DANIEL 8:22 - Biblia Guarani Tumpa Iñee

²² Irundɨ jäti reta oë jókuae tenondegua jäti opë yave vae, jae ko kuae tëtaguasu güi oëta irundɨ mborookuaía, ërei mbaetɨta jókuae tenondegua imbaepuere rami.

DANIEL 8:22 ပူးပေါင်းရင်းမြစ်များ

DANIEL 11:4

Ërei oï kavi yae ma yave, iporookuaía oyemboaita jare oyemboyaota irundɨ yemboyao pe. Ërei kuae mborookuaía reta mbaetɨta oasa iñemuña reta pe, mbaetɨta vi jökorai imbaepuere yae tenonde yave rami, echa oyemboyaota opɨta jare jekovia pe ïru vae reta ñogüɨnoita mburuvicharä.

DANIEL 7:6

Mboapɨa mbaeporou jae ko yaguapara rami, ërei güɨnoi irundɨ ipepo ikupe re; aecha vi güɨnoi irundɨ iñäka jare oñemee chupe mbaepuere.

DANIEL 7:7

Irundɨa mbaeporou oyekuaa cheve vae jae ko yavaete yae, yandemongɨɨye yae jare ipɨ̈rata yae vae. Güɨnoi jäi tuichagüe jiero pegua; oporou yave oporomopüruru jare jembɨregüe re opɨ̈ro. Ambuaeyee yae ïru mbaeporou reta tenonde aecha vae güi, jare iñäka re güɨnoi payandepo jäti.

DANIEL 8:21

Kavara kuimbae reecha vae, jae ko tëtaguasu Grecia pegua mburuvicha guasu, jare jókuae metei jäti tuicha yae güɨnoi jesɨva re vae, jae ko tenondegua ete mburuvicha guasu.

DANIEL 8:23

Kuae mburuvicha guasu reta iporookuaía opa ma iyapɨ imbaepuere yave, jare teko ikavimbae reta jeiete yae ma yave, metei mburuvicha guasu iporomboetembae vae, ipoki yae mbae yavai yae oyapo kavi vae oguapɨta mburuvicharä.

DANIEL 8:3

Amopüa cheäka amae yave aecha metei vecha kuimbae oï ɨ̈aka jembeɨ pe. Güɨnoi mókoi jäti puku vae, ërei metei jäti puku yae jókuae ïru güi, taɨkue oë, ërei puku yae okuakuaa.

DANIEL 8:8

Jókuae kavara kuimbae jeieteño oyembotuicha, ërei imbaepuere yae ete ma yave, jókuae jäti tuicha yae vae opë chugüi, jare jendagüe pe oë irundɨ jäti opövee oipota rupi vae.

ZACARÍAS 6:1

Cheäka aupi pɨau ye jare aecha irundɨ käretou oyekuaa mókoi ɨvɨtɨ ipäu güi; jókuae ɨvɨtɨ reta jiero iyu vae pegua.