DANIEL 9:13 - Biblia Guarani Tumpa Iñee

¹³ Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

DANIEL 9:13 ပူးပေါင်းရင်းမြစ်များ

2 REYES 22:16

Körai jei yandeYa: ‘Che aruta kuae tëta re, jare pɨpegua reta re opaete susere kuae tembikuatía pe oyekuatía oï vae, mburuvicha guasu Judá pegua omongeta vae;

JOB 36:13

Iyoa vae reta iyarasɨ yae, yepe tëi tembipɨɨrɨru pe ñogüɨnoi, mbaetɨ ave oiporu reta yemborɨ.

SALMOS 119:18

Eipea cheresa, aecha vaerä mbaembae ikavi yae vae neñee pe.

SALMOS 119:27

Chemboe aikuaa kavi vaerä ndeporookuai reta, ayemongeta vaerä mɨakañɨ reta reyapogüe re.

SALMOS 119:73

Nde etei ko cheapo; ¡eikuaauka kavi cheve ndeporookuai reta!

SALMOS 85:4

CheRu Tumpa, orereroasayepe vae, ¡oremopüa pɨau ye! ¡Ndearasɨ poi mo orekotɨ!

ISAÍAS 31:1

¡Paravete, opa yogüɨraja Egipto kotɨ oeka yemborɨ vae reta, kavayu reta re oyerovia vae reta, oyeko reta käretou jeta ko vae re, jare kavayu regua reta, echa jëia yae reta, jare mbaetɨ omae reta Iyoambae Israel pegua re, mbaetɨ oeka reta yandeYa!

ISAÍAS 42:9

Mase, kërai oyembopo opaete mbaembae amoërakua iyɨpɨ güive voi vae, jare añave amoërakua ye mbae ipɨau vae, amombeu peve ndei oyekuaa mbove.”

ISAÍAS 43:22

Ërei pe, Jacob iñemuña reta, mbaetɨ chereenɨi chemboete vaerä, pekuérai chegüi.

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 31:18

Aendu tëta Efraín oyaeo jasɨ katu reve jei: ‘Che, metei toro taɨrusu imasombae rami yepi, ërei nde chenupa jare chemomaso; chemboyerova ye ndekotɨ, echa nde jae cheYa Tumpa.

JEREMÍAS 44:23

Kuae susere ou peré añave vae ko pe reta peapɨ ikäti kavi vae incienso tumpa-raanga reta pe jeko pegua, peyoa ko jökorai yandeYa kotɨ, echa mbaetɨ peendu iñee reta jare mbaetɨ peyapo mborookuai reta peokuai tëi peyapo vaerä vae.

JEREMÍAS 44:27

Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

LAMENTACIONES 5:21

¡OreYa Tumpa, orereru ye ndekotɨ, jare ore royerova yeta! ¡Toroiko ye tenonde yave roiko rami!

EZEQUIEL 16:43

Echa nde neakañɨ ndetaɨrusu reiko yave vae güi, jare chemboarasɨuka opaete kuae reyapo vae rupi; jáeramo aiporaraukata ndeve reyapogüe re. Che ndeYa Tumpa jae; echa mbaetɨ etei kërai ave reyemongeta ikavimbae reyapo vae re.’

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

OSEAS 7:10

Israel pegua reta ipɨapochɨ; jókuae jeko imiarita jese reta. Jeseve, mbaetɨ oyerova jare mbaetɨ chereeka reta.

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

OSEAS 7:7

Opaete vae jakuvo, horno jaku yae rami, opa omokañɨtei reta juvicha oporojäa vae reta. Opaetei mburuvicha guasu reta ogüɨapi, mbaetɨ etei chugüi reta kia yepe oyerure cheve.

San Lucas 24:45

Jayave oyepea chupe reta, oikuaa kavi vaerä Tumpa Iñee oyekuatía oï vae.

San Juan 10:35

Echa Tumpa iñee ou chupe reta vae pe, jae etei ombojee tumpa reta vae. Jare Tumpa Iñee pe oyekuatía oï vae añete ko.

San Juan 6:45

Ñeemombeúa reta jembikuatía jei körai: “Tumpa omboeta opaete vae.” Jayave, opaete oyeapɨsaka cheRu re vae, jare jae omboe vae, ou chekotɨ.

San Juan 8:32

Jare peikuaata añete vae, jare añete vae peyorata ko.

Efesios 4:21

Añetete ko peendu jare peyemboe jesegua yave, kërai Jesús re ko oï añete vae.

DEUTERONOMIO 29:4

Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.