DANIEL 8:21 - Biblia Guarani Tumpa Iñee

²¹ Kavara kuimbae reecha vae, jae ko tëtaguasu Grecia pegua mburuvicha guasu, jare jókuae metei jäti tuicha yae güɨnoi jesɨva re vae, jae ko tenondegua ete mburuvicha guasu.

DANIEL 8:21 ပူးပေါင်းရင်းမြစ်များ

DANIEL 10:20

Jayave jei cheve: ¿Reikuaa pa maera ayu aväe ndeve? Echa añave aja yeta añeraro vaerä araɨgua ɨvɨ Persia re oyangareko vae ndive. Opa añeraro jae ndive yave, outa vi araɨgua ɨvɨ Grecia re oyangareko vae.

DANIEL 11:2

Añave aikuaaukata ndeve añetete vae: Oimeñota räri mboapɨ mburuvicha guasu reta Persia pe, ërei irundɨa mburuvicha guasu oikokatu yaeta jókuae mboapɨ tenondegua reta güi. Jókuae jeta imbaeyekou vae rupi imbaepuere yae ma yave, omopüata opaete vae, tëtaguasu Grecia pegua mborookuaía kotɨ.

DANIEL 11:3

Ërei jaɨkue rupi opüata metei mburuvicha guasu jëia yae vae, jae güɨnoita mbaepuere opaete vae re jare oyapota jae jeigüe.

DANIEL 2:39

Jare nderaɨkue rupi opüata mburuvicha guasu iporookuaía mbaetɨ tuicha mbatee ndeporookuaía güi vae; jare jaɨkue rupi opüata mboapɨa mborookuaía jiero iyu vae pegua, kuae güɨnoita mbaepuere opaete ɨvɨ re.

DANIEL 7:6

Mboapɨa mbaeporou jae ko yaguapara rami, ërei güɨnoi irundɨ ipepo ikupe re; aecha vi güɨnoi irundɨ iñäka jare oñemee chupe mbaepuere.

DANIEL 8:20

Vecha kuimbae mókoi jäti reecha vae, jae ko Media pegua jare Persia pegua mburuvicha guasu reta.

DANIEL 8:22

Irundɨ jäti reta oë jókuae tenondegua jäti opë yave vae, jae ko kuae tëtaguasu güi oëta irundɨ mborookuaía, ërei mbaetɨta jókuae tenondegua imbaepuere rami.

ZACARÍAS 9:13

Echa Judá amotäta ma cheyeupe güɨrapa oñemoata kavi rami, jare añono ndeve Efraín uvɨ rami. Jare Sión pegua reta amopüata, Grecia pegua reta kotɨ, jare roapota jëia yae vae ikɨsepuku rami.”