DANIEL 9:14 - Biblia Guarani Tumpa Iñee

¹⁴ CheYa, jáeramo remokätɨro kuae ikavimbae jare rembou oreré; echa nde, oreYa Tumpa, jupi ko opaete mbae reyapo vae rupi; ërei ore mbaetɨ roipota roendu ndeve.

DANIEL 9:14 ပူးပေါင်းရင်းမြစ်များ

2 CRÓNICAS 12:6

Jare mburuvicha reta Israel pegua mburuvicha guasu ndive oñemomichi reve jei reta: —¡YandeYa ko jupi vae!

ESDRAS 9:15

OreYa Tumpa, Israel iTumpa, nde ko jupi vae, echa nde oremoembɨreuka mbovɨ añave rami. Ko roï nderóvai oreyoa reve, mbaetɨ jupi roï vaerä nderóvai kuae jeko pegua.”

NEHEMÍAS 9:33

Ërei nde mbaetɨ ko ndereko opaete mbaembae ou oreve vae re; echa jupi rupi ko nde reyapo vae, ore ko royapo ikavimbae.

SALMOS 111:7

Tumpa jembiapo reta jupi jare añete ko, opaete iporookuai reta jupi ko,

SALMOS 116:5

Iyeaeä jare jupi ko yandeYa, iporoparareko yae ko ñaneTumpa.

SALMOS 119:137

CheYa Tumpa, jupi vae ko nde, jupi ko ndeporookuai reta.

SALMOS 51:14

Chereepɨ oporoyuka vae reta güi, cheRu Tumpa, Tumpa chereepɨ vae; atairarita ndembaejupi.

ÉXODO 9:27

Jayave Faraón omondo oenɨiuka Moisés jare Aarón, jare jei chupe: —Añave cheyoa aipo, peYa jupi ko; che jare cherëtaɨgua reta oreyoa vae reta ko.

JEREMÍAS 12:1

CheYa, jupi vae ko nde ayoaka vaerä nde ndive; ërei aipota aparandu ndeve: ¿Maera pa iyoa vae reta yogüɨreko kavi? ¿Maera pa ipɨapochɨ vae reta yogüɨreko kavi?

JEREMÍAS 31:28

Aïndaivi aapomondoro vaerä jare ambosururu vaerä; ambojopa vaerä jare amokañɨ vaerä; jare ambopɨatɨtɨ vaerä: Jökorai vi aïndaivi amopüa ye vaerä jare ambopɨau ye vaerä.

JEREMÍAS 4:17

Oimama retata tëta guasu reta Judá pegua, ko reta re oyangareko vae reta rami, echa oyembopɨapochɨ reta chekotɨ. Che ndeYa jae kuae.

JEREMÍAS 44:27

Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.

LAMENTACIONES 1:5

Jovaicho reta ñogüɨnoi tenondeguarä, imotareɨa reta opa oyemboikokatu. Echa yandeYa ko oiporarauka, oyembopɨa pochɨ yae jeko pegua. Pɨpegua reta opa oyererajauka jovaicho reta pe ɨvɨ ambuae kotɨ.

EZEQUIEL 16:43

Echa nde neakañɨ ndetaɨrusu reiko yave vae güi, jare chemboarasɨuka opaete kuae reyapo vae rupi; jáeramo aiporaraukata ndeve reyapogüe re. Che ndeYa Tumpa jae; echa mbaetɨ etei kërai ave reyemongeta ikavimbae reyapo vae re.’

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 9:7

Nde cheYa, jupi vae ko nde, ërei ore Judáɨgua reta royandu oremara; jökoraiño vi Jerusalén pe yogüɨreko vae jare opaete ïru Israel iñemuña reta, köiño jare mombɨrɨ remondo tëtaguasu reta rupi yogüɨreko vae, oyembopɨa pochɨ reta ndekotɨ jeko pegua vae.