DANIEL 8:23 - Biblia Guarani Tumpa Iñee

²³ Kuae mburuvicha guasu reta iporookuaía opa ma iyapɨ imbaepuere yave, jare teko ikavimbae reta jeiete yae ma yave, metei mburuvicha guasu iporomboetembae vae, ipoki yae mbae yavai yae oyapo kavi vae oguapɨta mburuvicharä.

DANIEL 8:23 ပူးပေါင်းရင်းမြစ်များ

GÉNESIS 15:16

Nerɨmɨmino reta jɨmɨmino reta oyerova yeta kuae kotɨ; echa kuae ara rupi amorreo reta ndeiño omondo ete mbatee imbaeyoa.

PROVERBIOS 1:6

Yaikuaa vaerä ñee arakuaa pegua reta yarakuaa vae reta güi, ñee reta mbae re ombojaanga vae, yaikuaa vaerä mbae oipota jei vae.

EZEQUIEL 38:16

Reporepeñata chembae vae reta Israel re, amapɨtu oyasoi ɨvɨ ramita reñova ɨvɨ. Köraita oiko ara iyapɨ rupi: Rogüeruta reporepeña cheɨvɨ re, tëtaguasu reta chekuaa vaerä, ayemboyekuaa ma yave nderupi Gog.’

EZEQUIEL 38:8

Kuae güire ɨma pe Tumpa ndeokuaita reporepeña vaerä ɨvɨ ñeraro güi oasayepe vae re, ketɨ ketɨ ïru ɨvɨ güi oyereru vae reta re, ɨvɨtɨ reta Israel pegua re ñogüɨnoi vae, tëta oyemboai avei vae; ërei oñerenoeuka tëtaguasu reta güi, jare opaete jae reta yogüɨreko pɨagüive vae re.

DANIEL 10:14

Ayu aikuaauka vaerä ndeve kërai nerëta oasata kuri vae; echa jókuae reecha vae, jókuae ara rupi oyeapo vaerä ko.’

DANIEL 11:21

Jae jaɨkue rupi oguapɨta mburuvicha guasurä metei kuimbae jeko kavimbae yae vae, oiko potaä tëi mburuvicha guasurä vae; jae mbaetɨta oechauka ikavimbae oyapota vae, ërei oguapɨta mburuvicha guasurä yembotavɨ rupi.

DANIEL 11:24

Jókuae ɨvɨ pegua reta yogüɨreko pɨagüive yae jare yogüɨreko kavi yave, oike retata jare oyapo reta iñemuñagüe reta mbaetɨi oyapo vae: Omboyaota isundaro reta pe mbaembae, mbae jepɨ vae opɨ̈rogüe. Oyemongeta oporepeña vaerä tëta guasu reta oñekëse kavi yae vae re, yepe tëi mbovɨ año peguaño.

DANIEL 7:11

Jayave che amae jókuae mbaeporou jäti jeta mbaembae ikavimbae jei vae oyeendu jeko pegua; amae aï oyuka reta regua jókuae mbaeporou jare jete opaetei oyembojaɨ jaɨ, javoi oitɨ reta tata pe opa vaerä ókai.

DANIEL 7:20

Aipota tëi vi aikuaa kavi jókuae payandepo jäti reta regua jare jäti michi vae, oime jesa güɨnoi vae jare jeta mbaembae ikavimbae jei vae re, echa tuichaecha oyekuaa ïru reta güi, jare mbaeporou mboapɨ jäti opa oyeakɨo chugüi oeya vaerä jókuae jäti michi vae jendarä.

DANIEL 7:25

Jeita mbae ikavimbae Tumpa Tuichagüe yae ete vae kotɨ, jare Tumpa pe oñeñono tee vae reta pe oiporaraukata; oekata kërai oipoepɨ vaerä Tumpa iporookuai jare arete reta oyeapo Tumpa pe vae, jare Tumpa pe oñeñono tee vae reta ñogüɨnoita ipo pe mboapɨ año y medio rupi.

DANIEL 7:8

Che amae aï ramboeve jókuae jäti reta re, aecha jókuae reta ipäu güi oë ye ïru jäti ma michi vae, jayave oakɨo reta chugüi mboapɨ jäti jókuae taɨkue oë vae jendarä; kuae oime jesa, kuimbae jesa rami jare imiari jeta mbaembae ikavimbae.

DANIEL 8:22

Irundɨ jäti reta oë jókuae tenondegua jäti opë yave vae, jae ko kuae tëtaguasu güi oëta irundɨ mborookuaía, ërei mbaetɨta jókuae tenondegua imbaepuere rami.

DANIEL 8:24

Imbaepuere yaeta, ërei ngaraa jae imbaepuere pe ae; jeta yaeta oporomboai, oë kavi aveita chupe opaete mbae oyapogüe. Jae jeigüeño oyapota, omokañɨteita kuimbae imbaepuere yae vae reta, jare jeta Tumpa pe oñeñono tee vae reta.

DANIEL 8:25

Ipoki yae oporombotavɨ vae rupi oë kavi aveita chupe mbaembae. Oyembotuicha yaeta, jare jeta kuimbae yogüɨreko pɨagüive vae oyukata iparanoe. Oñemopüata mburuvicha reta Juvicha re, ërei oñemoamɨriukata chupe.

NÚMEROS 24:24

Yogüeruta barco reta ɨguasu mbɨte Quitim jee vae kotɨ güi, oiporaraukata Asiria pe jare Heber pe; ërei jae reta opata vi ko okañɨtei jekuae avei pegua.”

San Mateo 23:32

Pe reta ikavi ko peyapo voi mo peñemuñagüe oyapo rami.

DEUTERONOMIO 28:50

ipïrimbae yae vae reta, mbaetɨta omboete ndechi yepe ani michia yepe.

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.

1 Timoteo 4:1

Ërei Espíritu Santo omombeu kavi yandeve kërai ara reta taɨkuegua pe amogüe vae oyerovata iporogüɨrovia güi, ojo vaerä espíritu oporombotavɨ vae reta ndive jare aña reta iporomboe rupi,

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.