DANIEL 9:11 - Biblia Guarani Tumpa Iñee

¹¹ Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

DANIEL 9:11 ပူးပေါင်းရင်းမြစ်များ

2 REYES 18:12

mbaetɨ yandeYa Tumpa omboete reta jeko pegua, echa ko oyavɨ reta morogüɨrökuavee päve kotɨ; mbaetɨ oyapo reta opaete mbaembae, Moisés yandeYa jembiokuai oporookuai vae, mbaetɨ oendu reta.

2 REYES 22:16

Körai jei yandeYa: ‘Che aruta kuae tëta re, jare pɨpegua reta re opaete susere kuae tembikuatía pe oyekuatía oï vae, mburuvicha guasu Judá pegua omongeta vae;

ISAÍAS 1:3

Güeye oikuaa iya, jare mburika oikuaa ikarúa rɨru iya imbae; ërei Israel tëta chembae vae mbaetɨ chekuaa jare mbaetɨ yarakuaa.”

ISAÍAS 43:28

peruvicha reta omongɨa chero mbaemboetea; jáeramo, tëta Israel, Jacob iñemuña reta amaeño opa okañɨtei jare oyeyoyaiuka.”

JEREMÍAS 16:11

Jayave nde ere chupe reta: ‘YandeYa jei: Peñemuñagüe reta chereeya jare omboete reta tumpa-raanga reta; oyeokuai jare oyetavatɨka reta chupe reta; chereeya reta jare mbaetɨ oyapo reta cheporookuai.

JEREMÍAS 2:29

¿Mbae pa peipota che ndive, opaete pe reta, peyembopɨapochɨ ko chekotɨ? Che peYa jae.

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

JEREMÍAS 40:3

jare añave oyembopo jókuae omoërakua vae. Kuae oasa pe reta ndive, echa peyoa Tumpa kotɨ jare mbaetɨ peyapo jae jeigüe.

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

JEREMÍAS 44:23

Kuae susere ou peré añave vae ko pe reta peapɨ ikäti kavi vae incienso tumpa-raanga reta pe jeko pegua, peyoa ko jökorai yandeYa kotɨ, echa mbaetɨ peendu iñee reta jare mbaetɨ peyapo mborookuai reta peokuai tëi peyapo vaerä vae.

JEREMÍAS 6:19

Ɨvɨ, eyeapɨsaka: Aruta susere kuae tëta re, iyemongeta kavimbae jeko pegua; echa mbaetɨ oendu reta cheñee, güɨröɨro reta cheporookuai.

JEREMÍAS 9:26

Egipto pe, Judá, Edom, Amón jare Moab, jare opaete ñuu rupi yogüɨreko vae, iñäka-ɨke oñapi vae reta pe. Echa opaete kuae tëtaguasu pegua reta itumpa-raanga pota vae ko, jökoraiño vi Israel pegua reta ipɨa pe.”

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

DANIEL 9:5

oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi.

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

ZACARÍAS 7:12

Ita diamante jee vae täta yae rami ipɨa omotäta reta agüɨye vaerä oendu mborookuai ani yandeYa Imbaepuere yae ete vae iñee, ombouse yave iEspíritu rupi tenondegua ñeemombeúa reta rupi. Jáeramo yandeYa Imbaepuere yae ete vae iyarasɨ yae.

ZACARÍAS 8:13

Jare peiko yepopeyurä ïru tëtaguasu reta ipɨte rupi, pe Judá jare Israel pegua reta, jökorai pogüɨroasayepeta jare peïta mborerekuarä. Agüɨye peyembopɨtu ¡Agüɨye pekɨɨye! ¡Jaeño peñemomɨ̈rata yae!”

DEUTERONOMIO 8:20

Perovake yandeYa Tumpa opata omokañɨ tëtaguasu reta rami, pe opata pekañɨtei, mbaetɨ yave yandeYa Tumpa iñee jei vae peyapo.