iyɨvɨrigua reta güi; echa güɨröɨro reta cheporookuai jare mbaetɨ yogüɨreko reta mborookuai jeia rupi.

DANIEL 9:5

oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi.

San Lucas 15:21

Jayave taɨ jei tu pe: ‘Cheru, cheyoa ma Tumpa kotɨ jare ndekotɨ. Mbaetɨ ma jupi aiko vaerä nderaɨrä.’

San Lucas 18:13

Ërei jókuae mburuvicha peguarä okovara vae oyemboɨ oï mombɨrɨño, mbaetɨ ikɨ̈reɨ jovaɨva kërai yepe ara kotɨ. Jaeño okua okua ipɨtía re jei reve: ‘CheRu Tumpa, cheparareko. Echa che cheyoa vae ko.’

2 Corintios 1:10

Echa jae orereroasayepe mano güi, jare jekuae orereroasayepe yeta mano güi,

DEUTERONOMIO 5:15

Pemaendúa peikose tembiokuai ɨvɨ Egipto pe vae re, jare peYa Tumpa perenoe joko güi imbaepuere pe, jáeramo peYa Tumpa peokuai peñovatu vaerä ara mbutuu pegua.