DANIEL 8:27 - Biblia Guarani Tumpa Iñee

²⁷ Che, Daniel, ayandu chepɨtu yae aiko, mbovɨ ara rupi chembaerasɨ aiko. Ërei apüa ye yave, amboɨpɨ ye ayangareko mburuvicha guasu iparavɨkɨ re. Ërei che ayemongeta yae aiko jókuae aechagüe re, echa mbaetɨ chepuere aikuaa.

DANIEL 8:27 ပူးပေါင်းရင်းမြစ်များ

DANIEL 10:16

Güɨramoiño metei kuimbaeecha vae opoko cheyuru re. Jayave jae jókuae cheróvai oyemboɨ oï vae pe: ‘Cheya, kuae aecha vae chembopɨatɨtɨ yae jare mbaetɨ etei chepuere.

DANIEL 10:8

Cheño ete apɨta, jare aecha kuae mɨakañɨ guasu oyekuaa cheve vae, jare mbaetɨ etei cherete ipɨ̈rata, opaetei cherëogüe, mbaetɨ etei chepuere.

DANIEL 4:19

Jayave Daniel, Beltsasar pe ombojee reta vae, ipɨakañɨ yae opɨta metei ora seri rupi, jare yemongeta reta ou chupe vae ombopɨatɨtɨ yae. Jare mburuvicha guasu jei chupe: ‘Beltsasar agüɨye tandembopɨajopa kuae mbaɨu jare mbae ko oipota jei vae.’ Beltsasar jei: ‘¡Cheruvicha guasu, kuae repaɨu vae toiko nderovaicho reta kotɨ, jare mbae ko oipota jei vae, toyembopo ikavimbae oipota ndeve vae reta kotɨ!

DANIEL 5:14

Che aendu nderegua, kërai oime oï nderé Tumpa Iyoambae iespíritu, jare oñeväe nderé arakuaa katu tuicha yae vae.

DANIEL 7:28

Körai opa imiari cheve. Jare che Daniel, cheyemongeta chembopɨaä yae jare cherova iyu yae; ërei mbaetɨ etei kia pe chemiari kuaekuae regua.”

DANIEL 8:17

Jayave ou oya cheré. Che akɨɨye jare ayetavatɨka chetindɨasɨ ɨvɨ re, ërei jae jei cheve: ‘Nde kuimbae, kuae reecha vae ko ara reta iyapɨta ma yave vae regua.’

DANIEL 8:2

Kuae aecha vae pe aïecha tëta Susa pe, jae ko tëta mburuvicha guasu reta iporookuaía ɨvɨ Elam pe, ɨ̈aka Ulai jee vae jembeɨ pe.

DANIEL 8:7

Jare oakɨo chugüi mókoi reve jäti, jare vecha kuimbae mbaetɨ ipuere oñeraro jae ndive. Javoi kavara kuimbae oipɨaka jókuae vecha kuimbae, jare opɨ̈ro pɨ̈ro jese, mbaetɨ etei kia ipuere oepɨ chugüi.

HABACUC 3:16

Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

1 SAMUEL 3:15

Jare Samuel oyapakua oke köe regua, jayave oipea yandeYa jo jöke. Jare Samuel oipoɨuño omombeu Elí pe jókuae Tumpa güi oendugüe.